Autoritetet ne Kosove nuk kane lejuar hyrjen ne territorin e Kosoves te nje treni qe ishte nisur nga Beogradi ne drejtim te Mitrovices i dekoruar me flamuj serbe, me mbishkrimin Kosova eshte Serbi ne 20 gjuhe dhe ikonografi mesjetare.
Treni i cili u nis te shtunden nga Beogradi drejt Mitrovicës së Veriut në Kosovë, është ndalur në qytetin serb Rashkë, prej nga është kthyer sërish në Beograd.
Treni është vlerësuar si njëri nga provokimet e radhës të Serbisë, ndërsa është kërkuar ndalimi i tij në territorin e Kosovës. Autoritetet kosovare prej ditësh ishin deklaruar kundër hyrjes së trenit serb në territorin e Kosovës.
Më herët Presidenti i Kosovës, Hashim Thaçi tha për Express se kishte dhënë urdhër që me çdo çmim të mos lejohej hyrja e trenit serb në Kosovë. Ai deklaroi se beson në autoritetet e Kosovës se, do të ndalin hyrjen e trenit serb në Republikën e Kosovës. “Kam besim të plotë se autoritetet do t’i kryejnë përgjegjësitë ligjore dhe kushtetuese. Institucionet duhet t’i kryejnë këto përgjegjësi. Mjaft është mjaft. Do të ketë zero tolerancë ndaj Beogradit në cënimin e integritetit territorial të Kosovës”, deklaroi Presidenti Thaçi.
Kryeministri i Kosovës, Isa Mustafa, tha në orët e mbrëmjes së të shtunës se ndalimi i hyrjes së trenit ishte vendimi i duhur.
Në orët e mbrëmjes kryeministri serb Aleksandër Vuçiç tha se për në Mitrovicë ishte nisur një tren dhe jo një tank.
"Vendimi im ishte, dhe krenohem me të, që ta ndaloj trenin në Rashkë me qëllim të ruajtjes së lirisë së njerëzve tanë dhe të ruaj paqen e të shmang konfliktet”, tha kryeministri serb pas një takimi emergjent me shërbimet serbe të sigurimit.
Ambasadori amerikan në Prishtinë, Greg Delawie, shprehu të shtunën shqetësimin lidhur me zhvillimet rreth trenit.
“I brengosur për çështjen e trenit. Bëj thirrje për përmbajtje nga të gjitha palët. Kemi nevojë për normalizim, e jo për konfrontim”, ka shkruar ambasadori Delawie në rrjetin social Twitter.
Save
Save
Save
Save