Duke marrë fjalën në këtë event, kryeministri i Shqiperise Edi Rama falenderoi dhe vlerësoi rëndësinë e diasporës shqiptare nëpër botë, e cila sipas tij ka luajtur një rol thelbësor për ekzistencën e Shqipërisë. Kreu i qeverisë ka theksuar se prania e 1 mijë shqiptarëve nga 40 shtete të botës ka një rëndësi të veçantë.
Ai ka shtuar se, diaspora duhet të shërbejë si një shkollë dijeje dhe jete, duke pasur parasysh suksesin e shqiptarëve në mërgim. Ministri i Jashtëm Ditmir Bushati vlerësoi rëndësinë e kontributit të diasporës shqiptare në mbarë botën.
Shefi i diplomacisë shqiptare e vuri theksin edhe tek nevoja për ngushtimin e hendekut mes shtetit dhe diasporës, që sipas tij do të sheshojë paragjykimet që palët mund të kenë ndaj njëra-tjetrës. Ndërsa presidenti i Kosovës, Hashim Thaçi, i pranishem ne kete event e cilësoi një iniciativë të jashtëzakonshme bashkimin e diasporës shqiptare në Tiranë.
Presidenti i Kosovës vlerësoi se, diaspora sot ka nevojë për një riorganizim në mënyrë që të shndërrohet në një burim të zhvillimit social dhe ekonomik dhe tutje shtoi se pas Tiranës, samiti i radhës i diasporës shqiptare do të mbahet në Prishtinë.
Australine ne Samitin e Diaspores e perfaqeson Suela Qemal, nga Shoqata Shqiptaret e Bashkuar te Australise.
Samiti i Diasporës do të trajtojë një sërë temash mbi mënyrën e bashkëpunimit mes institucioneve dhe shqiptarëve që jetojnë kudo në botë.:
-Zhvillimi ekonomik në Atdhe dhe roli i Diasporës
-Turizmi shqiptar, realiteti dhe perspektiva
-Kultura, hapësira jonë e përbashkët pa kufi. Arti dhe Kultura pasaporta jonë
-Dija mbi të gjitha: Të ruajmë gjuhën dhe identitetin
-Të ndërtojmë rrjetin ndërshqiptar të aftësive
-Sipërmarrja e të rinjve - the start-up culture
-Organizimi i Diasporës dhe roli i saj në zhvillimin e Atdheut: Eksperienca nga bota
