Coming Up Sun 10:00 PM  AEDT
Coming Up Live in 
Live
Samoan radio

O le a le Puta KOVITI (COVID 'bubble') ma e iai sona aoga i Ausetalia?

Source: shutterstock

E tatau ona faa-paleni le tulaga lamatia mai le pepesi o le faama'i, ma le soifua maloloina faalemafaufau o tagata i le taimi lenei o faamamalu Sa ma Vavao. O se faiga e pei o le Puta (Bubble) e ono fesoasoani i tagata ae o faaitiitia ai le pepesi o le vairusi.

O le Puta KOVITI (COVID-19 “germ bubble”), e faasino i se faiga e mafai ai e ni tagata ona mafuta felata'i e aunoa ma le faia o ni ufi foliga (face masks) pe tausisi i le va mamao. I le taimi nei i nisi o vaega o le atunu'u, na o tagata o loo tou nonofo faatasi i se fale, o loo mafai ona outou mafuta e pei ona masani ai ae le'i pepesi le faama'i. I lalo o Sa ma Vavao, e le mafai e nisi tagata ona tou mafuta faatasi. Peita'i ua faata'ita'i i Niu Sila ma Peretania seisi faiga e mafai ai ona tou mafuta ma nisi tagata i fafo atu o i latou o loo tou nonofo faatasi - poo se puta.  

Na faailoa mai e le palemia Setete o Vitoria, Premier Daniel Andrews i le Aso Sa na te'a nei se alafua, se roadmap, e toe amaa ai ona tatala Sa ma Vavao o puipuiga o le pepesi o le KOITI-19 i Vitoria, ma na ta'ua ai e le Chief Health Officer, Brett Sutton, o se tasi lenei o fuafuaga o loo silasila toto'a iai le malo Setete.  

O puta e aofia ai tagata i fafo atu o lou aiga o loo tou nonofo faatasi, ma o ni tagata o lou aiga e nonofo i seisi fale poo ni uo. Ae tatau i nei tagata ua filifilia e mafuta i se puta ona nonofo i se taulaga poo se nu'u e tasi. ( E le mafai ona faia se puta i le va o tagata o se aiga mai Melbourne ma se aiga i Sini). 

E faa-paleni ai le tulaga lamatia o le pepesi o le COVID-19 ma le taua o mafutaga faaleaiga ma uo ma isi tagata, ma fesoasoani i le tulaga mafatia o nisi ona o le motusia o mafutaga masani ma uo ma e pele ona o Sa ma Vavao o puipuiga o le KOVITI-19. 

Puta i Aotearoa

I lalo o Sa ma Vavao o puipuiga o le pepesi o le KOVITI-19, na o tagata o loo nonofo faatasi i totonu o se fale e mafai ona mafuta e aunoa ma puipuiga o Sa ma Vavao i totonu o lea fale. Na o tagata o loo i se mafutaga faa-pa'aga e mafai ona feasiasia'i..

O le nofo 'esea o se tagata na o ia, e mafai ona a'afia ai lona mafaufau ma faanoanoa i lona misia o aiga ma uo, le loneliness.  

Ma o le faatagaina i lalo o se puta ona asiasi atu isi tagata pe asiasi sea tagata i ana uo o loo i le lisi o le puta, o le a fesoasoani tele i lona maloloina faalemafaufau. O le puta, o se mea fou, ona e le'i faaoaina i le taimi o le pepesi o le faama'i, le SARS i le 2003. 

Na muamua faata'ita'i i Niu Sila i masina ua tuana'i ina ua tatala nisi o Sa ma Vavao, e mafai ai e tagata o aiga ona toe mafuta ma isi tagata e 'ese'ese fale e nonofo ai i lalo o se puta. Na o i latou e mafai ona mafuta, ae le faatagaina ona mafuta ma tagata e le o i le lisi o le puta. 

O le faai'uga a le malo Niu Sila ua maua ai se tali i le puipuiga o le pepesi o le KOVITI-19, ae faa-auau mafutaga a tagata ona o le taua i le ola maloloina ae maise o le mafaufau.

Na faata'ita'i fo'i mafutaga i totonu o le li'o o se puta i Peretania ina ua tatala nisi o Sa ma vavao i le masina o Iuni. 

O a tulaga lamatia?

E iai lava le tulaga lamatia o le pepesi o le KOVITI i le va o tagata. Ae a faapea o ni tagata ua mautinoa i le taimi na faatulaga ai le lisi o se puta, e leai ma se tasi o pesia, e le tele se avanoa o le pepesi o le vairusi i tua atu o le puta, pe a usita'ia e tagata uma le aiaiga, na o tagata i totonu o le puta e mafai ma faataga ona mafuta iai.

A faapea e faatulaga se faiga faapenei - se puta - i Ausetalia, e tatau ona faatulaga aiaiga manino e mafai ai ona faavae se puta, ma tiute faamalosia o tagata uma e auai i totonu o se puta.

E le tatau ona suia seisi aiga poo seisi fale e ulufale mai pe to'esea mai se puta. A suia le aiga poo se uo e auai i se puta, e tatau ona tausi puipuia tagata uma mo le 14 aso faato'a faia se fesuia'iga. 

O tulafono e faia ma le alofa e usita'ia e tagata

A faia ma le alofa faai'uga e a'afia ai le sa'olotoga ma le soifua manuia o tagata, e faigofie lava ona usita'ia.

I se faama'i e ono 'umi se taimi e feagai ai ma le atunu'u, o tulafono e lagolagoina ma usita'ia, o le a fesoasoani tele i le taofia ma le faaitiitia o le pepesi o le faama'i ae o sa'ili se vaila'au puipuia. 

Ae o le manuia fo'i o nei fuafuaga uma, e faalagolago i tagata lautele i le usita'ia o aiaiga. O se faiga e talepeina atoa ai le fuafuaga pe a manatu nisi e le tasi ae tele ni puta e auai iai. O le a na ona 'umi ma faigata ai le galuega o le faato'ilaloina o le COVID-19.The Conversation

Mary-Louise McLaws is a member of the World Health Organization Emergencies programme ad-hoc COVID-19 Infection Prevention and Control Guidance Development Group

Source The Conversation
This story is also available in other languages.