Kosovë: Ratifikohet marrëveshja për kufirin me Malin e Zi

Me 80 vota për dhe 11 kundër Parlamenti i Kosovës ratifikoi marrëveshjen për shënimin e kufirit me Malin e Zi.

A Kosovo opposition lawmaker throws tear gas for the fourth time before the vote for agreement on border demarcation with Montenegro Source: EPA

E nënshkruar në fund të gushtit të vitit 2015, marrëveshja tashmë është ratifikuar nga parlamenti i Malit të Zi.

Ratifikimi i kësaj marrëveshjeje pritet t’i hap rrugë liberalizimit të vizave për qytetarët e Kosovës ndërsa ishte edhe një nga kushtet që Kosova duhet përmbushë drejt rrugës së saj drejt integrimeve evropiane.

Ratifikimi i marrëveshjes pasoi ndërprerjen e seancës për katër herë me radhë pasi që deputetët e lëvizjes Vetëvendosje hodhën gaz lotsjellës për të penguar ratifikimin e marrëveshjes.

Policia e Kosovës ka bërë të ditur se tashmë ka ndaluar pesë deputetë të lëvizjes Vetëvendosje të dyshuar për hedhjen e gazit lotsjellës.

Marrëveshja për kufirin me Malin e Zi, kishte ndarë skenën politike në vend për gati tre vjet.