ابھی آنے والا ہے Sun 6:00 PM  AEST
ابھی آنے والا ہے شروع ہوگا 
Live
Urdu radio
ایس بی ایس اردو

ری نیو ایبل توانائی کے استعمال میں اضافہ آسٹریلیا میں بجلی کی قیمتیں کم کرنے میں مدد دے گا ۔

There are more solar panels than even before around Fukushima prefecture Source: Tilman Ruff

عوام کی جانب سے ری نیو ایبل وسائل کے بڑھتے ہوئے استعمال کے بعد امکان ہے کہ آسٹریلیا میں توانائی بلوں کی مد میں سیکڑوں ڈالر کی بچت ممکن ہوگی ۔

 ری نیو ایبل یا قابل تجدید توانائی کے ذرائع مثال کے طور پر شمسی پینلز تیزی سے عوام میں مقبولیت اختیار کر رہے ہیں اس سلسلے میں میلبرن کے رہائشی عقیل شاہ کا کہنا ہے کہ شمسی توانائی کے استعمال سےنہ صرف بلوں میں واضح کمی آتی ہے بلکہ برقی آلا ت کی کارکردگی بھی متاثر نہیں ہوتی ۔

دوسری جانب ذوہیب وحید کہتے ہیں کہ اس توانائی کےا ستعمال کا اصل فائدہ طویل بنیادوں پر ہے ۔ ان کا یہ بھی کہنا ہے کہ اگر صبح کے یا دن کے وقت آپ برقی آلات کا استعمال نہیں کر پاتے تو اس بات سے بھی فرق پڑتا ہے ۔

آسٹریلین انرجی مارکیٹ کمیشن (اے ای ایم سی ) کی ایک رپورٹ کے مطابق آسٹریلینزکی بڑی تعداد اپنے توانائی کے بلوں میں کٹوتی کرے گی۔ گھروں میں قابل تجدید توانائی کے استعمال میں اضافہ اور صارفین کی جانب سے شمسی توانائی کے استعمال کی سرمایہ کاری ، توانائی کے بلوں کو 2017 کے بعد سے کم ترین سطح پر لا سکتی ہے ۔

پیش گوئی کی گئی ہے کہ ایک اوسط صارف اس وقت کے مقابلے میں سال 2024 میں اپنے بلوں میں چھ فیصد یا 77 ڈالر تک بچت کر سکے گا ۔

اے ای ایم سی کی چئیر اینا کولیر کہتی ہیں کہ قابل تجدید توانائی ہوا ، شمسی، بیٹریوں اور گیس کا مرکب ہو گی۔ ان کا مزید کہنا ہے کہ ری نیو ایبل توانائی کے ذرائع سستے اور بہتر ہیں اور ان کے استعمال سے ایندھن کی لاگت صفر ہے لیکن یہ ہر وقت نہیں چل سکتے اس لئے ضروری ہے کہ توانائی کے مرکب کو استعمال کیا جائے تاکہ جب قابل تجدید توانائی کی ضرورت ہو یہ ہمارے پاس بیک پاور میں موجودہو ۔

ساوتھ ایسٹ کوئینز لینڈ میں اس حوالے سے سال 2024 تک سب سے بڑی کمی متوقع ہے جو 10 فیصد یا 126 ڈالر پر مبنی ہو گی ۔ جبکہ تسمانیہ میں بلوں میں 124 تک کی کٹوتی ہو سکتی ہے ۔ وکٹوریہ میں یہ قیمت 99 ڈالر ، نیو ساوتھ ویلز میں 50 ڈالر جبکہ ساوتھ آسٹریلیا میں 35 ڈالر تک ہو سکتی ہے ۔

دوسری جانب آسٹریلین کیپٹل ٹیرٹری وہ واحد علاقہ ہے جہاں قیمتوں میں 77 ڈالر تک کا اضافہ ہو سکتا ہے اس سلسلے میں محترمہ کولیر کہتی ہیں کہ قیمتوں کا دارومدار کئی عوامل پر کارفرما ہے ۔

کلائمیٹ کونسل کا کہنا ہے کہ توانائی کے بلوں میں کٹوتی صرف صارفین کے لئے اچھی نہیں ہے بلکہ اس کے ماحولیات پر بھی مثبت اثرات مرتب ہوں گے ۔

ٹم بکسٹر ، جو کلائمیٹ کونسل کے ایک سنئیر محقق ہیں کہتے ہیں کہ ری نیو ایبل ذرائع کے استعمال کی کارکردگی کا اندازہ کوئی نہیں لگا سکتا ۔ ان کا مزید کہنا ہے کہ جہاں ملک میں ری نیو ایبل توانائی کا استعمال حوصلہ افزاء ہے وہیں یہ بات قابل غور ہے کہ صاف توانائی کے مستقبل کو یقینی بنانے کا سفر ابھی بہت طویل ہے ۔


Coming up next

# TITLE RELEASED TIME MORE
ری نیو ایبل توانائی کے استعمال میں اضافہ آسٹریلیا میں بجلی کی قیمتیں کم کرنے میں مدد دے گا ۔ 10/12/2021 07:00 ...
کیا تارکینِ وطن ووٹرز امیدوار کے بارے میں معلومات کر کے ووٹ ڈالتے ہیں؟ 19/05/2022 00:10 ...
ایس بی ایس اردو خبریں 19 مئی 2022 19/05/2022 04:23 ...
'فوٹی' کیا ہے؟ آسٹریلین کھیل کے بارے میں وہ سب کچھ جو آپ جاننا چاہتے ہیں 18/05/2022 22:00 ...
امیگرنٹ خواتین عملی سیاست سے دور کیوں 17/05/2022 15:07 ...
ایس بی ایس اردو خبریں 17 مئی 2022 17/05/2022 05:13 ...
پاکستانی کمیونیٹی آسٹریلیا کے وفاقی انتخابات کے بارے میں کیا سوچتی ہے؟ 17/05/2022 45:08 ...
ایس بی ایس اردو خبریں 16 مئی 2022 16/05/2022 00:03 ...
سابق آسٹریلین کرکٹر اینڈریوں سائیمنڈس کی کار حادثے میں ہلاکت پر کرکٹ کی دنیا سوگوار 15/05/2022 00:07 ...
تارک وطن خواتین ووٹ دیتے ہوئے کیا سوچتی ہیں ؟ 15/05/2022 07:00 ...
View More