Coming Up Wed 10:00 PM  AEDT
Coming Up Live in 
Live
Samoan radio

Lipoti lata mai ole KOVITI-19:Faaopoopo pea cases a Niu Sau Uelese,sologa lelei pea le agai atu o Ausetalia i Saute ile faamutaina o le Vavao.

Protesters march along Broadway during the World Wide Rally For Freedom anti-lockdown rally at Hyde Park in Sydney, Saturday, July 24, 2021. Source: AAP Image/Mick Tsikas

O le lipoti lata mai o le Koronavairusi i Ausetalia mo le aso Toonai 24 o Iulai 2021.

Siitia pea le aofai o cases i Niu Sau Uelese.

Solo tetee tagata faasaga i vavao i Sini ma Melepone

Faalauiloa e Vitoria o vaega uma o Niu Sau Uelese o se sone matua'i lamatia (extreme riskzone) ona ole koviti 19.

Sologa lelei pea le agai atu o Ausetalia i Saute i le faamaeaina o le vavao e fitu aso o loo feagai ma latou. 

Niu Sau Uelese

Ua faamauina i Niu Sau Uelese cases fou e 163, o le aofaiga aupito i maualuga lea ua faamauina i se aso talu ona toe pepesi mai le Delta ile masina o Iuni. E 246 faasalaga sa faamatuu atu e leoleo a Niu Sau Uelese i tagata ona o le solia o tulafono o le soifua maloloina lautele. O le aofai o tagata ua maliliu talu ona toe pepesi mai le vairusi o le Delta ua oo atu i le toaono. 

Ua siitia tuutuuga ua faatulaga mo isi vaega faaopoopo e lua ei lalo o vaega a faigamalo faalotoifale i le itu i sisifo o Sini, Cumberland ma Blacktown. Na'o tagata faigaluega faatagaina e mafai ona tuua ia vaega.

Saili ii, le lisi mulimuli nei o nofoaga sa afea e i latou ua aafia (exposure sites).

Vitoria

E 12 cases fou ua faamauina mai i Vitoria, nao le lua sa iai i le komiuniti ile taimi o loo aafia ai i le faamai. 

O le ofisa sili o le Soifua Maloloina Brett Sutton na faia le faasilasilaga e faatatau ile faaigoaina o vaega uma o Niu Sau Uelese o se sone matua'i lamatia ile koviti 19 ma amata faamamalu mai i le po anapo, aso Faraile, i le 11.59.

Saili ii, nofoaga o loo iai cases i se lisi poo se faafanua. o le vavao o loo iai nei o le a toe faaumiumi atu seia aulia le 11.59 ile po o le aso Lua 27 o Iulai. 

Le 24 itula mulimuli nei i totonu o Ausetalia 

Ua faaalia e le Premier o Ausetalia i Saute , Steven Marshall o loo sologa lelei pea le setete ma e ono faamuta lava le vavao i le aso Lua ma toe tatala aoga i le aso Lulu. 

E le o mafai ona mautu mai se faamatalaga a le palemia Scott Morrison i se faaopoopoga vave o le aofai o tuipuipui o le Pfizer mo Niu Sau Uelese.

Faitau afe tagata e tetee ile vavao ua o latou solia aiaiga o le KOVITI 19 ma faapotopoto ai i Sini ma Melepone.

Talitonuga tuufaasolo faatatau ile KOVITI-19:

O tagata talavou ma malolosi e le aafia i le KOVITI-19. E na'o tagata matutua ma tagata mama'i e aafia ai.

Mea moni faatatau i le KOVITI-19:

O le vairusi e matua'i aafia ai tagata matutua ma i latou e iai nisi aafiaga tau le soifua maloloina ae e mafai foi ona aafia ai ma fasiotia ai nisi o tagata talavou ma malolosi. 

Faanofoesea, faimalaga, nofoaga mo le faia o siaki ma peimeni o le faama'i

O le faanofoesea ma manaoga mo le faia o siaki e puleaina ma faamalosia e le setete ma le faigamalo a teritori.

 
Afai e te fia malaga i atunuu i fafo, e ono mafai ona e apalai i luga o le upega tafailagi mo se faatagana (exemption). Kiliki iinei mo nisi faamatalaga e faatatau i aiaiga o le tuua ai o Ausetalia. O loo iai ni vaega ua faatulaga le tumau mo faigamalaga faavaomalo ma e fai ma iloilo e le malo ma toe faafou nisi o faamatalaga i le Upega tafailagi a le Smart Traveller. 

 



Asiasi ile auaunaga ua faaliliuina a le NSW Multicultural Health:

Fesootaiga
COVID-19 Vaccination Glossary
Appointment Reminder Tool.


Nofoaga mo le faia o siaki i setete ma teritori:

NSW 
Victoria 
Queensland 
South Australia 
ACT 
Western Australia 
Tasmania
Northern Territory 


Faamatalaga mo peimeni o le faama'i i setete

NSW 
Victoria 
Queensland 
South Australia 
ACT 
Western Australia 
Tasmania
Northern Territory

 

 

This story is also available in other languages.