ابھی آنے والا ہے Wed 6:00 PM  AEST
ابھی آنے والا ہے شروع ہوگا 
Live
Urdu radio

"کرونا وائرس ویکسین سفر کے لئے لازمی ہوگی" – قانٹس ائیرلائن منتظمِ اعلیٰ ایلین جوائس

Qantas Group Chief Executive Officer Alan Joyce Source: AAP

آسٹریلوی ائیر لائن کا کہنا ہے کہ نئے قوانین کے تحت بین القوامی سفر اور بیرونِ ملک سے آنے والے مسافروں کو کووڈ-۱۹ کی ویکسین لگانا ضروری ہوگا۔

قانٹس کے سی ای او ایلین جوائس کا کہنا ہے کہ مسافروں کو ثبوت دکھانا ہوگا کہ انہوں نے کرونا وائرس ویکسین لگوائی ہے۔

چینل نائن کے کرنٹ افئیر پروگرام سے گفتگو میں ایلین جوائس کا کہنا تھا کہ بین الاقوامی مسافر جو آسٹریلیا سے جارہے ہیں یا وہ لوگ جو آسٹریلیا میں داخل ہورہے ہیں ان کے لئے ویکسین لگوانا "ضروری" ہوگا۔

"ہم اپنے قوانین میں تبدیلی لارہے ہیں اور مسافروں سے گزارش ہے کہ وہ جہاز میں بیٹھنے سے پہلے ویکسین کا ثبوت دیں۔"

یہ بیان ایسے وقت میں آیا ہے جب اگست میں وزیرِاعظم اسکاٹ موریسن نے کہا تھا کہ ویکسین کا استعمال جس حد تک لازمی ہوسکے گا کیا جائے گا۔

"مجھے مشورہ دیا گیا ہے کہ ملک میں ویکسین ریٹ پچانوے فیصد تک ہونا چاہیئے۔"

آکسفورڈ میں ہونے والی ویکسین ٹرائل برطانوی کمپنی آسٹرا زینیکا کے تعاون سے بنائی جارہی ہے۔

This story is also available in other languages.
Show languages