ابھی آنے والا ہے Sun 6:00 PM  AEST
ابھی آنے والا ہے شروع ہوگا 
Live
Urdu radio

آسٹریلیا ٹی ۲۰ ورلڈ کپ کا فاتح مگر ’دیکھنے ہم بھی گئے تھے پر تماشہ نہ ہوا‘

Overjoyed Aussie fans in Dubai are celebrating Australia's win in T20 world cup final. Source: Anas Saeed (Dubai-UAE)

آسٹریلیا پہلی بار ٹی ۲۰ عالمی کپ کی فاتح بن گئی۔ اس موقع پر میزبان ملک متحدہ عرب امارات اور دبئی میں موجود آسٹریلین شائیقین میں بھی جوش و خروش دیکھنے میں آیا اور جشن کا سا سماں رہا۔مگر بہت سے شائیقین نے اسے یک طرفہ مقابلہ قرار دیا جبکہ نیوزی لینڈ کے حمائیتی مایوس نظر آئے۔

 ٹی20 ورلڈ کپ 2021 کے فائنل میں آسٹریلیا نے شاندار کارکردگی کا مظاہرہ کرتے ہوئے نیوزی لینڈ کو 8 وکٹوں سے شکست دے کر ٹی20 کرکٹ کا نیا چیمپیئن بننے کا اعزاز حاصل کر لیا۔  آسٹریلیا کی جیت پر دبئی میں مقیم آسٹریلین شائیقین میں بھی جوش و خروش دیکھنے میں آیا۔ 

Australian fans overjoyed the win of Australia in T20 World Cup final.
Little Aussie fan in Dubai enjoyed Australian win abroad.
Anas Saeed (Dubai-UAE)

 

مچل مارش نے 77 رنز کی ناقابل شکست اننگز کھیلی انہوں نے 6 چوکے اور 4 چھکے لگائے، جبکہ آسٹریلین اوپنر ڈیوڈ وارنر نے 53 رنز کی باری کھیل کر جیت میں اہم کردار ادا کیا۔انہوں نے 4 چوکے اور 3 چھکے لگائے۔ اس کے علاوہ ہیزل وڈ کی تین وکٹیں بھی نمایاں رہیں۔  اس موقع پر اسٹیڈیم کے اندر اور  باہر بھی پرجوش آسٹریلین تماشائی اپنی ٹیم کی کامیابی پر مسرور نظر آئے۔  جیت کی خوشی کے ساتھ ساتھ اس مقابلے میں ملنے والی بھاری انعامی رقم بھی آسٹریلیا اور نیوزی لینڈ کے فینز کے لئے  باعث مسرت ہو گی۔ 

 آئی سی سی کے مطابق فائنل جیتنے والی آسٹریلین ٹیم 16 لاکھ  ڈالر انعامی رقم لے کر گھر لوٹ رہی ہے جبکہ ٹورنامنٹ کی رنر اپ ٹیم نیوزی لینڈ کو فائینل ہار کر بھی 8 لاکھ  ڈالرز ‏ملیں گے

 تسمین کے یہ دونوں ممالک مل کر اس خطے میں  مجموعی طور پر چوبیس لاکھ ڈالر کی انعامی رقم لے کر واپس گھر لوٹ رہے ہیں

 

نیوزی لینڈ کے لیے ایک بار پھر عالمی چیمپئن بننے کا خواب پورا نہ ہوسکا، مضبوط حریف آسٹریلیا نے کیویز کو آسانی  سے شکست دے دی ۔ کئی پاکستانی اور بھارتی شائیقین نے آسٹریلیا کی کارکردگی کو سراہا تو کچھ مایوس بھی نظر آئے،  کچھ پاکستانی شائیقین کا کہنا تھا کہ مقابلہ یک طرفہ تھا اور انہوں نے پاکستان آسٹریلیا کے مقابلے کو اصلی سخت  مقابلہ قرار دیا۔

 آسٹریلیا کی جیت پر مقامی آسٹریلین پُرجوش تھے مگر کچھ کو یک طرفہ مقابلے کا گلہ رہا۔ ایک فین نے کہا کہ پاکستان نے آسٹریلیا کو سخت فائیٹ دی مگر نیوزی لینڈ کے خلاف اس میچ میں سنسنی  دیکھنے کو نہیں ملی۔ ایک اور تماشائی نے ایس بی ایس اردو بات کرتے ہوئے کہا کہ اس میچ میں کسی بڑے ٹورنامنٹ والا تھرل  نظر نہیں آیا اور نہ ہی کوئی ایسا لمحہ آیا جب میچ میں زبردست سنسنی خیزی سے بھرپور لمحات آئے ہوں اور نہ ہی اسے کانٹے کا مقابلہ کہہ سکتے ہیں۔ جبکہ بہت سے بھارتی شائیقین جو نیو زی لینڈ کی جیت دیکھنے کے منتظر تھے وہ بھی نیو زی لینڈ کی کارکردگی پر مایوس نظر آئے۔

 ایک تماشائی نے  فائینل کو بے مزہ مقابلہ قرار دیتے ہوئے غالب کے مشہور شعر کے اس مصرے کے ذریعے اپنے جذبات کا اظہار کیا

دیکھنے ہم بھی گئے تھے پر تماشہ نہ ہوا

Oz families celebrating the win.
Australian fans in UAE celebrated T20 title win by Australia with joy.
Anas Saeed

کچھ آسٹریلین شائیقین فائینل دیکھنے کے لئے دور دراز سے سفر کر کے  دبئی پہنچے تھے اور کئی مقامی طور پر رہائیش پزیر آسٹریلینز بھی  ایسے تھے جو اس موقع پر پرُ جوش نظر آئے۔ 

  ٹورنامنٹ کے آغاز میں آسٹریلین کرکٹ ٹیم کی کارکردگی اتنی متاثر کنُ نہیں تھی مگر بعد کے مقابلوں میں آسٹریلین ٹیم میں مومینٹم کے ساتھ جیت کی لگن نظر آئی۔ آسٹریلین کرکٹر شین وارن نے اپنے ٹوئیٹ میں آسٹریلین ٹیم  سمیت دونوں ٹیموں اور میچ کے ہیرو مچل مارش کو مبارکباد دیتے ہوئے کہا  کہ آسٹریلیا کی ٹیم صحیح وقت پر فارم میں آئی۔

 مچل مارش کو ان کی عمدہ بیٹنگ پر میچ کا بہترین کھلاڑی قرار دیا گیا جبکہ ورلڈ کپ میں 289 رنز بنانے والے ڈیوڈ وارنر کو پلیئر آف دی ٹورنامنٹ قرار دیا گیا۔

اس طرح  آسٹریلیا نے نیوزی لینڈ کو باآسانی شکست دے کر پہلی بار ٹی ٹوئنٹی کا عالمی چیمپئن بننے کا اعزاز حاصل کر لیا۔ فائنل میں آسٹریلوی بلے بازوں نے جارحانہ بیٹنگ کرتے ہوئے 173 رنز کا ہدف صرف 2 وکٹوں کے نقصان پر حاصل کر لیا۔ 

Glory for Australia but Heartbreak for New Zealand
Australian in Dubai celebrating their team's win with local fans.
Anas Saeed

 اس موقع پر سوشل میڈیا پر بھی دلچسپ ردِ عمل پر مبنی تبصرے دیکھنے کو ملے اور پاکستانی شایقین  نےآسٹریلیا کے ہاتھوں  بار بار پاکستان کی ہار کو بھی میمز کے ذریعے انجوائے کیا ۔

Coming up next

# TITLE RELEASED TIME MORE
آسٹریلیا ٹی ۲۰ ورلڈ کپ کا فاتح مگر ’دیکھنے ہم بھی گئے تھے پر تماشہ نہ ہوا‘ 15/11/2021 00:08 ...
SBS Urdu News 20 May 2022 20/05/2022 04:00 ...
کیا تارکینِ وطن ووٹرز امیدوار کے بارے میں معلومات کر کے ووٹ ڈالتے ہیں؟ 19/05/2022 00:10 ...
ایس بی ایس اردو خبریں 19 مئی 2022 19/05/2022 04:23 ...
'فوٹی' کیا ہے؟ آسٹریلین کھیل کے بارے میں وہ سب کچھ جو آپ جاننا چاہتے ہیں 18/05/2022 22:00 ...
Judges asking Australian politicians to push for a federal integrity commission-Urdu News 18 May 2022 18/05/2022 10:05 ...
امیگرنٹ خواتین عملی سیاست سے دور کیوں 17/05/2022 15:07 ...
ایس بی ایس اردو خبریں 17 مئی 2022 17/05/2022 05:13 ...
پاکستانی کمیونیٹی آسٹریلیا کے وفاقی انتخابات کے بارے میں کیا سوچتی ہے؟ 17/05/2022 45:08 ...
ایس بی ایس اردو خبریں 16 مئی 2022 16/05/2022 00:03 ...
View More