ابھی آنے والا ہے Wed 6:00 PM  AEST
ابھی آنے والا ہے شروع ہوگا 
Live
Urdu radio
ایس بی ایس اردو

ڈی میرٹ پوائینٹس اور جرمانہ : چھٹیوں میں گاڑی چلاتے ہوئے احتیاط سے کام لیں

Representational image of NSW Police Force. Source: PETER PARKS/AFP via Getty Images

آسٹریلیا کی کئی ریاستوں میں چھٹیوں کے دوران ٹریفک قوانین تبدیل ہو جاتے ہیں جبکہ کچھ ریاستوں میں ڈی میرٹ پوائینٹس بھی دگنے کر دئیے جاتے ہیں۔ اس صورتحال میں گاڑی چلاتے ہوئے احتیاط کا دامن چھوڑ دیا جائے تو بھاری جرمانہ ادا کرنا پڑ سکتا ہے۔ ڈرائیونگ انسٹرکٹرز کا کہنا ہے کہ تیز رفتاری سے عام حالات میں بھی اجتناب ضروری ہے ۔

آسٹریلیا کی مختلف ریاستوں اور ٹیرٹریز میں ٹریفک کے قوانین کچھ مختلف ہونے کے ساتھ نئے آنے والوں کے لئے الجھن پر مبنی بھی ہو سکتے ہیں ، جبکہ وہ افراد جو چھٹیوں کے دوران سیاحت کی غرض سے بین الریاست سفر کر تے ہیں ان کو مزید احتیاط برتنے کی ضرورت ہے ۔ دوسری جانب ان افراد کو ، افراد جو مستقل رہائش کی غرض سے ریاست تبدیل کرتے ہیں لاعلمی کی بنا پر زیادہ ڈی میرٹ پوائینٹس کے ساتھ بھاری جرمانے کا سامنا بھی ہو سکتا ہے ۔

طیب حمید نے سال 2016 میں میلبرن سے سڈنی ہجرت کی اور وہاں مستقل رہائش اختیار کر لی ۔ ان کا کہنا ہے کہ سڈنی کا موسم اور چہل پہل مجھے میلبرن سے سڈنی کھینچ لایا لیکن سڈنی میں ابتدائی سالوں کے دوران انہیں نیو ساوتھ ویلز میں ٹریفک قوانین کی مکمل معلومات نہیں تھی ۔

طیب حمید کا کہنا ہے کہ میلبرن میں ہر جگہ "یو- ٹرن " لینے کی اجازت ہے اور جن مقامات پر "یو ٹرن" لینے پر پابندی ہے وہاں باقاعدہ ٹریفک بورڈز یا اشارے نصب ہیں ، دوسری جانب سڈنی کا معاملہ بالکل مختلف ہے ۔ طیب کہتے ہیں کہ پہلی مرتبہ جب میں نے گاڑی موڑی اور پولیس نےمجھے روکا تو میں بہت حیران ہوا اور اسی وقت مجھے علم ہوا کہ سڈنی میں جس جگہ "یو ٹرن " لینے کی اجازت ہے صرف ان جگہوں پر اشارے یا بورڈز موجود ہیں ورنہ پورے سڈنی میں ایسا کرنے کی اجازت نہیں ہے ۔

طیب کے ساتھ ٹریفک سے متعلق دوسرا واقعہ ایسٹر کی چھٹیوں میں پیش آیا جب ایک سرنگ (ٹنل) سے گزرتے ہوئے رفتار میں اچانک کمی کے اشارے پر انہیں رفتار کم کرنے میں تاخیر ہوئی۔

ویسے تو میں بہت محتاط ڈرائیور ہوں لیکن رفتار میں کمی کا سائن اچانک سامنے آگیا اور میں کنفیوز ہو گیا 

طیب حمید جو اس وقت سڈنی نئے نئے منتقل ہوئے تھے ان کے علم میں نہیں تھا کہ چھٹیوں کے باعث نیو ساوتھ ویلز میں ڈی میرٹ پوائینٹس دگنے ہو چکے ہیں اور

Demerit Points
NSW Government
انہیں ایک ساتھ آٹھ ڈی میرٹ پوائینٹس کے ساتھ تقریبا 500 ڈالر جرمانہ بھی ادا کرنا پڑا ۔

جب میرے گھر جرمانے کا لیٹر آیا تو میں حیران رہ گیا اور میں نے سوچا آٹھ ڈی میرٹ پوائینٹس کسی کو کیسے آ سکتے ہیں ، یہ بہت زیادہ تھے ۔

طیب کا کہنا ہے کہ انہوں ے قانونی طور پراس جرمانے اور ڈی میرٹ پوئینٹس کے خلاف اپیل بھی کی لیکن اخر میں انہیں جرمانہ بھرنا ہی پڑا۔ طیب نے بین الریاست سفر کرنے والوں کو مشورہ دیتے ہوئے کہا کہ آسٹریلیا کی کسی بھی ریاست میں سفر کرنے سے پہلے اس ریاست کے تریفک قوانین سے متعلق پوری معلومات حاصل کر لیں۔

ان کا کہنا تھا کہ ٹریفک قوانین کا علم ہوئے بغیر گاڑی چلانا صرف جرمانے یا ڈی میرٹ کا باعث  نہیں ہے بلکہ اس طرح آپ کی جان کو بھی خطرہ ہو سکتا ہے ۔

 اس حوالے سے سڈنی میں بطور ڈرائیونگ انسٹرکٹر کام کرنے والے محمود صاحب کہتے ہیں کہ ایک طرح سے دیکھا جائے تو یہ ایک ظلم لگتا ہے اور یہ محسوس ہوتا ہے کہ ڈبل ڈی میرٹس کا کوئی فائدہ یا ضرورت نہیں ہے ، لیکن گاڑی چلانے والون کو بھی دھیان رکھنا چاہئے اور عام حالات میں بھی ٹریفک قوانین پر عملدرآمد کرنا چاہئے ۔

 

دوسری جانب میلبرن میں میں بطور ڈرائیونگ انسٹرکٹر کام کرنے والی نغمانہ کہتی ہیں کہ اگرچہ چھٹیوں کے دوران وکٹوریہ میں ڈی میرٹ پوائینٹس یا جرمانے میں اضافہ نہیں کیا جاتا لیکن ٹریفک قوانین کی خلاف ورزی روکنے کے لئے اضافی نفری نظر آ سکتی ہے ۔

نغمانہ کا یہ بھی کہنا ہے کہ زیادہ بہتر طریقہ اس خاص ادارے سے معلومات حاصل کرناہے جس سے متعلق معلومات درکار ہو، اور وکٹوریہ میں ٹریفک قوانین کی معلومات  کے لئے "وک روڈز" سے معلومات حاصل کی جائیں ۔

Coming up next

# TITLE RELEASED TIME MORE
ڈی میرٹ پوائینٹس اور جرمانہ : چھٹیوں میں گاڑی چلاتے ہوئے احتیاط سے کام لیں 27/12/2021 08:18 ...
ایس بی ایس اردو خبریں 24 مئی 2022 24/05/2022 03:59 ...
ڈلیوری سروس ڈور ڈیش کا گگ ورکرز کے لیےٹرانسپورٹ ورکرز یونین سے معائدہ 24/05/2022 06:31 ...
کیا تارکینِ وطن ووٹرز امیدوار کے بارے میں معلومات کر کے ووٹ ڈالتے ہیں؟ 19/05/2022 00:10 ...
ایس بی ایس اردو خبریں 19 مئی 2022 19/05/2022 04:23 ...
'فوٹی' کیا ہے؟ آسٹریلین کھیل کے بارے میں وہ سب کچھ جو آپ جاننا چاہتے ہیں 18/05/2022 22:00 ...
امیگرنٹ خواتین عملی سیاست سے دور کیوں 17/05/2022 15:07 ...
ایس بی ایس اردو خبریں 17 مئی 2022 17/05/2022 05:13 ...
پاکستانی کمیونیٹی آسٹریلیا کے وفاقی انتخابات کے بارے میں کیا سوچتی ہے؟ 17/05/2022 45:08 ...
ایس بی ایس اردو خبریں 16 مئی 2022 16/05/2022 00:03 ...
View More