Coming Up Wed 10:00 PM  AEST
Coming Up Live in 
Live
Samoan radio

KOVITI-19 i Ausetalia: faamatalaga e tatau ona e silafia i lau gagana e aofia ai vaila'au puipuia (vaccines).

Vaccine, tui puipuia o le KOVITI-19. Source: AAP

O le tiute tau'ave a le SBS le tu'uina atu o ripoti faatuatuaina e logologoina ai 'oe i le pepesi o le COVID-19 i lau gagana. O lenei pepa o faamatalaga e ta-aofia ai faamatalaga e ao ina silafia e tagata uma i lo tatou atunu'u.

 

O lenei pepa o faamatalaga na mulimuli faafouina i le Aso 12/01/2021. Mo faamatalaga mulimuli nei i le KOVITI-19 i le Gagana Peretania, asiasi i le SBS News Covid-19 page

Vaila'au Puipui (Vaccine) mo le KOVITI-19 i Ausetalia

O loo naunau le malo tele ina ia maua e tagatanu'u uma i Ausetalia vaila'au puipuia (vaccines) e saogalemu ma aoga i togafitiga i le taimi vave e mafai ona mauaina ai.  

I lalo o le COVID-19 Vaccine National Rollout Strategy i Ausetalia, e iloa ai: 

  • Tagatanu'u e tatau ona 'ave iai le faamuamua i tui puipuia, ma la'asaga o le polokalame o tui puipui i Ausetalia. 
  • Au'ili'iliga o auala e tufa ai ma faia tui puipui o tagata i 'au'aunaga soifua maloloina, matagaluega o tiute ma puipuiga o tua'oi, tagata faigaluega i nofoaga e tausi ai tagata matutua poo i latou e iai mana'oga faapitoa. 
  • Nofoaga i le atunu'u e faatinoina ai le faia po tui puipuia. 

Mo se alafua o le polokalame o tui puipuia i Ausetalia here

 Ona e le matua tele se vaila'au e maua i le taimi amata, o le 'ave ai le faamuamua i tagata nei e pei ona ta'ua i luga i le amataga o le polokalame:

  • Vaega 1 - Pfizer/BioNTech vaccine: Tagata faigaluega i le quarantine ma leoleoga o tua'oi, tagata faigaluega soifua maloloina, ma tagata faigaluega i nofoaga e tausi ai tagata matutua ma i latou e iai mana'oga tumau. 
  • Vaega 2 -  Pfizer/BioNTech vaccine: Tagata matutua i luga atu o le 70 tausaga le matutua, isi tagata faigaluega soifua maloloina, tagata Aboriginal ma Torres Strait Islander i luga o le 55 tausaga le matutua, tagata talavou e feagai ma gasegase faa'umi'umi e aofia ai mana'oga tumau, isi tagata faigaluega e aofia ai leoleo, fuimu, fitafita, galuega lavea'i ma fasi manu. 
  • Vaega 3 - AstraZeneca and Novavax vaccines: Tagata uma e 'ova i le 50 tausaga le matutua, tagata Aboriginal ma Torres Strait Islander i luga o le18 tausaga le matutua, ma isi tagata faigaluega.  
  • Vaega 4 - AstraZeneca and Novavax vaccines: Tagata matutua uma i le atunu'u o totoe e le'i faia ni tui puipuia, ma nisi tagata na misi i Vaega e 3 o i luga. 
  • Vaega 5 - AstraZeneca and Novavax vaccines: Tamaiti 18 tausaga le matutua ma laiti ifo - pe a fautuaina.


Fesoasoani i a'afiaga o le mafaufau mai le KOVITI-19

E mafai ona e mauaina fesoasoani mai le malo tele pe a o a'afia lou soifua maloloina faalemafaufau ona o le faama'i, asiasi i le itulau, le  mental health portal "Head to Health" mo faamatalaga ma fautuaga i auala e tausia ai lou maloloina o le mafaufau ae o feagai ma puipuiga o le faama'i pe o taimi e tatau ai ona e tausi puipuia. 

E totogi e le malo i lalo o le Medicare asiasiga e 10 i se foma'i o le mafaufau mo i latou i lalo o se mental health care plan of Better Access to Psychiatrists, Psychologists and General Practitioners o se fesoasoani i lalo o le MBS (Better Access).


Fesoasoani i le tau o le soifuaga  (Pandemic Leave Disaster Payment)

A fia maua se fesoasoani i le 'uti'uti o le tupe, asiasi i le Covid19 Money Smart pe vala'au le National Debt Helpline on 1800 007 007. 

E iai fo'i totogi mai le malo tele le "disaster payment" mo totogi o le pandemic leave.


O le totogi e mo i latou ua le mafai ona faigaluega ona e tatau pe faatonuina ona tausi puipuia pe quarantine, poo gafa ma le tiute o le tausiga o seisi tagata o loo pesia i le KOVITI-19. 

Kiliki lou Setete poo Teritori i lalo mo faamatalaga e faatatau i le Pandemic Leave Disaster:


E faapefea ona pepesi le KOVITI-19 ma faapefea ona puipuia le pepesi?

O le COVID-19 e pepesi mai le tagata-i-le-tagata e auala i le:

- mafuta vavalalata i se tagata ua pesia poo le pi'itaga ma lea tagata i totonu mai o le 24 itula ae le'i alia'e mai ni ona auga.

- mafuta vavalalata ma se tagata ua faamaonia le pesia ae tale pe mafatua lea tagata.

- tago i ni mea poo luga (e pei o 'au o faitoto'a poo laulau) ua faatama'ia i le tale poo le mafatua a se tagata ua faamaonia le pesia, ona e tago lea i lou gutu poo ou foliga.

The Australian government suggests to all residents to download the COVIDSafe app. 

O a auga o le COVID-19?

O auga o le Coronavirus e i le va o le faama'ima'i pe o'o i le nimonia, e tusa ai ma le itulau a le malo tele i le 'upega o feso'ota'iga.

O auga o le COVID-19 e tai tutusa ma auga o le flu ma ae aofia ai:

- Fiva

- Tiga le fa'ai

- Tale

- Tino gagase

- Faigata ona manava

- Isi auga e aofia ai le tafe o le isu, tiga le ulu, 'e'eva musele, faa-faufau, manava tata, faasuati, le fia 'ai ma le 'iva.

Ua iai le COVID19 Symptom Checker e mafai ona siaki ai ni ouga mai lou aiga e auala i le:  https://www.healthdirect.gov.au/symptom-checker/tool/basic-details

O le a se mea ou te faia pe a ou faalogoina ni auga?

A e molimauina ni auga i totonu o le 14 aso talu ona e taunu'u mai i Ausetalia, poo totonu o le 14 aso talu ona e pipi'i i se tagata ua faamaonia lona pesia i le COVID-19, ua tatau ona va'ai lau foma'i i se taimi vave mo se su'esu'ega.

Vala'au i lau foma'i mo le faatulagaina o se taimi, pe feso'ota'i i le Coronavirus Health Information Hotline i le 1800 020 080. 'Aua e te asiasi i se falema'i poo le foma'i e aunoa ma lou logoina iai o ou auga.

Ae e te le'i taunu'u, telefoni le foma'i poo le falema'i ma logo iai faamatalaga o sau faigamalaga, pe na e pipi'i i se tagata ua faamaonia le pesia i le COVID-19. E tatau ona e tausi puipuia i totonu o lou aiga, faletalimalo poo seisi nofoaga, se'ia faatonuina e pulega soifua maloloina ua saogalemu ona e toe fo'i au fe'au ma galuega masani.

A o faigata lau manava, pe o e faalogoina se tulaga ma'i faafuase'i, vala'au le 000.

E faapefea ona togafitia le vairusi?

E le o iai se togafitiga faapitoa mo le coronavirus, ae mafai ona togafitia auga i ituaiga tausiga faafoma'i. E le aoga antibiotics i le togafitia o vairusi.

O ai tagata e aupito sili ona lamatia mai faama'i matuia?

E iai nisi o tagata e pesia ae le mama'i, o nisi e le matuia tele auga ma e vave ona toe manuia, ae o nisi e vave ona matua tigaina. I le iloa ma le silafia mai isi coronaviruses ua tuana'i, o tagata e sili ona lamatia ma matuia auga pe a pesia o:

- Tagata e faigata i le tino ona tete'e faama'i (pei o le kanesa)

- Tagata matutua

- Tagata mumaua - Apolisini ma Torres Straits ona o le toatele e a'afia i gasegase tuga.

- Tagata e a'afia ia gasegase tuga ma ogaoga

- Tagata 70 aga'i i luga tausaga le matutua.

E faapefea ona e fesoasoani e faaitiitia le pepesi o le COVID-19?

Tausisi le tu-mama, puipui ou lima i taimi e te mafatua/tale ai, le va mamao mai isi tagata pe a e ma'i - o auala ia e puipuia ai mai le pepesi o soo se vairusi. E tatau ona e:

- Fufulu mama ou lima i se fasimoli ma le vai ae te le'i ma pe a mae'a ona e taumafa, ma taimi uma e faaogaina ai le faleuila.

- Ufiufi ou foliga i taimi e te tale ai, faaoga pepa tissue ma isi pepa fufulu lima.

- A o e faama'ima'i, 'aua e te pipi'i i isi tagata (tausisi i le va mamao e 1.5 mita). 

O le a le 'social distancing?'
 
O le social distancing, o le va mamao o 'oe ma isi tagata o se auala e faaitiitia ai le pepesi o le COVID-19. O le mamao o le va o 'oe ma isi tagata, o le faigata fo'i lea i le vairusi ona pipisi.
 
E aofia ai lou le tago i 'au o faitoto'a poo luga o laulau (vaega e ono faatama'ia mai le mafatua poo le tale a se tagata ua pesia i le COVID-19).
 
E tatau ona faia sa'u ufi foliga?

O ufi foliga i nofoaga faitele, e na ona fesoasoani i tagata ua pesia i le COVID-19 mai le pipisi atu ai i isi tagata. A faapea o e malosi, e le o iai se mana'oga i lou faia o se ufi foliga, ona e le o iai se molimau i lou puipuia ai o isi tagata mai lau ufi foliga i nofoaga faitele.

A mana'omia ona e tausi puipuia, e tatau ona faia sau ufi foliga (pe a o iai) i tulaga nei:

- E mana'omia ona e ulufafo ma lou fale i se mafua'aga tatau.

- O loo e asiasi i se nofoaga mo togafitiga faafoma'i.

- Ua e a'afia i auga, ae o iai nisi tagata i le potu faatalitali ma 'oe.

Faamalosia ona ao faamaumauga.

Mai le Aso 1 o Oketopa 2020, o le a faamalosia ona ao faamaumauga i faigamalaga uma i totonu o le atunu'u, ina ia fesoasoani ai i Setete ma Teritori i le tuliloaina o tagata e pesia : igoa, tuatusi imeli, numera o se telefoni fe'avea'i, ma le Setete e aumau ai.  

Feoa'iga faitele i le 'ele'ele

O feoa'iga faitele i le 'ele'ele o le tiute tau'ave o Setete ma Teritori, ae ua aiaia e le Kapeneta a le atunu'u puipuiga mo le saogalemu o tagata - le mamalu femalaga'i atoa ai tagata faigaluega i soo se a'u'aunaga o feoa'iga faitele i le atunuu. E aofia ai fautuaga e taofia le feoa'i pe a o lagona le faama'ima'i , auga o ni ma'i, tausisi le va mamao ma isi tagata. E le o faamalosia le faia o ni ufi foliga i le taimi o faigamalaga i feoa'ifa faitele. Mo nisi faamatalaga, asiasia i le: https://www.infrastructure.gov.au/transport/files/COVID19_public_transport_principles_29052020.pdf

Feoa'iga Faavaomalo

Mulimuli nei

Na si'itia e le Kapeneta o le Atunu'u le tapula'a o tagata ulufale mai atunu'u i fafo mai le Aso 23 o Oketopa. 

Ua faasaina tagata sitiseni ma tagata nofomau i Ausetalia ona malaga i fafo ona o puipuiga o le COVID-19.

Peita'i, e mafai ona e tu'ua Ausetalia i se faatagaga faapitoa, pe a e talosaga i luga o le 'upega o feso'ota'iga i mafua'aga nei: 

  • o lau malaga e aoga mo le puipuiga o le COVID-19 e aofia ai le tufaina o fesoasoani
  • o lau malaga e aoga mo pisinisi o le atina'e (e aofia ai 'oloa faatau atu ma faatau mai) 
  • mo ni togafitiga faa-foma'i e le maua i Ausetalia 
  • pisinisi tau ia te 'oe e le ma'alofia
  • fe'au o le alofa
  • e manuia ai le atunu'u i lau malaga.. 

O tagata uma e ulufale mai i Ausetalia e tatau ona tausi puipuia mo le 14 aso i o latou aiga poo faletalimalo.

A le usita'ia e tagata malaga le poloa'iga o le tausi puipuia mo le 14 aso, e ono faasalaina i latou i lalo o tulafono a Setete ma Teritori.

Asiasi i le www.smartraveller.gov.au mo nisi faamatalaga lata mai.

Ua faatonuina e le palemia le Emergency Response Plan for Novel Coronavirus (COVID-19).

I fuafuaga a le malo tele i puipuiga mai le COVID-19, asiasi i le Government response

Mo nisi faamatalaga i le Gagana Peretania, asiasi i le health.gov.au/news/health-alerts/novel-coronavirus-2019-ncov-health-alert