Ndërtimi i shtëpive të reja dhe projektet e mëdha të rinovimit sipas planit të rimëkëmbjes ekonomike COVID-19 të qeverisë federale, mund të përfitojnë para të gatshme nga grantet.
Kryeministri Scott Morrison konfirmoi se qeveria është duke konsideruar dhënien e granteve në para të gatshme për rinovime të shtëpive.
"Ne jemi të interesuar në projektet të mëdha (të rinovimit të shtëpive) dhe ndërtimet e reja të shtëpive" i tha ai Radios 2GB të hënën.
"Sektori i ndërtimit është në rënie dhe kjo nuk është një shenjë e mirë për vendet e punës”.
Ai tha se "është me rëndësi që çdo vendim që do sjellim të ndihmon sipërmarrësit e vegjël".
Qeveritë federale dhe ajo e New South Wales-it (NSW) këtë vit do të shpenzojnë 3.5 miliardë dollar shtesë për të filluar ndërtimin e linjës hekurudhore, Aeroport - Western Sydney.
"Një pjesë e madhe e daljes nga kriza COVID-19 janë shpenzimet tona për infrastrukturën" tha Z. Morrison.
__________________________________________________________________________________________________
Të gjithë që jetojnë në Australi duhet të qëndrojnë të paktën 1.5 metra larg nga njëri tjeri, pë më shumë informacion vizitoni: https://www.sbs.com.au/language/albanian/virusi-korona-covid-19-dhe-masat-ndaj-tij
Nëse besoni se mund të jeni infektuar me COVID-19, telefononi mjekun tuaj (mos e vizitoni) por thirrni Coronavirus Health Information Hotline në 1800 020 080. Nëse keni pengesë me frymarrje ose nëse keni një urgjencë mjekësore, telefononi 000.
SBS është i përkushtuar të informojë komunitetet e ndryshme në Australi për zhvillimet më të fundit mbi COVID-19. Lajmet dhe informacionet janë në shërbim tuaj në 63 gjuhë të ndryshme, vizitoni sbs.com.au/coronavirus.