Coming Up Sun 10:00 PM  AEST
Coming Up Live in 
Live
Samoan radio

KOVITI-19 i Ausetalia: faamatalaga e ao ona silafia i lou Setete ma Teritori.

Keep your Distance Source: Getty Images.

Ua iai ni suiga taua i faatonuga o Sa ma Vavao ona o puipuiga o le pepesi o le coronavirus i Ausetalia. O nei suiga e 'ese'ese i Setete ma Teritori e faatatau i o latou lava mana'oga ma popolega. O suiga nei e a'afia ai lou Setete poo le Teritori.

Mo Faamatalaga i le SBS COVID-19 i le Atunu'u atoa, CLICK HERE

O faamatalaga nei na mulimuli faafouina i le 07/12/2020. Mo faamatalaga mulimuli nei i le faama'i KOVITI-19 i le gagana Peretania, asiasi i le:  https://www.sbs.com.au/news/topic/coronavirus-covid-19

Vitoria - tatalaina o Sa ma Vavao.

Potopotoga:

  • Tu'ua lou fale - le toe iai se Sa 
  • Potopotoga ma isi - tapula'a i le 100 tagata i fafo
  • Tagata asiasi atu i lou aiga - tapula'a i le to'a 30 tagata i le aso, ma mafai ona 'ese'ese aiga e o mai ai (le faitaulia pepe i lalo o le tausaga le matutua) 
  • Fiafia o le Kerisimasi: e amata faamamalu le tulafono mai le Aso 14 o Tesema, lea o le a mafai ai ona potopoto tagata e to'a 30 i se aiga i se aso e tasi (pepe i lalo o le tausaga le matutua e le faitauina ai) 
  • Falema'i ma nofoaga e tausi ai tagata: le toe iai se Sa i le aofa'i o tagata e asiasi poo le 'umi o se asiasiga. E faatulaga e falema'i aiaiga ma tulafono mo tagata e asiasi atu iai. 
  • Le toe iai se tapula'a i tagat e auai i faaipoipoga ma maliu, ae ia tausisia le 2 sq mita i le va mamao o tagata.

Galuega.

A le mafai ona e faigaluega mai lou fale, ma mana'omia ona e alu i le galuega, e mafai ona e alu i le galuega. Tausisi le saogalemu i le galuega e auala i le:  

  • faia sau ufi foliga, sau face mask i le taimi e te iai i le galuega ma le taimi e te tu'ua ai lou aiga. 
  • fufulu faifaipea ou lima
  • tale pe mafatua i lou tulilima poo se solo pepa
  • tausisi le 1.5 mita le mamao mai isi tagata.

O pisinisi uma e tatau ona faatulagaina se COVIDSafe Plan, e aofia ai pisinisi e faia mai le fale (i.e. e pei o se pisinisi 'oti ulu mai le fale).

Mo nisi faamatalaga: https://www.coronavirus.vic.gov.au/work-study-and-volunteering-third-step#can-i-go-to-work

A'oga

Ua toe fo'i uma tamaiti i a'oga i totonu o potu a'oga.
Ua faatagina fo'i ona toe faia vasega i Iunivesite TAFE ma isi a'oga maualuluga i potu a'oga.

Femalaga'iga:

  • Ua le toe iai ni puipuiga i mafua'aga e te tu'ua ai lou aiga poo le mamao e te malaga ai. 
  • Ua mafai ona e asiasi ma faia sau tafaoga i soo se vaega o Vitoria.
  • Ua mafai ona book se nofoaga tou te tafafao ai ma nisi tagata tou te nonofo faatasi, lou to'alua, ma ni uo se to'alua poo nisi o lou aiga ma se fanau e le o nonofo faatasi ma 'oe. 
  • Ua le toe iai se tapula'a i mafua'aga o femalaga'iga i le va o Melbourne ma nu'u i tua o Vitoria.  
  • Ua toe amataina nei femalaga'iga faa-va-o-malo.

Pisinisi ma faafiafiaga:

Cafes, fale'aiga ma papu: le toe iai se tapula'a i le aofa'i o tagata e ulufale ma tafafao ai, ae tatau i pisinisi uma ona tausisia le 2 sq mita a le tagata. Ua soloia le aiaiga e na o tagata e nonofo i laulau e mafai ona tautuaina. 

  • Ta'aloga i fafo, vai 'a'au: leai se tapula'a, ae tatau ona tausisia le 2 sq mita le va o tagata. 
  • Gyms: e faalagolago i le tele o le fale le aofa'i o tagata e faatagaina, 4 sq mita le va mamao pe a auai se tagata faigaluega e va'aia, 8 sq mita a le tagata pe a leai se tagata faigaluega e auai. 

Sala tupe

E iai faasalaga tupe pe a solia ni aiaiga o Sa ma Vavao o loo faatulafonoina.

  • O tagata ua faamaonia le pesia pe na fesoota'i ma se tagata pesia, ma ua faatonuina e tausi puipuia, a le usita'ia le faatonuga, o le a faasalaina i le totogi o se sala tupe. 

Mo nisi faamatalaga: https://www.coronavirus.vic.gov.au/fines-enforcement-and-reporting 

New South Wales

Tapula'a i potopotoga:

  • To'a 50 tagata e mafai ona asiasi i seisi aiga ae ia potopoto i fafo, peita'i a leai se nofoaga i fafo, e fautuaina le tapula'a i le 30 tagata. 
  • Mai le Aso 7 oTesema, e fautuaina le tapula'a i le 100 tagata e potopoto i fafo.
  • Faaipoipoga, maliu ma sauniga lotu: (mai le Aso 7 o Tesema) le toe iai se tapula'a, ae ia tausisia le 2 sq mita le mamao i le va o tagata.

Galuega:

  • Mai le Aso 14 Tesema 2020, o le faatonuga mai le soifua maloloina e faatagaina ai e Kamupani ona faa-faigaluega tagata mai o latou aiga (pe a tala feagai ai), ua soloia nei.  
  • Ae ua toe fo'i tagata e galulue faatasi ma isi tagata faigaluega i ofisa ma fale faigaluega, e fautuaina Kamupani uma ina faatulaga se COVID-19 Safety Plan.
  • E fautuaina fo'i le faatulagaina o sifi ina ia 'aua le amata faatasi tagata faigaluega. O le a fesoasoani lea i le faaitiitia o le tumutumu o feoa'iga faitele, ma fautuaina fo'i tagata faigaluega e faia ufi foliga pe a malaga i feoa'iga faitele. 
  • Ua fautuaina fo'i tagata faigaluega ina ia nonofo i aiga pe a faaologina le faama'ima'i, ma faia se test mo le KOVITI-19 ma faalogoina ni auga. 

A'oga:

  • Soo se tamaititi a'oga e a'afia i auga o le KOVITI-19, e tatau ona nofo i le fale se'a maua mai le faai'uga o lana test e le o pesia i le vairusi. 
  • Ua faasaina ona faia siva, laugatogi ma isi potopotoga masani i le faai'uga o le tausaga mo a'oga. 
  • Nisi faamatalaga moa A'oga i NSW: https://education.nsw.gov.au/covid-19/advice-for-families#School2 

Feoa'iga ma femalaga'iga:

  • Ua mafai ona asiasi mai tagata mai isi Setete i NSW mo tafaoga, peita'i e tatau ona latou usita'ia tulafono a o latou Setete i le taimi e toe fo'i ai.
    • Tatala paka Karaveni ma nofoaga tolauapi. O tagata e fia tafafao i paka faitele, e tatau ona siaki i le www.nationalparks.nsw.gov.au mo nisi faamatalaga.
    • O loo iai pea vavao ma puipuiga i asiasiga o nofoaga e tausi ai tagata matutua.

Nisi faamatalaga: https://www.nsw.gov.au/covid-19/what-you-can-and-cant-do-under-rules/border-restrictions

Pisinisi ma fa'afiafiaga: 

  • Mo nisi ituaiga pisinisi ma faalapotopotoga, e faamalosia ona resitara se COVID Safe i lalo o faatonuga le Public Health Orders. Nisi faamatalaga: https://www.nsw.gov.au/covid-19/covid-safe
  • Fale tolegi ma fale kalapu: tasi le tagata i le 4 sq mita, tapula'a i le 50 tagata e mafai ona auai i fale tolegi, pe sisiva i le dance floor o se nightclub.
  • Malae ta'alo tetele ma fale tifaga: (i fafo) 100% e mafai ona nonofo i nofoa, va mamao e 2 sq mita i vaega o malae e leai ni nofoa. Totonu: 75% o le tumu e masani ai.
  • Nofoaga feoloolo le tele mo tafaoga (200 sq mita le tele), tasi le tagata i le 2 sq mita le mamao ma isi. 
  • Toe faataga uma ta'aloga masani i malae e aofia ai tolegiga ma ta'aloga pu'e. 

O pisinisi uma e faamaopoopoina ta'aloga ma isi, e tatau ona iai se COVID-19 Safety Plan e aofia ai faamaumauga o suafa o tagata uma e auai ai: https://www.nsw.gov.au/covid-19/covid-safe-businesses

Sala Tupe:

  • E iai faasalaga tupe pe a solia ni aiaiga o loo faamalosia pea i Sa ma Vavao.

O le solia o faatonuga i lalo o le Public Health Act 2010 o se solitulafono ma e mamafa faasalaga e ono aumai ai. 

Nisi faamatalaga i le: https://www.nsw.gov.au/covid-19/what-you-can-and-cant-do-under-rules#public-health-orders-record-keeping-and-penalties


Queensland

Potopotoga:

  • 50 tagata e faataga ona potopoto i totonu o le fale o se aiga, ma le to'a 100 i nofoaga faitele i Queensland.
  • Faaipoipoga: O'o i  le 200 tagata e mafai ona auai i se faaipoipoga, ma ua faataga le au vala'aulia ona sisiva (i totonu o se fale poo fafo). 
  • Maliu: O'o i le 200 tagata e mafai ona auai i sauniga o se maliu.
  • Nofoaga e tausi ai nisi:  E mafai ona e asiasi i se nofoaga o loo tausi ai se tasi e pele ona o faafitauli o le mafaufau poo le 'ava malosi ma vaila'au faasaina.   
  • Asiasiga i falema'i: E fuafua lava i le aofa'i e taliaina e falema'i ta'itasi.

Nisi faamatalaga: https://www.covid19.qld.gov.au/government-actions/roadmap-to-easing-queenslands-restrictions

Galuega:

O pisinisi uma e tatau ona:

  • Lagolagoina tagata e faigaluega mai le fale
  • Tuli i le fale se tagata faigaluega e le o malosi
  • Tausisi le va mamao o tagata i le 2 sq mita a le tagata
  • Fofola faailo e iloa ai e tagata le va mamao e ao ina tausisia
  • Galulue i totonu o le COVID Safe Framework
  • Faamama ma fufulu fola o laulau 
  • Iai fagu sipili fufulu lima.

O tagata faigaluega e tatau ona:

  • Nonofo i le fale pe a o faama'ima'i
  • Fai se test pe a o lagonaina auga o le COVID-19 
  • Tausisi le va 1.5 mita le mamao mai isi tagata
  • Fufulu lima i se fasimoli poo le sipili fufulu lima
  • Ufi lou fofoga pe a e tale pe mafatua.

 A'oga:

  • A manatu le pule a'oga, se faia'oga poo seisi tagata faigaluega o le a'oga o loo ma'i se tamaititi, e tatau ona latou faafesoota'ia matua e sau seisi e avatu le tamaititi i le fale
  • E tatau i le matua ona piki lea tamaititi mai le a'oga i se taimi vave
  • E le tatau ona toe fo'i mai le tamaititi i le a'oga se'i vagana ua le toe pesia, pe le o toe molimauina ni auga o se ma'i.

Nisi faamatalaga: https://www.qld.gov.au/health/conditions/health-alerts/coronavirus-covid-19/current-status/public-health-directions/school-and-early-childhood-service-exclusion-direction

Femalaga'iga ma feoa'iga:

  • Mai le Aso 1 o Tesema 2020, faato'a mana'omia ona faatumu sau Queensland Border Declaration Pass, pe a faapea na e iai i se vaega o le atunu'u o loo pepesi ai le faama'i, ma e te le'i lele sa'o i Queensland mai se atunu'u i fafo.
  • Soo se tagata na faamalosia ona tausi puipuia pe quarantine - ona na ui mai i New South Wales poo Vitoria - e mafai ona tu'ua le quarantine pe a faamaonia i se test e le o pesia i le KOVITI-19, ma e tatau ona tu'uina mai sona tuatusi i le mea e faamautu pe nofo ai i Queensland. 
  • E tatau ona e ulufale i Queensland e auala i se va'alele pe a faapea na e asiasi i se nofoaga o loo pepesi ai le faama'i. E atatu ona iai se faatagaga faapitoa e mafai ai ona e ulufale e auala i se taavale, se'i vagana, o 'oe o se 'ave loli, se tagata faigaluega i le la'uina o 'oloa poo seisi lava galuega o 'au'aunaga mana'omia.  

Nisi faamatalaga:https://www.qld.gov.au/health/conditions/health-alerts/coronavirus-covid-19/current-status/public-health-directions/border-restrictions

Pisinisi ma faafiafiaga:

  • Totonu o fale: Tasi le tagata i le 2 sq mita (fale'aiga, cafe, papu, kalapu, fale mata'aga, fale faaali ata, malumalu tapua'i, maota o le palemene). 
  • Ta'aloga ma faaaliga i totonu: 100% pe a nonofo i nofoa, o faaaliga e faatau ai pepa, e tatau i tagata ona faia ufi foliga (masks) i le taimi e ulufale ai ma le taimi e tu'ua ai (fale tifaga, koniseti musika, ta'aloga e faia i totonu o se fale). Ia 2 mita le va o tagata ta'a'alo ma le aumaimoa, se'i vagana se 'aufaipese e tatau ona 4 mita le va ma le au maimoa.  
  • Ta'aloga ma faaaliga i fafo : 1500 tagata e faatagaina, ae ia iai se COVID Safe Event Checklist. A tele atu, e mana'omia ona iai se COVID Safe Plan.
  • Malae tetele ta'alaelae: mafai ona tumu i le 100% (ae mana'omia se COVID Safe Plan).
  • Siva i fafo: Taga le siva ma sa'asa'a i fafo (e.g. koniseti musika ma pa-pia i tuafale o papu).

Nisi faamatalaga: https://www.covid19.qld.gov.au/government-actions/roadmap-to-easing-queenslands-restrictions 

Sala tupe:

  • E faamalosia sala tupe i nofoaga o loo faamamaluina ai Sa ma Vavao, e pei o potopotoga solitulafono poo le le faia o se ufi foliga i nofoaga o loo faamalosia ai. 

Nisi faamatalaga: https://www.covid19.qld.gov.au/government-actions/roadmap-to-easing-queenslands-restrictions


South Australia

Potopotoga:

  • 1 le tagata i le 4 sq mita i totonu o fale 
  • 1 le tagata i le 2 sq mita i nofoaga i fafo
  • Sauniga (e aofia ai faaipoipoga ma maliu): 150 tagata le tapula'a, 1 le tagata i le 2 sq mita

Nisi faamatalaga: https://www.covid-19.sa.gov.au/restrictions-and-responsibilities/activities-and-gatherings

Galuega:

  • E ui i le tatalaina o nisi Sa ma Vavao, ae o loo fautuaina pea tagata ina ia faigaluega mai aiga pe a mafai ma tala feagai ai.  
  • E taua tele le fetu'utu'una'i o fuafuaga i galuega i le vaitaimi lenei o puipuiga o le pepesi o le KOVITI-19 i South Australia. E taua mo le faa-auauina o pisinisi pe a tupu mai seisi galu pepesi o le faama'i.

A'oga:

Ua tatalaina uma a'oga i South Australia. Nisi faamatalaga e maua i le: https://www.education.sa.gov.au/supporting-students/health-e-safety-and-wellbeing/covid-19-coronavirus

Femalaga'iga ma feoa'iga: 

  • A faapea e mana'omia ona e malaga i auala faitele, e tatau ona e filifilia le auala lata ma sa'o i le mea o e fia malaga iai. 
  • E le o iai ni Sa ma puipuiga i le feoa'i o tagata i totonu lava o South Australia.  
  • O tagata malaga uma mai atunuu i fafo e taunu'u i South Australiae tatau ona tausi puipuia pe quarantine mo le 14 i se faletalimalo ua faasino atu e le SA Health.  

Nisi faamatalaga: https://www.covid-19.sa.gov.au/restrictions-and-responsibilities/travel-restrictions

 Pisinisi ma faafiafiaga:

  • 'Aua ne'i sili atu le aofa'i i le 1 le tagata i le 2 sq mita
  • O taumafa ma mea inu e faatauina i totonu o fale (aofia ai papu, cafes, kalapu, fale'aiga, wineries, etc.) e tatau ona taumafaina ma inu ae o nonofo i se laulau, e taga le taumamafa ma feinu tutu i nofoaga i fafo. 
  • O tagata e gafa ma tiute o le tausiga o nisi tagata, e tatau ona faia 'ofu puipuia tala feagai i le taimi o faatino ia tiute taua  
  • O fale tifaga ma isi fale o faafiafiaga ma maimoaga, ua faatagaina ona talia le 50% o le tumu sa masani ai. 

Nisi faamatalaga: https://www.covid-19.sa.gov.au/restrictions-and-responsibilities/business-restrictions-and-closures

Sala tupe:

  • E iai faasalaga mo le le usita'ia o puipuiga i nisi o nofoaga, e pei o le potopoto solitulafono poo le le faia o se ufi foliga i nofoaga e faamalosia ai. 

Nisi faamatalaga: https://www.covid-19.sa.gov.au/restrictions-and-responsibilities

Western Australia

Potopotoga:

  • Leai se tapula'a ile aofa'i o tagata e asiasi atu i lou aiga, ae tatau ona tausisi i le va mamao e 2 sq mita a le tagata. 
  • Leai se tapula'a i le aofa'i o tagata e potopoto i nofoaga faitele, ae tatau ona tausisi i le 2 sq mita a le tagata le va. 
  • E le faamalosia le aiaiga o le 2 sq mita i nofoaga o faafiafiaga ma faaaliga e nonofo ai tagata i nofoa, atoa ai ma isi nofoaga e pei o sauniga lotu.  
  • O loo tumau puipuiga i nu'u o tagata Aboriginal.
  • O loo tumau puipuiga i asiasiga i nofoaga e tausi ai tagata matutua.

Nisi faamatalaga: https://www.wa.gov.au/government/publications/covid-19-coronavirus-controlled-interstate-border-frequently-asked-questions-faq#restrictions 

Galuega:

  • Ua fautuaina tagata faigaluega uma i Western Australia e toe fo'i i galuega, se'i vagana ua a'afia i gasegase poo nisi faafitauli o le soifua maloloina. A faapea o e mana'omia se fesoasoani, vala'au i le pule o lau galuega. 

Nisi faamatalaga: https://www.wa.gov.au/organisation/department-of-the-premier-and-cabinet/covid-19-coronavirus-business-and-industry-advice#returning-to-work

I le fale faigaluega

  • Tausisi i le tu-mama ma le va mamao ma isi tagata.
  • 'Aua le faatalofa pe lulu 'a'ao.
  • Fufulu mama fola o laulau ma isi meatotino.
  • Taofia le 'a'ai faatasi ma isi tagata, ae fai lau taumafataga i lau laulau.
  • 'Aua le faasoaina mea'ai ma isi tagata faigaluega.

Nisi faamatalaga: https://www.wa.gov.au/organisation/department-of-the-premier-and-cabinet/covid-19-coronavirus-advice-community-service-providers

 A'oga:

  • Toe faamalosia ona o uma tamaiti i a'oga, se'i vagana ua mama'i pe o iai nisi faafitauli o le soifua maloloina, poo se tasi o le aiga o loo a'afia i ni gasegase. 
  • Ua mafai e matua ona ulufale i lotoa o a'oga e momoli ma piki mai le fanau. 

Nisi faamatalaga: https://www.wa.gov.au/organisation/department-of-the-premier-and-cabinet/covid-19-coronavirus-education-and-family-advice#advice-for-schools

Femalaga'iga ma feoa'iga:

  • Ua faia ni aiaiga e le Setete o WA e faatatau i le tatalaina o tua'oi i lalo o fautuaga mai auaunaga soifua maloloina.
  • E faalagolago le tatalaina o tua'oi o WA i le tulaga o puipuiga i isi Setete ma Teritori i le atunuu, ma e mata'ituina le tatau ona 14 as e leai se tasi ua pesia i le KOVITI-19 pe i lalo o le to'a 5 i le community i le 19 aso. 

Pisinisi ma faafiafiaga:

  • Leai se tapula'a i le aofa'i o tagata e auai i se faafiafiaga, ae ia tausisia le aiaiga o le 2 sq mita a le tagata le mamao. O lona uiga, o le aofa'i o tagata e talia i se nofoaga e faalagolago i le tele o lea nofoaga.  
  • O nofoaga tetele e masani ona ofi ai tagata e to'a 500, e tatau ona faitau ai ma le 'aufaigaluega i le 5oo lea o tagata.  
  • Toe tatala casino i lalo o ni aiaiga faapitoa. 
  • Le toe mana'omia ona faamauina igoa o tagata e ulufale i fale'aiga, cafe ma papu. 
  • Faataga le tele o faafiafiaga se'i vagana multi-stage music festivals
  • Optus Stadium, HBF Park ma le RAC Arena ua mafai ona tatala ae na o le 50% o le tumu sa masani ai.
  • Faataga Koniseti musika ma fa'aili i papu, ma kalapu. 
  • Tapula'a i le 60% o le tumu sa masani ai i nofoaga o koniseti e nonofo ai tagata i nofoa.

Nisi faamatalaga: https://www.wa.gov.au/government/document-collections/covid-19-coronavirus-food-businesses-and-licensed-premises

Sala tupe:

  • E iai faasalaga mo le solia o puipuiga i nofoaga o loo faamalosia ai, e pei o potopotoga solitulafono ma le le faia o se ufi foliga, se mask, i nofoaga o loo faamalosia ai. 

Nisi faamatalaga: https://www.wa.gov.au/organisation/department-of-the-premier-and-cabinet/covid-19-coronavirus-latest-updates

Tasmania

Potopotoga:

  • Potopotoga i fale o aiga: tapula'a i le 40 tagata e le aofia ai tagata e masani ona nonofo i lea fale. 
  • Faaipoipoga, malumalu tapua'i ma pisinisi: e faalagolago le aofa'i i le tele o le nofoaga; tapula'a i le 250 i totonu ma le 1,000 i fafo. 
  • Asiasiga i falema'i: To'atasi le tagata asiasi i le tagata ma'i e to'atasi o loo tausia i soo se taimi.

Galuega:

O loo fautuaina pea tagata e galulue mai aiga pe a mafai ma tala feagai ai ina ia faamalosia ai le tausisia o le va mamao ma isi tagata.

A'oga:

  • O tamaiti uma e tatau ona toe o i a'oga se'i vagana ua faama'ima'i
  • O tamaiti e ono i se tulaga lamatia mai le pesia i le KOVITI-19 pe a auai i a'oga, o le a tu'uina iai fesoasoani e faa-auau ai a latou vasega ma a'oga mai o latou aiga. Talanoa i le a'oga a lou alo, pe a mana'omia lenei fesoasoani. 

Nisi faamatalaga: https://coronavirus.tas.gov.au/families-community/schools-and-childcare 

Faigamalaga ma feoa'iga:

  • E mafai ona e faimalaga ma e nofo i soo se vaega o Tasmania, ae tatau ona e usita'ia aiaiga e faatatu i potopotoga ma asiasiga i aiga. 
  • O tagata malaga e ulufale i Tasmania, e tatau ona tuuina mai faamatalaga e aofia ai nofoaga i le Setete e fia asiasi iai ina ia pulea le tulaga lamatia o le tua'oi o Tasmania mai le sao atu iai o le KOVITI-19.  
  • O nu'u ma nofoaga na asiasi iai se tagata e le'i malaga mai i Tasmania, e faalagolago iai le faai'uga pe talia ona ulufale mai pe leai. 
  • E iai le pili e te totogia, le quarantine fee, mo tagata e ulufale mai ae tausi puipuia i nofoaga ua faasino iai e le malo Setete (e iai faatagaga faapitoa).  

 Nisi faamatalaga: https://coronavirus.tas.gov.au/travellers-and-visitors/coming-to-tasmania

Pisinisi ma faafiafiaga:

  • Ua mafai nei ona tatala ma faagaoioi pisinisi uma i Tasmania, ae tatau ona faatulagaina muamua se fuafuaga e faamalieina ai le COVID-19 safety standards ma faamau i lalo o le COVID-19 Safety plan. 
  • O le tapula'a o tagata e 2 sq mita le va mamao ma isi
  • Tatala Gyms ae mana'omia ona iai se COVID-Safe plan, e faamamafa i le aofa'i o tagata, va mamao, tuliloaina o nisi e ono pesia, ma le tu-mama. 

Nisi faamatalaga: https://coronavirus.tas.gov.au/families-community/current-restrictions#:~:text=Gatherings%20at%20households%20%E2%80%93%20including%20shacks,on%20gatherings%20and%20household%20visits.

Sala tupe

  • E iai faasalaga i le solia o puipuiga i nofoaga o loo faamalosia ai, e pei o potopotoga solitulafono ma le le faia o se ufi foliga, se mask, i nofoaga o loo faamalosia ai. 

Nisi faamatalaga https://coronavirus.tas.gov.au/

Northern Territory

Potopotoga:

  • E le o iai ni tapula'a i potopotoga o tagata i totonu o fale poo nofoaga i fafo i le NT, peita'i o loo fautuaina tagata e tausisi le va mamao e 1.5 mita ma isi tagata. 
  • Faataga sauniga o faaipoipoga ma maliu. 
  • O potopotoga i luga atu o le to'a 100 tagata, e mana'omia se Covid-19 checklist.

Nisi faamatalaga: https://coronavirus.nt.gov.au/business-and-work/business/guidelines-for-events-and-gatherings

Galuega:

I lalo o Faatonuga a le CHO Directions, o pisinisi uma, faalapotopotoga ma mafutaga a le community, e tatau ona:

  • Faatulaga se COVID-19 Safety Plan, ma e tatau ona mulimulita'i iai ma faafouina i le ta'i 6 masina.
  • Faatulaga sipili fufulu lima, hand sanitiser mo tagata se'i vagana o iai ni paipa ma fasimoli mo le fufuluina o lima.
  • Faailoa lelei e auala i ni faaaliga tusitusia matamata tetele, le tatau i tagata ona amana'ia faatonuga nei: 
    • Tausisi le va mamao e 1.5 mita.
    • Faagata i le 15 minute mafutaga felata'i pe a le mafai ona tausisia le mamao e 1.5 mita. 
    • Tausisi le tu-mama e auala i le fufuluina o lima, pe faaoga le sipili fufulu lima, hand sanitiser.
    • Nofo i le fale pe a faama'ima'i ma faia se test.

Nisi faamatalaga: https://coronavirus.nt.gov.au/business-and-work/safety-supervisors-and-contact-tracing

 A'oga:

E tatau i tamiti uma i le Northern Territory ona auai i a'oga i totonu o potu a'oga.

Nisi faamatalaga: https://education.nt.gov.au/publications/information-for-term-2-2020?SQ_VARIATION_814972=0

Faigamalaga ma feoa'iga:

  • O tagata malaga uma e taunuu i le Northern Territory mai atunuu i fafo, e faamalosia ona tausi puipuia i le Howard Springs quarantine facility.

Tagata mai isi Setete e taunuu i le NT:

  • E le mana'omia ona self-quarantine, pe a faapea na malaga mai se vaega o le atunu'u e le o pepesi ai le faama'i. Mo le lisi o nofoaga e ono a'afia: https://coronavirus.nt.gov.au/travel/quarantine/hotspots-covid-19
  • E tatau i tagata uma e faimalaga mai isi Setete ona faatumu le border entry form i le 72 itula ae le'i taunuu mai.  

Nisi faamatalaga: https://coronavirus.nt.gov.au/travel/quarantine/mandatory-supervised-quarantine-for-repatriated-australians

Pisinisi ma faafiafiaga:

  • Faataga faamalosi tino, potopotoga i nofoaga i fafo, faiga faiva, ma folauga. 
  • Tatala paka, vai 'a'au, ma outdoor gyms.
  • Tatala fale'aiga,Cafes, papu, maketi faatau i totonu o fale, fale mata'aga, ma isi pisinisi faapena.  
  • Faatagaina ta'aloga ma tagata e maimoaina. Ae a 'ova atu i le to'a 500 tagata e auai, e tatau ona faatulagaina se COVID-19 Safety Plan.

Nisi faamatalaga: https://coronavirus.nt.gov.au/business-and-work/business/guidelines-for-events-and-gatherings

Sala tupe:

  • E iai faasalaga tupe mo le solia o puipuiga i nofoaga ua faamalosia ai, e pei o potopotoga solitulafono ma le le faia o se ufi foliga, mask, i nofoaga o loo faamalosia ai. 

Nisi faamatalaga: https://coronavirus.nt.gov.au


Australian Capital Territory

Potopotoga:

  • Aiga: Leai se tapula'a i le aofa'i o tagata e asiasi.
  • Faaipoipoga ma maliu: Tapula'a i le 500 tagata e mafai ona auai i le sauniga o se faaipoipoga poo se maliu, ae ia tausisia le 4 sq mita a le tagata le va.
  • Malumalu tapua'i: Tapula'a i le to'a 25 tagata, e le aofia ai le 'aufaigaluega ma le ta'ita'i o le sauniga.
  • Nofoaga e tausi ai tagata matutua: ua mafai e tagata ona asiasi i seisi o le aiga poo se uo mo le faamoemoe o le faatinoina o le itute o le tausiga o lea tagata. E le o iai se tapula'a i le 'umi e faia ai lenei tiute.
  • Potopotoga faitele: faataga le o'o atu i le to'a 100 tagata (1 le tagata i le 4 sq mita i totonu o se fale, 1 le tagata i le 2 sq mita i se nofoaga i fafo), e aofia ai sauniga o maliu.  

Nisi faamatalaga: https://www.covid19.act.gov.au/news-articles/cautious-step-in-act-covid-19-restrictions

Galuega:

  • Toe fo'i tagata i galuega pe a tala feagai ma mana'oga o le tagata faigaluega poo le Kamupani, ae ia iai se COVID Safe Plan.
  • Nofo i le fale pe a e faama'ima'i, ma fai sau test pe a faalogoina auga o le COVID-19.

Mo nisi faamatalaga: https://www.covid19.act.gov.au/__data/assets/pdf_file/0004/166468/PICC0050-COVID-Recovery-Plan_2-December-2020.pdf

 A'oga:

  • Toe tatala uma a'oga i le ACT. O le to'atele o tamaiti ma faia'oga ua toe fo'i i a'oga. 
  • O tamaiti ma faia'oga e a'afia i ni gasegase matuia ma ono lamatia, e mafai ona a'o'oga ma galulue mai aiga. 
  • A faama'ima'i lou alo, faamolemole 'aua le tuli maia i le a'oga ae faanofo i le fale.

Nisi faamatalaga: https://www.covid19.act.gov.au/community/students-education-childcare

Faigamalaga ma feoa'iga:

  • E vave tele le pepsi o le KOVITI-19, ma e leai se auala e mate'ia ai. 
  • Se'i vagana ua puipuia feoa'iga, e leai se auala e iloa ai e le ACT Health nofoaga e saogalemu pe le saogalemu ona asiasi iai. 
  • E fautuaina tagata mai nofoaga o loo pepsi ai le KOVITI-19 ina ia toe tolopo ni malaga i le ACT.
  • 'Aua e te malaga i auala faitele pe a e faama'ima'i, pe o e tausi puipuia (quarantine). 
  • A mana'omia ona e alu i lou aiga e quarantine ai, sa'ili seisi auala ae 'aua e te alu i se auala faitele. 

Pisinisi ma faafiafiaga:

  • Tatala gyms, fale'aiga, cafes ma kalapu mo tagata e to'a 25.
  • E mafai ona sili atu pe a aloa'ia le aiaiga o le 1 le tagata i le 2 sq mita le va mamao, ae ia faaoga le Check In CBR app.
  •  Tatau ona nonofo i laulau tagata ma inu 'ava malosi i totonu o se fale.
  • Fale tifaga - mafai ona o'o i le 65% o le tumu masani, pe 500 tagata pe a faaogaina le Check In CBR app.
  • Nofoaga tetele i totonu - a faatau ni pepa, e faataga le 65% o le tumu masani, pe tapula'a i le 1,500 tagata.
  • Nofoaga ma malae i fafo - 65% o le tumu masani pe 1,500 tagata e mafai ona auai pe a faatau pepa ulufale. 
  •  GIO Stadium ma le Manuka Oval - 65% o le tumu masani ae nonofo i nofoa.

Mo nisi faamatalaga: https://www.covid19.act.gov.au/business-and-work

Sala tupe:

  • E iai sala tupe pe a solia aiaiga o puipuiga i nofoaga o loo faamalosia ai, e pei o potopotoga solitulafono ma le le faia o se ufi foliga, mask, i nofoaga o loo faamalosia ai.

Mo nisi faamatalaga: https://www.covid19.act.gov.au

 


 O tagata uma i Ausetalia e tatau ona tausisi i le 1.5mita le va mamao mai isi tagata. Siaki puipuiga ma tapula'a i potopotoga a lou Setete.  

Ua mafai nei ona faia su'esu'ega mo le coronavirus i Ausetalia atoa. Ae faalogoina ni auga o le flu, faatulaga sau asiasiga i lau foma'i, pe vala'au le Coronavirus Health Information Hotline i le 1800 020 080.
Ua mafai fo'i ona toina i lau telefoni re'avea'i le coronavirus tracing app COVIDSafe e mafai ona maua mai se app store.
O le ta'utinoga a le SBSle logologoina o 'oe i talafou tala lata mai i le COVID-19. maua talafou ma tala lata mai i le sbs.com.au/coronavirus.