How can you support your child as the social media ban comes into effect in Australia? A psychologist answers. Source: AFP / LOIC VENANCE/AFP via Getty Images
spk_0
أصبحت أستراليا اليوم أول دولة في العالم تحظر من هم دون سن السادسة عشر من استخدام وسائل التواصل الاجتماعي. ودخل الحظر اليوم حيز التنفيذ، حيث قامت العديد من منصات التواصل الاجتماعي بإغلاق حسابات قرابة مليون طفل ومراهق دون سن السادسة عشر في أستراليا ومنعهم من إنشاء حسابات جديدة.
spk_0
ويشمل الحظر منصات فيسبوك.
spk_0
Instagram, threads, X YouTube, Snapchat, Reddit.
spk_0
كيك تويتش وتيك توك. وكانت الحكومة الفيدرالية قد اعتمدت في صياغة قوانين حظر من هم دون السادسة عشر من عام.
spk_0
السوشيال ميديا اعتمدت على الأبحاث والدراسات التي أشارت إلى أضرار هذه المنصات على النمو العقلي والنفسي للصغار. عن هذا التأثير، يقول الدكتور سمير إبراهيم، أخصائي أول الأمراض النفسية
spk_1
تأثير السوشيال ميديا على الأطفال والمراهقين هو شيء معروف ومدروس من سنوات طويلة.
spk_1
السوشيال ميديا لها تأثيرات إيجابية وعلشان كده على مدار سنوات كان الكثيرين يستخدموها.
spk_1
ولكن كأي شيء آخر إساءة الاستخدام يؤدي إلى ما لا يحمد عليه.
spk_1
وعشان كده بنلاقي إنه الجيل اللي تعود على وجود السوشيال ميديا في حياته على النحو ال- المبالغ فيه بدرجة إنه حضرتك تدخلي دلوقتي أي restaurant أو أي مكان تلاقي الأولاد متعلقين بالشاشة من سن صغير جدا آم لغاية سن المراهقة وفيما بعد.
spk_1
الموضوع ده من النواحي السلبية آه ليه حاجات كتير أو نذكر منها اثنين على الخصوص التعلق بالشاشة بيعمل نوع من الإدمان لو تحبي تقولي كده الأولاد تصحف نص الليل ت- تدور على التليفون الأولاد أحيانا تلاقيه في public place زي مثلا آم وسائل ال- ال-
spk_1
المواصلات وتلاقيه على طول بيبص فيها وهكذا طيب هل ده بيدي له فرصة إنه هو ي- يفكر ويهدأ وعقله يوصل لما يسمى ال base line لا وعشان كده إن الولاد لو الجيل ده عموما جيل تعود على التوتر المستمر وتلاقيهم سريعين الغضب مزاجهم متقلب.
spk_1
وهكذا هل كل الناس طبعا لا، لأنه بعض الناس مختلف عن ناس آخرين، فأنا بس بقول الموضوع ده وأنا عارف إنه مش الكل يتأثر بنفس الطريقة، ولكن هذا التأثير موجود ولي علاقة مباشرة ومدروسة على عصبية الأولاد والمراهقين.
spk_1
في هذا السن لغاية سن ستة عشر طب ليه سن الستة عشر لأنه بعد كده بيبقى في نضوج للشخصية بقدر يسمح للإنسان حتى لو كان سنه سبعة عشر ثمانية عشر يسمح له إنه هو يفكر ويخطط حياته بطريقة سليمة. العامل الآخر إن في سن صغيرة السوشيال ميديا فيها مشاكل كثيرة جدا.
spk_1
فيها ناس بتستخدم أسماء وشخصيات وهمية فيها ناس بتبتز ناس فيها ناس بتهاجم ناس وللأسف بنشوف من وقت للثاني إن بعض الأطفال والمراهقين في سن صغيرة بيتأثروا وبيجي لهم أمراض نفسية، والبعض يعني للأسف وأقول للأسف قد يقدم على الانتحار.
spk_1
كل الحاجات دي لازم تؤخذ في الاعتبار أن الأولاد في سن صغيرة ما عندهمش النمو الكافي والنضوج الكافي، ولما بيستخدموا السوشيال ميديا غير مراقبين من الأهل في الوقت ده ممكن يتعرضوا لهذا الابتزاز وممكن يصابوا بأمراض نفسية صعبة جدا قد تؤدي إلى عواقب وخيمة للغاية.
spk_0
ومن المتوقع أن يخلق الحظر واقعا جديدا يفرض على المراهقين اكتساب مهارات جديدة للتواصل بعيدا عن العالم الافتراضي. ويدعو اخصائي أول الامراض النفسية الدكتور سمير ابراهيم الاهالي الى وضع خطة للتعامل مع مرحلة جديدة على جيل بأكمله.
spk_0
جيل قضى معظم أيامه في عالم رقمي يختلط فيه الحقيقي بالخيالي. جيل وجد نفسه اليوم، وقد خرج من عالم بناه لنفسه بعيدا عن رقابة الأهل، ليتلمس ابتداء من اليوم طريقه على أرض الواقع،
spk_1
لو كل أسرة تأخذ في الاعتبار الخطوة الأولى تحسين العلاقة الأسرية.
spk_1
مع الأولاد عموما ومع المراهقين خصوصا.
spk_1
وتحسين العلاقة يأتي بواحد إعطاء الوقت المناسب.
spk_1
لما نقول الوقت المناسب إحنا بنقول على كم والنوع.
spk_1
الكم أولادنا محتاجين وقت منا.
spk_1
الأولاد ما بيتربوش بس بالفلوس طبعا محتاجين فلوس واحتياجات، ولكن الأولاد بيتربوا يمكن أكتر بالوقت ونقولوا عليه كده في الكتب يعني الوقت اللي هو نوعي وكويس الوقت الكويس ده الوقت اللي في قاعدة لطيفة هادية بنتكلم بنحكي بندردش.
spk_1
ومش لازم نتكلم في الجد طول الوقت وندي أوامر وندي تعليمات وندي تربية لا لا لا بالمرة ده في قبول أفكارهم ونتكلم عن حاجة مضحك ويشوفونا إزاي نقدر نفكر في أمر صعب ويشوفونا إزاي نبتسم ويشوفونا إزاي لو حد علا صوته ونبقى إحنا هديين ونقول له يعني من فضلك بلاش الصوت العالي.
spk_1
ويشوفونا إزاي بنتواصل مع الآخرين من الأسرة الممتدة أو الأصدقاء بيشوفونا إزاي لما بيبقى في موقف محرج أو يداي أو مخيف إزاي بنتصرف الأولاد محتاجين يشوفوا كل ده.
spk_1
الخطوة الثانية إن الأولاد اللي حيكونوا مدائيين محبطين إن قرار المنع ده حصل مهم إن احنا ما نقول لهم مثلا كلام مستفز زي أحسن مش قلت لك ما أنا دايما أقول لك مش عارف ايه لا لا لا بالمرة، إنما نحسسهم إن احنا بنشاركهم الفكرة آه أنت يمكن متضايق لكن تعال نفكر مع بعض.
spk_1
اللي ممكن يتعامل تعال نخرج تعال نكتب تعال ندردش مع بعض في حاجة نتفرج مع بعض على برنامج أو فيلم أو حاجة تكون هادفة آم يبقى في بينا يعني أنا بحب أو لما لا أسرة في بينها قاعدة حتى على لعبة زي بنك الحظ زي مش عارف إيه.
spk_1
آآآ ويقعدوا يتكلموا ويضحكوا وده مش عارف إيه أخذ إيه بيت إيه بنى بيت في المربع بتاعه ده بتاع الحاجات دي بتدي للأولاد فرصة جميلة جدا وشفت بعض أبناء الحقيقة يروحوا للآباء يقول له إمتى حنلعب اللعبة الفلانية لبي بواقت لطيف وفي الابتسامة وفي المرح ودي بتشبع الأولاد فكريا ومشاعريا.
spk_1
الأولاد مش بس محتاجين يبعوا من الأكل. طبعا ده مهم ولا محتاجين إن الأكل يبقى متوازن، طبعا ده مهم، لكن محتاجين يجبعوا من قاعدة الأهل القعدة اللطيفة الهادية كنت شفت زمان في إحدى مراكز الإدمان دي قصة من حوالي أربعين سنة يمكن كان كاتبين كده عريضة كبيرة في مركز الإدمان ده.
spk_1
وبيقولوا يعني أهم عشر أخطاء فكان الخطأ الأول آآ أول ما تدخل البيت ولا على التلفزيون يعني يعني ما عادش في تواصل بين أفراد الأسرة أصبح التلفزيون هو اللي بيتكلم مع كل أفراد الأسرة وده خطأ فادح ف-.
spk_1
القعدة مع الناس اللي جوا البيت الأولاد مع الأهالي من غير التلفزيون بيتيح إن إحنا نتكلم مع بعض نص البعض عين في عين يبقى في التواصل على الحلوة والمرة زي ما بيقولوا ويتعلموا مهارات التواصل مننا.
spk_1
طبعا لما الموضوع ده يبقى موجود ويبقى موجود بكثافة عالية. الأولاد تبتدي تفتح قلبها. بعض الأهالي أحيانا يقولوا لي آه الأولاد مش يتعاملوا معنا خالص وطول النهار على الشاشة وبيتعاملوا مع أصحابهم لهم عشان اصحابهم لا يشخوا فيهم ولا يديهم دروس متوالية ولا يقعدوا يقولوا لهم ده صح وده غلط.
spk_1
طبعا الأهالي بيعملوا كده من محبتهم الشديدة جدا للأولاد وعايزينهم يبقوا أحسن حاجة مضبوط.
spk_1
بس الحب لوحده لا يكفي الذكاء في التعامل مع الأولاد مهم جدا.
spk_1
إحنا مش بس نتكلم مع أولادنا، إحنا بنسمعهم ومش دائما نطلعهم غلط بالعكس.
spk_1
نسمع لهم ولما يقولوا رأيي حتى لو كان طفولي نقول له آه طبعا دي فكرة، لكن إيه رأيك لو نحسنها بكذا لو نطعمها بكذا ونساعده انه يفكر برا الصندوق زي ما بيقولوا كل ما سنعمل كده كل ما هندي فرصة إن الأولاد مداركها توسع وبالتالي
spk_1
الوقت الطويل اللي كانوا بيقضوه مع السوشيال ميديا حيبتدي يبقى أكتر مع الأسرة.
spk_1
بالذات مع بابا وماما يحسوا بالشبع الفكري والعاطفي ويتعلموا مهارات جديدة وينموا في اتجاه يمكن أفضل كثير جدا من الاتجاه اللي كانوا يتعلموه من السوشيال ميديا.
spk_0
كان هذا التقرير من أعداد وتقديم هناء ياسين لأ بي اس عربي.
