ابھی آنے والا ہے Sun 6:00 PM  AEST
ابھی آنے والا ہے شروع ہوگا 
Live
Urdu radio

ٹی ٹوینٹی عالمی کپ کے فائینل میں کون ہو گا آمنے سامنے؟

Pakistan cricket squad unchanged in five consecutive T20 worldcup games. Source: twitter sawerapasha

پاکستان نے ٹی ۲۰ عالمی کپ میں اسکاٹ لینڈ کو 72 رنز سے شکست دے کر ٹورنامنٹ میں اب تک کی واحد نا قابل شکست ٹیم ہونے کا اعزاز حاصل کر لیا۔ اب سیمی فائینلز میں پاکستان کا مقابلہ آسٹریلیا سے اور انگلینڈ کا مدمقابل نیوزی لینڈ ہو گا۔ شائیقین منتظر ہیں کہ سیمی فاینل جیتنے والی ٹیموں میں سے کون سی دو ٹیمیں ٹی ۲۰ ورلڈ کپ کے فائینل میں آمنے سامنے ہوں گی۔

 پاکستان نے ٹی20 ورلڈ کپ کے گروپ ٹو میں اپنے آخری میچ میں شعیب ملک کی جارحانہ بیٹنگ کی بدولت اسکاٹ لینڈ کو 72رنز سے شکست دے کر ٹورنامنٹ میں لگاتار پانچویں فتح حاصل کر لی۔ اس میچ میں شعیب ملک نے 18 گیندوں پر 6 چھکوں اور ایک چوکے کی مدد سے 54 رنز کی  ریکارڈ اننگز کھیلی اور مین آف دی میچ قرار پائے۔ ٹورنامنٹ میں پاکستان کی شاندار  کارکردگی کا جشن سوشل میڈیا پر بھی جاری ہیں جہاں تجزئے ، تبصرے اور میمز کی بھرمار نظر آتی ہے۔

 پاکستان ٹورنامنٹ میں ناقابلِ شکست رہی ہے اور سیمی فائنل میں اس کا مقابلہ آسٹریلیا سے جمعرات کے روز دبئی انٹرنیشنل کرکٹ سٹیڈیم میں ہو گا 

نیوزی لینڈ کے سیمی فائنل میں پہنچنے اور پاکستان کے روایتی حریف بھارت کے ٹورنامنٹ سے آؤٹ ہونے پر سوشل میڈیا پر میمز کا طوفان آگیا اور پاکستانی سوشل میڈیا صارفین نے میمز کے ذریعے بھارتی کرکٹ شائقین کے کے ساتھ نوک جھوک کا سلسلہ دیکھنے میں آیا۔ جبکہ کھیلوں کی مبصر سویرا پاشا نے پاکستانی ٹیم کی لگاتار فتوحات پر جذباتی پیغام میں لکھا کہ ٹیم نے بغیر کسی تبدیلی کے پانچ میچ لگاتار جیت کر سحر طاری کر دیا ہے۔

پاکستان کی اسکاٹ لینڈ پر جیت اور  نیوزی لینڈ کی افغانستان کے خلاف فتح کے بعد اب بھارت  سیمی فائنل کی دوڑ سے باہر ہو چکا ہے

 

 اس سے پہلے کھیلے گئے ٹی ٹوئنٹی کرکٹ ورلڈ کپ کے سپر 12 مرحلے میں نیوزی لینڈ نے افغانستان کو آٹھ وکٹوں سے شکست دے کر سیمی فائنل تک رسائی حاصل کر لی تھی کرچہ بھارت کو ابھی نمیبیا سے میچ باقی ہے مگر بھارت اور افغانستان کی ٹیمیں  دوڑ سے باہر ہو  چکی ہیں۔

گروپ ون میں انگلینڈ پہلے اور آسٹریلیا دوسرے نمبر پر جبکہ گروپ ٹو میں پاکستان پہلے اور نیوزی لینڈ دوسرے نمبر پر ہے اس طرح انگلینڈ اور نیوزی لینڈ کے ٹیمیں 10 نومبر کو پہلا سیمی فائنل  اور  پاکستان دوسرے سیمی فائنل میں 11 نومبر کو آسٹریلیا سے فائینل کے لئے مقابلہ کرے گا۔

 Moments we love to see 😍@TheRealPCBMedia @CricketScotland #T20WorldCup pic.twitter.com/ne3MiFzkci

دبئی سے بات کرتے ہوئے ایس بی ایس اردو کے کھیلوں کے نمائیندے انس سعید کا کہنا ہے کہ گرچہ پاکستان اب تک کا واحد نا قابلَ شکست ٹیم ہونے کے باعث سب سے اچھی ٹیم نظر آتی ہے مگر انگلینڈ  کی ٹیم بھی  ایک سخت اور مضبوط  حریف کے طور پر سامنے آئی ہے۔ اور اگر پاکستان کا فاینل میں انگلینڈ سے مقابلہ ہوتا ہے تو یہ ایک بے حد دلچسپ اور سخت مقابہ ہو سکتا ہے۔

 

 مبصرین کا ماننا ہے کہ  ہر کھیل کا دن ایک مختلف نتیجہ لے کر آتا ہے اور جس دن جو ٹیم اچھی کارکدگی دکھاتی ہے جیت اس کی جھولی میں گرتی ہے اس لئے  کھیلوں کے پنڈت پیشن گوئیاں کرنے میں احتیاط سے کام لے رہے ہیں۔ مگر کھیلوں کے کئی مبصر انگلینڈ کو ایک طاقتور ٹیم کے طور پر دیکھ رہے ہیں اور کچھ کا خیال ہے کہ اگر انگلینڈ نے نیوزی لینڈ کے خلاف اور پاکستان نے  آسٹریلیا کے خلاف اپنا موجودہ مومینٹم اور حالیہ فارم برقرار رکھی تو ممکنہ طور پر یہ دونوں ٹیمیں فائینل کے لئے سب سے ذیادہ فیورٹ ہیں۔ پاکستان اور آسٹریلیا کے سیمی فائینل میں بکیز  اور سٹے بازی کی سائیٹس پاکستان کو فیورٹ قرار دے رہی ہیں جبکہ انگلینڈ اور نیوزی لینڈ کے سیمی فائینل میں انگلینڈ کا پلڑا بھاری ہے۔


پوڈ کاسٹ سننے کے لئے نیچے دئے اپنے پسندیدہ پوڈ کاسٹ پلیٹ فارم سے سنئے 

 

Coming up next

# TITLE RELEASED TIME MORE
ٹی ٹوینٹی عالمی کپ کے فائینل میں کون ہو گا آمنے سامنے؟ 08/11/2021 2:00:09 ...
SBS Urdu News 20 May 2022 20/05/2022 04:00 ...
کیا تارکینِ وطن ووٹرز امیدوار کے بارے میں معلومات کر کے ووٹ ڈالتے ہیں؟ 19/05/2022 00:10 ...
ایس بی ایس اردو خبریں 19 مئی 2022 19/05/2022 04:23 ...
'فوٹی' کیا ہے؟ آسٹریلین کھیل کے بارے میں وہ سب کچھ جو آپ جاننا چاہتے ہیں 18/05/2022 22:00 ...
Judges asking Australian politicians to push for a federal integrity commission-Urdu News 18 May 2022 18/05/2022 10:05 ...
امیگرنٹ خواتین عملی سیاست سے دور کیوں 17/05/2022 15:07 ...
ایس بی ایس اردو خبریں 17 مئی 2022 17/05/2022 05:13 ...
پاکستانی کمیونیٹی آسٹریلیا کے وفاقی انتخابات کے بارے میں کیا سوچتی ہے؟ 17/05/2022 45:08 ...
ایس بی ایس اردو خبریں 16 مئی 2022 16/05/2022 00:03 ...
View More