I le faitauga muamua o le tusiga igoa e pei ona sa alo atu iai Samoa i le tausaga ua mavae, ua lipotia mai le 'ova i le 200,000 tagata o loo aumau i Samoa, ma se si'itaga mai le aofa'i i le tusiga igoa i le 5 tausaga ua mavae.
O le tusiga igoa e pei ona faia i le ta'i 5 tausaga i Samoa, e faamaopoopoina e le matagaluega o fuainumera faamaumauina.
O loo lipotia mai ai le sili atu o le aofa'i o alii nai lo tamaita'i i le atunu'u.
E le'i faigofie le galuega o le tusiga igoa lenei i Samoa ona na faia i le taimi o faamamalu Vavao i pupuiga o le KOVITI-19.