SBS Radio App

Download the FREE SBS Radio App for a better listening experience

Advertisement
  • Samantha Ratnam has been named as the Victorian Greens' new leader. (AAP)
Tamil
12 Oct 2017 - 5:02 PM  UPDATED 13 Oct 2017 - 4:47 PM

விக்டோரியா மாநில கிரீன்ஸ் கட்சித் தலைவராக Dr.சமந்தா ரட்ணம் தெரிவுசெய்யப்பட்டுள்ளதாக அக்கட்சியின் தலைவர் Dr Richard Di Natale அறிவித்துள்ளார்.

இலங்கைப் பின்னணி கொண்ட தமிழ்ப்பெண்ணான சமந்தா, போர் காரணமாக பெற்றோருடன் 1989ம் ஆண்டு ஆஸ்திரேலியாவிற்கு புலம்பெயர்ந்த நிலையில், கிறீன்ஸ் கட்சியின் சார்பில், 2012ம் ஆண்டு உள்ளூராட்சித் தேர்தலில் போட்டியிட்டு உள்ளூராட்சி உறுப்பினராகத் தேர்ந்தெடுக்கப்பட்டார்.

Moreland City Council-இன் முன்னாள் மேயரான சமந்தா 2016 ஜுலை 2ம் திகதி நடைபெற்ற நாடாளுமன்றத் தேர்தலிலும் போட்டியிட்டிருந்தார். 

Asylum Seeker Resource Centre-இல் செயற்றிட்ட முகாமையாளர், மேயர், councillor, சமூக சேவகர் என பல பரிமாணங்களில் தனது திறமையை நிரூபித்துள்ள  சமந்தா ரட்ணம், இப்புதிய பதவியிலும் சிறந்த முன்மாதிரியாகத் திகழ்வார் என Dr Richard Di Natale தெரிவித்தார்.

விக்டோரியா மாநில கிரீன்ஸ் கட்சியின் துணைத் தலைவராக Nina Springle தெரிவுசெய்யப்பட்டுள்ளார்.

தொடர்புடைய செய்திகள்:

ஆஸ்திரேலியாவின் முதல் தமிழ் பெண் மேயர்

விக்டோரிய மாநிலத்தலுள்ள மோர்லாண்ட் நகரின் மேயராக சமந்தா ரத்னம் தெரிவு செய்யப்பட்டுள்ளார். இலங்கையில் பிறந்த சமந்தா, போர் காரணமாக பெற்றோருடன் ஆஸ்திரேலியாவில் குடியேறியுள்ள இவர், கிறீன்ஸ் கட்சியின் சார்பில், 2012ம் ஆண்டு உள்ளூராட்சித் தேர்தலில் போட்டியிட்டு உள்ளூராட்சி உறுப்பினராகத் தேர்ந்தெடுக்கப்பட்டார். இதற்கு முன்னர் இரண்டு தடவைகள் மேயர் பதவிக்காக போட்டியிட்ட சமந்த வெற்றியீட்ட/விட்டாலும் தொடர்ந்தும் முயற்சி செய்த இவர், தற்போது, மேயராக தெரிவு செய்யப்பட்டுள்ளார். 1989ம் ஆண்டு அவுஸ்திரேலியாவில் குடியேறியுள்ள இவர் தனது வாழ்க்கைப் பயணத்தை எம்மோடு பகிர்ந்து கொள்கிறார்.சமந்தா ரத்னம் மற்றும் அவரது தகப்பனாருடன் நேர்கண்டு உரையாடி நிகழ்ச்சி தயாரித்துள்ளார் குலசேகரம் சஞ்சயன். 

“தமிழர்களுக்காக உறுதியாகக் குரல் கொடுப்பேன்” சமந்தா ரட்ணம்

எதிர்வரும் தேர்தலில் மெல்பேர்ணின் வில்ஸ் தொகுதியில் இலங்கைத் தமிழ்ப்பெண் சமந்தா ரட்ணம் கிரீன்ஸ் கட்சி சார்பில் போட்டியிடுகிறார். கிரீன்ஸ் கட்சியின் கொள்கைகள் தொடர்பிலும் அவர் இத்தேர்தலில் போட்டியிடுகின்றமை தொடர்பிலும் சமந்தா ரட்ணத்துடன் உரையாடுகிறார் றேனுகா துரைசிங்கம். சமந்தாவின் பதில்கள் ஆங்கிலத்தில் அமைந்தாலும் அவரது பதிலின் சுருக்கம் தமிழில் வழங்கப்பட்டுள்ளது.