Coming Up Sun 10:00 PM  AEDT
Coming Up Live in 
Live
Samoan radio

Tatala aloa'ia le COVIDSafe; le app e tuliloaina ai le coronavirus.

A close up of the government's coronavirus tracing app. Source: SBS

Ua tatala aloa'ia e le malo tele le COVIDSafe: o se app e tuliloaina ai ma feso'ota'i i tagata e ono pesia i le COVID19. O le app e faaogaina ai le telefoni fe'avea'i ma o mea nei e ao ina e silafia.

O le a le mafua'aga autu na fausia ai le app?

O le app o loo faamoemoe e faaleleia atili ai le tuliloaina o tagata e pesia i le coronavirus ma i latou e feso'ota'i iai. E faafaigofie ai ona iloa tagata e fesoota'i ma se ua faamaonia le pesia, e auala lea i faamaumauga i luga o lana telefoni, ina ua maua e auaunaga soifua maloloina.

E faamauina pe a iloa le felata'i o se tagata o loo i le app i totonu o le 1.5 mita mai seisi tagata ma e 15 minute e pu'eina ai.

E le faamalosia lou auai i le COVIDSafe. Ae fautuaina e le malo tele i Ausetalia tagata uma e auai, ona o le to'atele o tagatanu'u Ausetalia e auai i le COVIDSafe app, o le vave fo'i lea ona tuliloaina le pepesi o le vairusi.

E faapefea ona faaogaina e le malo faamaumauga o le COVIDSafe?

O le COVIDSafe app na faavaeina e faavaveina ai le sa'iliga o tagata e felata'i ma isi tagata ua pesia i le COVID-19. O le auala lenei e tatau ona faaitiitia ai le avanoa o le pepesi o le vairusi i tagata o se aiga, uo, ma isi tagata i le lotoifale o alaalafaga ma lo latou le silafia.

Faato'a mafai lava ona faaoga e auaunaga soifua maloloina i Setete ma Teritori faamaumauga e maua mai le app, pe a iloa se tagata ua pesia ma o lea tagata ua malie e faaoga faamaumauga i luga o lana telefoni. O faamaumauga i le app faato'a faaoga e auaunaga soifua maloloina e fesoota'i ai i tagata e ao ona tausi puipuia (quarantine) pe suesueina.

Na o le COVIDSafe app le fesoota'iga tuliloa ua faatagaina e le malo tele i Ausetalia. Mo nisi faamatalaga, asiasi i le COVIDSafe app Health Department website.

O a faamatalaga faaletagata e faasoaina i luga o le COVIDSafe app?

O tagata e faaogaina le app, e tuuina atu o latou suafa, numera o telefoni fe'avea'i, postcode o alaalafaga, ma le matutua. Ona maua mai lea o se text SMS e ta'u mai ai ua faapipi'i. Ona faatulaga lea e le masini se code faapitoa. 

E pu'e e le COVIDSafe isi telefoni o loo faapipi'i i le COVIDSafe app ma fesoota'i i luga o le Bluetooth. A pu'e loa le isi telefoni lea, ona faamau ai lea o le aso, taimi, mamao ma le 'umi o le fesoota'iga ma le isi tagata lea o loo faamuina fo'i lana code. E le pu'eina e le COVIDSafe app le nofoaga o e iai.

Ua faailoa mai e le malo tele i Ausetalia, o faamatalaga uma e puipuia ma malu puipuia i lau telefoni. O faamatalaga uma e pu'e i luga o lau telefoni fe'ave'ai e toe soloia uma i le mae'a ai o le 21 aso. E aofia ai i le periota lenei le taimi foafoa o le COVID-19 ma le taimi e faia ai se suesuega.

O le a le mea e tupu pe a faamaonia le pesia o se tagata e faaogaina le app?

A faamaonia le pesia o se tagata i le COVID-19, o faamaumauga puipuia mai le app, o le a tu'uina i se nofoaga malu, ma a auamai lau faatagaga, o auauanaga soifua maloloina i Setete ma Teritori o le a:

  • faaoga faamaumauga mai le app e faia ai isi galuega o le tuliloaina o tagata
  • fesoota'i i isi tagata e logo iai poo matua/tagata tausi o loo ono pesia
  • ofo iai isi la'asaga e soso'o,e aofia ai:
  • mea e ao ina silasila iai
  • aso, auala ma nofoaga e faia ai su'esu'ega
  • auala e puipuia ai uo ma aiga mai le pesia
  • e le faailoaina e auaunaga soifua maloloina le suafa o le ua pesia.

A iai sou popolega i le tulaga i le malu puipuia o ou faamatalaga, faitau le Privacy Policy.

O tagata i Ausetalia e tatau ona 1.5 mita le va mamao mai isi tagata, ma o potopotoga e faatapula'aina i le to'alua tagata se'i vagana o tagata o lou aiga i se fale e tasi.

Ae manatu ua e pesia i le vairusi, telefoni i lau foma'i ('aua e te asiasi iai) pe vala'au i le Coronavirus Health Information Hotline i le 1800 020 080. A faigata ona e manava poo seisi gasegase faafuase'i, vala'ai i le 000.

O le tiute tau'ave a le SBS le logologoina o tagatanu'u i Ausetalia i faamatalaga lata mai e faatatau i le COVID-19. E maua uma faamatalaga lata mai i gagana e 63 i le sbs.com.au/coronavirus.

Source SBS News, Australian Government Department of Health