Come Fly With Us: Esayas Woldemariam Hailu

የኢትዮጵያ አየር መንገድ ከሰባት አሠርት ዓመታት በላይ ዘመን ያሸመገለች፤ በስመጥር የበረራ ተቋምነቷ ለአገር ቅርስነት የበቃች፤ በመልካም ሬኮርዷ ዓለም አቀፍ ሞገስን የተላበሰች ናት። የኢትዮጵያውያንን ልብ በፍቅር በማማለሏም በአንቺታ “የኢትዮጵያ” በሚል ቁልምጫ ትሞካሻለች።

በሰባ ሁለት ዓመታት በረራዋ ከDouglas DC-3 ጢያራነት እጅጉን ዘመነኛ የሆነው Airbus A350-900 ጨምራ የ100 አውሮፕላኖች ባለቤት በመሆን ከአፍሪካ አቻ የለሽ አየር መንገድ ለመሆን በቅታለች።

ተጠዋሪዋ የመጀመሪያዋ የኢትዮጵያ አየር መንገድ ጢያራ Source: SBS Amharic

የኢትዮጵያ በቦሌ Source: SBS Amharic

የኢትዮጵያ - በመንገደኞች የበረራ አገልግሎት ብቻ የተወሰነች ባለመሆኗም ከጥገና እስከ ዕቃ ማጓጓዣ ግልጋሎቶችን ትሰጣለች።

ጥገና Source: SBS Amharic

የዕቃ ማጓጓዣ Source: SBS Amharic

ከራሷም አልፋ የባሕር ማዶኛ የበረራና አስተናጋጆችንንና አብራሪዎችን ሳይቀር በአካዳሚዋ አሰልጥና ለአየር ታበቃለች።  

  

የበረራ አስተናጋጆች ስልጠና Source: SBS Amharic

አቶ ኢሳያስ ወልደማርያም ኃይሉ፤ የኢትዮጵያ አየር መንገድ ዓለም አቀፍ አገልግሎቶች ማኔጂንግ ዳይሬክተርም በአዲስ አበባ ዋና መስሪያ ቤታቸው ስኬትን ትህትና አላብሰው  ያወጉን ይህንኑ ነው። የኢትዮጵያ አየር መንገድን የሰባ ሁለት ዓመታት ጉዞ፣ የአገር ምጣኔ ሐብታ ታዳጊነትዋን፣ የፓን አፍሪካኒዝም አስፋፊነቷን፣ ከሰሞነኛው አወዛጋቢው የከፊል ፕራይቬታይዜይሽን ጉዳይ ጋር አዛንቀው።

Esayas Woldemariam Hailu MD Ethiopian International Services Source: SBS Amharic

ከትልማቸውን ነቅሰውም አውስትራሊያን አካትቶ የአየር መንገዷ ክንፎች ወዴት ለመቅዘፍ እንደተሰናዱ ፍንጭ ሰጥተዋል።

 

ኢትዮጵያውያን አብዝተው የአየር መንገዱ ተጠቃሚዎች እንዲሆኑም ጋብዘዋል።