Masar Krasniqi, lindi në Prishtinë më 1931. I përndjekur nga regjimi serb u detyrua që t'a braktisë atdheun në moshë fare të re. Që më 1950, kur u vendos në Zelandën e Re, ka filluar të angazhohet shumë herët, jo vetëm për Kosovën, por edhe për Shqipërinë dhe për trojet e tjera shqiptare.
Themelimi i Lidhjes Qytetare Shqiptaro-Amerikane në janar 1989, nga ish-kongresisti Joseph J. DioGuardi, mik e bashkëpunëtor i afërt i Krasniqit dhe zgjedhja e këtij të fundit në kryesinë e saj, si përfaqësues i interesave të lobit amerikan për Shqipërinë, për Kosovën, për Maqedoninë dhe për trojet e tjera shqiptare, shënon kulmin e angazhimit të Masar Krasniqit për kauzën shqiptare.
Dokumentari është bazuar në librin “Zhurma e Kujtimeve” të autorit Shpend Osmani.
Përgatitja teknike dhe zëri Qazim Menxhiqi dhe Sani Kajtazi.
