خواتین کی ویکسین اب خواتین ہی کریں گی

اس وقت آسٹریلیا کو کووڈ-19 کے خلاف ردعمل کی منتقلی کے لئے جس کلیدی عمل کی ضرورت ہے وہ ویکسین کی بلند سطح ہے۔ میلبرن میں اس وقت کووڈ کیسز کا تناسب ملک میں سب سے زیادہ ہے ۔ اس صورتحال میں ان مسلم خواتین کے لئے سسٹا حب کی جانب سے اہم قدم اٹھایا گیا جو حجاب کے باعث مرد ڈاکٹرز اور نرسوں سے اجتناب کرتی ہیں ، یا پھر خالص خواتین سے متعلق سوالات جیسا کہ حمل یا زچگی کے دوران ویکسین لگوانا ،مرد ڈاکٹرز سے کرتے ہوئے ہچکچاہٹ کا شکار ہیں ۔

29 ار 30 اکتوبر کو میلبرن کے دو کونسل ایریاز میں صرف خواتین کے لئے ویکسین سینٹر قائم کئے جا رہے ہیں ۔ اس حوالے سے گفتگو کرتے ہوئے سسٹا حب کی بورڈ آف ڈائریکٹرز کی رکن انعم جاوید کا کہنا تھا کہ اس وقت اگر اسپتالوں کا رخ کریں تو کووڈ-19 سے مسلم آبادی زیادہ متاثر دیکھائی دیتی ہے جس کی کئی وجوہات ہیں ۔ اس صورتحال میں ضروری تھا کہ ایک ایسا قدم اٹھایا جائے جہاں ویکسین سے متعلق غلط خبروں ، غیر مصدقہ اطلاعات اور افواہوں کا خاتمہ ہو سکے۔

انعم نے یہ بھی بتایا کہ ایسے سینٹر کا بنانے کا فیصلہ اس لئے کیا گیا ہے تاکہ مسلم خواتین بے جھجھک اپنے سوالات کے جوابات حاصل کر سکیں ۔ انعم کا کہنا ہے کہ ان ویکسین سینٹرز میں صرف طبی اور نیم طبی عملہ ہی نہیں بلکہ انتظامیہ بھی خواتین پر مشتمل ہوگی ۔ اس کے علاوہ وہ خواتین جو حجاب یا پردہ کرتی ہیں ان کے لئے الگ ویکسین بوتھ بنانے کا اہتمام بھی کیا گیا ہے ۔

انعم کہتی ہیں کہ ہیوم اور وینڈہم کونسل ایریاز کے بعد میلبرن کے دیگر کونسل ایریاز جہاں یا تو کووڈ کیسز کی تعداد زیادہ ہے یا مسلم آبادی زیادہ ہے اس طرح کے ویکسین حب قائم کئے جائیں گے۔ 

• پوڈ کاسٹ سننے کے لئے نیچے دئے اپنے پسندیدہ پوڈ کاسٹ پلیٹ فارم سے سنئے 
• Spotify Podcast, Apple Podcasts, Google Podcast, Stitcher Podcast
• کس طرح ایس بی ایس اردو کے مرکزی صفحے کو بُک مارک بنائیں یا ایس بی ایس اردو  کو اپنا ہوم پیج بنائیں
• اردو پروگرام ہر بدھ اور اتوار کو شام 6 بجے (آسٹریلین شرقی ٹائیم) پر نشر کیا جاتا ہے
• اردو پروگرام سننے کے طریقے