ابھی آنے والا ہے Wed 6:00 PM  AEST
ابھی آنے والا ہے شروع ہوگا 
Live
Urdu radio

بچوں کی بہتر ابتدائی تعلیم مستقبل میں کامیابی کی ضامن

early childhood development Source: Yan Krukov / Pexels

جس طرح ایک بیج کی نشونما ضروری ہے بالکل اسی طرح بچوں کی تربیت کے ابتدائی سال انتہائی اہم ہیں .

 بچوں کی تعلیم کے ابتدائی سال ان کی کردار سازی میں اہمیت کے حامل ہیں ۔

بچوں کی نشونما کے لئے والدین ، معاشرہ اور استاد تینوں کو مل کر کام کرنا ہوگا۔

زندگی کی دوڑ میں کامیابی کے لئے ضروری ہے کہ نصاب کے ساتھ ساتھ بچے کی مجموعی تربیت بھی کی جائے ۔


 

ابتدائی دور تعلیم بچوں کی شخصیت اور مزاج کی تعمیر میں اہم ترین کردار ادا کرتے ہیں ۔ابتدائی تعلیم میں صرف خواندگی فراہم کرنا شامل نہیں ہے بلکہ بچوں کا متوازن انداز میں نشو نما پانا ابتدائی تعلیم کا  ایک بڑا جز ہے ۔ بیشتر ممالک کی طرح آسٹریلیا میں بھی ابتدائی دور تعلیم کو بچے کی نمو میں کلید کی حیثیت دی جاتی ہے۔ غیر نصابی سرگرمیوں، انداز تدریس اور نصاب میں اس بات کو بطور خاص اولیت دی گئی ہے کہ بچہ صرف تعلیم ہی نہیں مکمل تربیت بھی حاصل کرے ۔

ابتدائی تعلیم کے دوران ایک اور پہلو جس پر بہت زیادہ زور دیا جاتا ہے وہ بچے میں جذباتی استحکام پیدا کرنا ہے ۔تقریبا گیارہ سال سے آسٹریلیا میں درس و تدریس کے شعبے سے وابستہ نوروین مرچنٹ پرائمری اسکول کے بچوں کو پڑھاتی ہیں ، ان کا کہنا ہے کہ اگر ایک خوبصورت ، تناور درخت بنانا ہے تو نگہ داشت کا اہتمام شروع سے کرنا پڑے گا بالکل اسی طرح ایک بلند کردار شخصیت کی تعمیر کے لئے ابتدا سے خیال رکھنا ضروری ہے ۔ انہوں نے مزید ایک مثال دیتے ہوئے کہا کہ جیسے ریس کے گھوڑے کو شروع سے تیار کیا جاتا ہے تب ہی وہ ریس میں اول اتا ہے اسی طرح بچے کو بھی زندگی کی دوڑ میں کامیابی کے لئے ابتداء سے ہی تیار کرنا ضروری ہے ۔

Early years education report
More children are in childcare for more hours than was envisaged under a new subsidy system. (AAP)

"ارلی چائلڈہڈ ڈیویلپمنٹ " میں کون سے عوامل کلیدی اہمیت کے حامل ہیں ، اس سوال کے جواب میں نوروین مرچنٹ نے کہا کہ بدقسمتی سے ہمارے ہاں والدین صرف بچے کے نصاب پر توجہ دیتے ہیں اور لکھنے پڑھنے کو ہی اہم خیال کرتے ہیں ۔ نورین کے مطابق اس سلسلے میں ایک جامع نقطہ نظر اپنانے کی ضرورت ہے ، جب بچہ بڑا ہو رہا ہو تو اس کی سماجی اہلیت ، مجموعی طور پر بڑھنے کی صلاحیت ، جذباتی توازن اور دانشورانہ طرز صلاحیتوں کا فروغ ضروری ہے ۔

آسٹریلیا اور پاکستان میں ابتدائی تعلیم کے حوالے سے کیا واضح فرق ہے اس حوالے سے بات کرتے ہوئے نوروین مرچنٹ کا کہنا تھا کہ پاکستان میں نصاب اور خواندگی پر زور دیا جاتا ہے جبکہ یہاں ایک منظم طریقہ عمل ہے جو بچوں کے سیکھنے کے عمل میں معاون ہے ۔ انہوں نے کہا کہ "رٹا" لگا کر یاد کرنے کے بجائے یہاں کوشش کی جاتی ہے کہ بچے کی بنیاد مضبوط ہو ۔

Preschool
AAP

دوسری جانب ان کا یہ بھی کہنا تھا کہ پاکستان میں وسائل کی کمی بھی ایک مسئلہ ہے جبکہ یہاں وسائل کی کوئی کمی نہیں ہے اور بچے کو محض یاد کروانے پر زور نہیں دیا جاتا بلکہ تجربات اور مشاہدات سے عملی طور پر ذہین نشین کروایا جاتا ہے ۔ انہوں نے مزید کہا کہ افسوس ناک بات یہ ہے کہ پاکستان میں اساتذہ کی سوچ تکلیقہ نہیں ہے ۔ نوروین کا کہنا ہے کہ مستقبل میں یہ صورتحال مزید چیلنجنگ ہو جائے گی ۔

آخر میں ان کا کہنا تھا کہ بچوں کی نشو نما کے لئے اساتذہ ، معاشرہ اور والدین تینوں کو مل کر کام کرنا ہے ۔ ان کا کہنا تھا کہ والدین کو اپنے اوپر بھروسہ رکھتے ہوئے تحمل کا مظاہرہ کرنا چاہئے اور جہاںوالدین کو محسوس ہو کہ وہ غلط ہیں تو انہیں غلطی مانتے ہوئے اپنی اصلاح کرنی چاہئے ۔   


Coming up next

# TITLE RELEASED TIME MORE
بچوں کی بہتر ابتدائی تعلیم مستقبل میں کامیابی کی ضامن 20/09/2021 00:12 ...
SBS Urdu News 23 May 2022 23/05/2022 04:00 ...
Labor party ready to form the next Australian parliament after winning the 2022 election-Urdu News 22 May 2022 22/05/2022 10:30 ...
SBS Urdu News 20 May 2022 20/05/2022 04:00 ...
کیا تارکینِ وطن ووٹرز امیدوار کے بارے میں معلومات کر کے ووٹ ڈالتے ہیں؟ 19/05/2022 00:10 ...
ایس بی ایس اردو خبریں 19 مئی 2022 19/05/2022 04:23 ...
'فوٹی' کیا ہے؟ آسٹریلین کھیل کے بارے میں وہ سب کچھ جو آپ جاننا چاہتے ہیں 18/05/2022 22:00 ...
Judges asking Australian politicians to push for a federal integrity commission-Urdu News 18 May 2022 18/05/2022 10:05 ...
امیگرنٹ خواتین عملی سیاست سے دور کیوں 17/05/2022 15:07 ...
ایس بی ایس اردو خبریں 17 مئی 2022 17/05/2022 05:13 ...
View More