Settlement Guide: 5 dementia concerns for migrants

ምንም እንኳ ደሜንሽያ በአብዛኛው በእድሜ የገፉ ሰዎችን ቢያጠቃም፤ ተፈጥሯዊ የሆነ እርጅና አካል አይደለም። ቀደም ብሎ ምርመራ ማድረግ ለደሜንሽያ ህሙማኑም ሆነ ለቤተሰቦች ማለፊያ ሕይወት ይበጃል። ሆኖም፤ የዝንቅ ማኅበረሰብ ህሙማን ቀደም ያለ ምርመራ ለማካሄድ፤ ፍላጎታቸውን የሚመጥን የክብካቤ ድጋፍን ለማግኘት ተጨማሪ ተግዳሮቶች ይገጥሟቸዋል።

dementia care Source: Public Domain/Pixabay

፩ ስለ ደሜንሽያ ምልክቶች የግንዛቤ ማነስ

በተወሰኑ ማኅበረሰባት ዘንድ የደሜንሽያ የይሆናል እሳቤዎች ከደዌ፣ የአእምሮ ሕመም፣ እርጅና ጋር ተያይዞ፤ አሊያም ከነአካቴው ትርጉም የለሽ ሆኖ ይታያል። ደሜንሽያ በተለያዩ የአእምሮ ህመሞች ሳቢያ የሚከሰት፤ የማስታወስና የማሰብ ችሎታን፣ የባህሪይ ለውጥን የሚያስከትልና የዕለት-ተዕለት ክንውኖችን የሚያውክ ህመም ነው።

፪ ደሜንሽያን ከተፈጥሯዊ እርጅና ጋር አያይዞ መመልከት

የተወሰነ ማኅበረሰባት ውስጥ ደሜንሽያ የተፈጥሯዊ እርጅና አካል ተደርጎ ይታያል። ምልክቶቹ ምን እንደሆኑ ቀደም ብሎ በውል ባለመገንዘብ፣ እርዳታ ለመጠየቅም ወዴት መሄድ እንደሚገባ ባለማወቅ፤ ወይም ከሃፍረትና ስም ይወጣልኝ ይሆናል ብሎ ከማሰብ የተነሳ ዘግይቶ በመመርመር ለቀውስ ከመዳረግ ላይ ይደርሳሉ።

፫ ደሜንሽያን ከሃፍረት ጋር ማያያዝ

በርካታ ሰዎች "እብድ" ተብለን እንጠራ ይሆናል በሚል ፍራቻ ስለ በሽታው በግልጽ መናገርን አይሹም። በሳቢያውም ከቡድን እንቅስቃሴዎች ተሳትፏቸውን ይቀንሳሉ፤ ከማኅበራዊ ቡድናት ክንዋኔዎችም እንዲሁ ይነጠላሉ።

፬ በእንግሊዝኛ ቋንቋ ዝቅተኛ ክህሎት አስባብ ለተግባቦት ተግዳሮት መዳረግ

በደሜንሽያ ጅማሮ ሳቢያ የተወሰኑ ሰዎች የነበራቸውን የእንግሊዝኛ ክህሎት ያጡና ወደ አፍ መፍቻ ቋንቋቸው ይመለሳሉ።

፭ ሰዎች በቤተሰብ አባላት ክብካቤን ያገኛሉ የሚል የተዛባ አተያይ

በተወሰኑ ማኅበርሰባት ውስጥ ቤተሰብ ወይም ልጆች የደሜንሽያ ታማሚ ወላጆቻቸውን ይከባከባሉ የሚል ብርቱ እሳቤ አለ። ይሁንና፤ ባህላዊ ዕሴቶች ከአዲሱ አውስትራሊያዊ ዕሴቶች ጋር ሲዛነቁ የበርካታ አረጋውያን ዕውነታ የተለየ ሆኖ ይገኛል።

በይበልጥ ለመረዳት Perception of dementia in ethnic communitiesን ይጎብኙ።

Alzheimer’s Australia በ43 ቋንቋዎች ስለ ደሜንሽያ መረጃን ይሰጣል።

በብሔራዊ ደሜንሽያ የእርዳታ መስመር 1800 100 500 በመደወል የምክር አገልግሎት ድጋፍ ያገኛሉ።

አስተርጓሚ የሚሹ ከሆነም የብሔራዊ ደሜንሽያ የእርዳታ መስመርን 131 450 በመደወል የስልክ ትርጉም አገልግሎት ሊያገኙ ይችላሉ።

WHO:(የዓለም ጤና ድርጅት) በአሁኑ ወቅት በመላው ዓለም 47.5 ሚሊየን ያህል የደሜንሽያ ህሙማን እንዳሉ ይገምታል፤ በ2030ም የደሜንሽያ ህሙማኑ ቁጥር ወደ 75.6 ከፍ ይላል የሚል ግምት አለው። የደሜንሽያን ሁኔታ ይበልጥ ለመረዳትና የተሻለ ፍቱን ሕክምናን ለማዳበር ተጨማሪ ምርምርን ግድ ይላል።