ابھی آنے والا ہے Wed 6:00 PM  AEST
ابھی آنے والا ہے شروع ہوگا 
Live
Urdu radio
ایس بی ایس اردو

پورے ملک کی مساجد میں آسٹریلین مسلمانوں کی خون کے عطیات جمع کرنے کی مہم

Signing up to give blood at Rooty Hill Mosque in Sydney. Source: SBS

اومی کرون ویرئینٹ کے پھیلاؤ کے نتیجے میں آسٹریلیا میں خون کے عطیات میں تیزی سے کمی ہوئی ہے مگر اس سے نمٹنے کے لیے اسلامی کمیونٹی نےملک گیر خون کے عطیات جمع کرنے کی مہم کا آغاز کیا ہے۔ ملک بھر میں جمعہ کی نماز میں شرکت کرنے والوں سے اس مہم میں حصہ لینے کی اپیل کے جواب میں نمازیوں نے اس مہم میں بھرپور حصہ لیا ہے۔

امام عبیر تھانوی نے سڈنی کے جنوب مغرب میں  رہنے والی مسلم کمیونٹی سے خون دینے کی اپیل کرتے ہوئے کہا کہ خون کا عطیہ دینا قرانی احکامات کے عین مطابق ہے ۔  سڈنی کی روٹی ہل مسجد میں خون کے عطیاتی مہإ میں حصہ لینے والوں سے کہا گیا ہے کہ وہ ااس بے حد ضروری مہم میں اپنا حصہ ڈالیں 

ملک بھر کی 43 مساجد میں ریڈ کراس سٹیشن قائم کیے گئے جہاں منتظمین نے 1500 افراد کے رجسٹریشن کا ہدف مقرر کیا ۔

ڈاکٹر محمد کاہلون آسٹریلین اسلامک میڈیکل ایسوسی ایشن کے مرکزی صدر ہیں۔

آسٹریلیا میں اومی کرون ویرینٹ کے باعث خون کے ذخیرے میں بڑی کمی ہوئی ہے۔

خون کی اشد ضرورت کے ذخیرے میں کمی نہ صرف  سرجریز  میں تاخیر کا سبب بن رہی ہے بلکہ اس کمی سے زندگیوں کو  بھی خطرہ لاحق ہے۔

 کووڈ ۱۹ کے انفیکشن کے باعث حالیہ ہفتوں میں  خون کے عطیہ دینے والے  ایک لاکھ افراد عطیات نہیں دے سکے. کووڈ کے باعث عطیات دینے والوں میں سے آدھے سے ذیادہ افراد کی بکنگ کو منسوخ کر دیا گیا ہے۔

اس دوران آسٹریلیا کی مساجد میں خون کے عطیات جمع کرنے کی مہم شروع ہوئی ہے جس میں کمیونیٹی کے افراد بڑھ چڑھ کر حصہ لے رہے ہیں۔

 جن مساجد میں عطیات لینے کی سہولت نہیں ہے وہاں جن لوگوں نے خون کا عطیہ دینے کے لئے رجسٹریشن کروایا ہے انہیں ریڈ کراس کے خون کے مراکز میں عطیہ دینے والوں کی فہرست میں شامل کیا جارہا ہے۔۔

 سڈنی کی روٹی ہل مسجد کے مرکز میں موجود  آئی سی یو کے ماہر ڈاکٹر آصف رضا  کا کہنا ہے کہ اس پورے عمل میں صرف ایک گھنٹہ لگتا ہے – لیکن یہ وقت  کا بہترین استعمال ہے، ان کے مطابق خون کے  ہر عطیے سے تین جانیں بچائی جا سکتی ہیں۔

جہاں تک ان پہلی بار عطیہ دہندگان کا تعلق ہے – وہ دوبارہ خون دینے کے لیے پرجوش ہیں۔

ملک میں 40 لاکھ افراد خون کا عطیہ دینے کے اہل ہیں  مگر ان میں سے صرف معمولی تعداد ہی خون کا عظیہ دینے والوں کی رجسٹریشن فہرست میں شامل ہیں۔

 مسلم کمیونیٹی کی اس کامیاب مہم کے بعد اب  خون کے عطیات دینے کی اپیل کو دیگر کمیونیٹیز تک  وسیع کیا جارہا ہے تاکہ دیگر کمیونٹیز کو بھی ایسا کرنے کی ترغیب دی جائے۔

ایس بی ایس نیوز کے لیے ڈوم ووکووچ اور مایا جیمیسن کا فیچر، جو ایس بی ایس اردو کے لئے ریحان علوی نے پیش کیا


اس پوڈکاسٹ کو سننے کے لئے سب سے اوپر دئیے ہوئے  اسپیکر آئیکون پر کلک کیجئے یا  نیچے دئے اپنے پسندیدہ پوڈ کاسٹ پلیٹ فارم سے سنئے

 

Coming up next

# TITLE RELEASED TIME MORE
پورے ملک کی مساجد میں آسٹریلین مسلمانوں کی خون کے عطیات جمع کرنے کی مہم 01/03/2022 2:00:04 ...
آسٹریلوی سیاستدان اسقاط حمل کے حقوق کے بارے میں کیا سوچ رکھتے ہیں؟ 03/07/2022 00:08 ...
نئے مالی سال میں کچھ ویزہ ہولڈرز کے لئے پی آر کی آسان ہوتی راہ 02/07/2022 07:00 ...
حالاتِ حاضرہ ۔ وزیراعلیٰ پنجاب کے انتخاب کے لئے ووٹوں کی دوبارہ گنتی کا حکم اور اتحادی جماعتیں شہباز شریف سے غیر مطمئین کیوں؟ 30/06/2022 00:09 ...
ماڈرن آسٹریلیا کی نمائندہ، کمیونیکیشن منسٹر مشیل رولینڈ سے ایک ملاقات 29/06/2022 15:16 ...
پاکستان ہائی کمیشن کا مینگو فیسٹول ، پاکستان آسٹریلیا کے مابین سفارتی تعلقات کے 75 سال مکمل 29/06/2022 07:56 ...
پاکستان آسٹریلیا سے پچز درآمد نہیں کررہا : اسپورٹس راونڈ اپ 26/06/2022 09:53 ...
پاکستان کے نوجوان فلمساز بنے آسٹریلیا میں نیو یارک فلم اکیڈمی کے مہمان 25/06/2022 29:08 ...
حکومت نے بجلی کی بلا تعطل فراہمی کا پلان تیار کر لیا 21/06/2022 15:05 ...
تارک وطن افراد " ٹیف " سے کیسے فائدہ اٹھائیں 21/06/2022 09:48 ...
View More