Coming Up Tue 6:00 PM  AEDT
Coming Up Live in 
Live
Armenian radio
THE ULURU STATEMENT FROM THE HEART IN YOUR LANGUAGE

Armenian: The Uluru Statement from the Heart

Uluru Statement from the Heart Source: Jimmy Widders Hunt

Մայիս 2017-ին, Ապորիճինի եւ Թորրես Նեղուցի Կղզեցի պատուիրակներ մասնակցեցան Բնիկ Ժողովուրդներու Ազգային Սահմանադրական Համագումարին, Ուլուրուի մօտակայքը, եւ Աւստրալիոյ ժողովուրդին ներկայացուցին Ուլուրուի Յայտարարութիւնը Սրտէն: Յայտարարութիւնը կոչ կ'ուղղէ Բնիկ Ժողովուրդներու Ձայնի մը Խորհրդարանին մէջ, ամրագրուած սահմանադրութեան մէջ, և համաձայնութիւն (Դաշինք) կազմելու և ճշմարտութիւնը խօսելու գործընթացի մը: Այս արդիւնք էր Աւստրալիոյ տարածքին Բնիկ համայնքներու հետ 13 խորհրդակցական Շրջանային Երկխօսութիւններու: Յայտարարութիւնը կը փորձէ յարաբերութիւն հաստատել Աւստրալիոյ Բնիկ Ժողովուրդներու և Աւստրալիայի ժողովուրդին միջեւ, հիմնուած ճշմարտութեան, արդարութեան եւ ինքնորոշման վրայ: Երաժշտութիւն՝ Ֆրանք Եամմայ: Լուսանկար՝ Ճիմմի Ուիտտըրս Հանդ:

Մենք, 2017 Ազգային Սահմանադրական Համագումարին հաւաքուածներս, գալով հարաւային երկնքի բոլոր կէտերէն, այս յայտարարութիւնը կ'ընենք՝ սրտանց: Մեր Ապորիճինի եւ Թորրես Նեղուցի Կղզեցի ցեղերը, Աւստրալիական ցամաքամասի եւ անոր յարակից կղզիներու առաջին ինքնիշխան Ազգերն էինք եւ անոր կը տիրապետէինք մեր սեփական օրէնքներուն եւ սովորութիւններուն համաձայն: Այդ ըրին մեր նախնիները, մեր մշակոյթի հաշուարկի համաձայն, Ստեղծագործութենէն իվեր, ընդհանուր օրէնքի համաձայն՝ «անյիշելի ժամանակներէ» եւ գիտութեան համաձայն՝ աւելի քան 60,000 տարի առաջ: Այս ինքնիշխանութիւնը հոգեւոր հասկացողութիւն մըն է. Նախնիներու կապը հողին, կամ «մայր բնութեան» եւ անկէ ծնած Ապորիճինի եւ Թորրես Նեղուցի Կղզեցի ժողովուրդներուն միջեւ, կապուած կը մնայ ատոր, եւ օր մը պէտք է վերադառնայ այնտեղ՝ միանալու մեր նախնիներուն: Այս օղակը, հողի, պատկանելիութեան հիմն է, կամ աւելի ճեշդ՝ ինքնիշխանութեան: Այն երբեք չէ յանձնուած կամ շիջած, եւ կը գոյակցի Գահի ինքնիշխանութեան հետ: Ինչպէ՞ս կարելի է այլ կերպ ըլլալ: Ժողովուրդներ որոնք  վաթսուն հազարամեակ կը տիրապետէին հողի մը եւ այս սուրբ օղակը անհետանա՞յ աշխարհի պատմութենէն ընդհամէնը երկու հարիւր տարուայ ընթացքին: Սահմանադրական էական փոփոխութեամբ եւ կառուցուածքային բարեփոխումներով, կը հաւատանք որ այս հնագոյն ինքնիշխանութիւնը կրնայ փայլիլ որպէս Աւստրալիոյ ազգային պատկանելիութեան լիարժէք արտայայտութիւն: Համապատասխանաբար մենք, մոլորակին մէջ ամենաազատազրկուած ժողովուրդն ենք: Մենք բնածին ոճրագործ ժողովուրդ չենք: Մեր երեխաները աննախընթաց չափով կ'օտարացուին իրենց ընտանիքներէն: Այդ չի կրնար ըլլալ որովհետեւ մենք սէր չունինք անոնց հանդէպ: Եւ մեր երիտասարդութիւնը անպարկեշտ թիւերով կը տանջուի կալանքի տակ: Անոնք պէտք է ըլլան մեր ապագայի յոյսը: Մեր ճգնաժամի այս չափերը, պարզօրէն կը յայտնեն մեր խնդրի կառուցուածքային բնոյթը: Այս է մեր անզօրութեան տանջանքը: Մենք կը ձգտինք սահմանադրական բարեփոխումներու՝ մեր ժողովուրդին հզօրացնելու համար, եւ մեր երկրին մէջ արժանի տեղ գրաւելու համար: Երբ մենք իշխանութիւն ունենանք մեր ճակատագրին վրայ, մեր երեխաները պիտի ծաղկին: Անոնք պիտի քալեն երկու աշխարհներու մէջ, եւ անոնց մշակոյթը նուէր մը պիտի ըլլայ իրենց երկրին: Մենք կոչ կ'ընենք Սահմանադրութեան մէջ Բնիկներու Ձայնի մը ամրագրման: Մաքարրաթան (Makarrata) մեր օրակարգի գագաթնակէտն է. պայքարէ մը ետք միասին գալ: Այդ կը գրաւէ Աւստրալիոյ ժողովուրդին հետ արդար եւ ճշմարիտ յարաբերութիւններու, եւ մեր երեխաներուն համար աւելի լաւ ապագայի մը մեր ձգտումները՝  հիմնուած արդարութեան եւ ինքնորոշման վրայ: Մենք կ'ակնկալենք որ Մաքարրաթա Յանձնաժողովը վերահսկէ կառավարութիւններու եւ Բնիկ Ժողովուրդներու միջեւ համաձայնութիւն կայացնելու, եւ մեր պատմութեան մասին ճշմարտութիւնը պատմելու գործընթացներուն: 1967-ին մենք համրուած էինք, 2017-ին մենք կը ձգտինք լսելի դառնալ: Մենք կը թողունք մեր նախնական ճամբարը եւ կը սկսինք մեր արշաւը այս հսկայական երկրի մէջէն: Կը հրաւիրենք ձեզ քալել մեզի հետ Աւստրալիացի ժողովուրդի շարժման մէջ, աւելի լաւ ապագայի մը համար:

 

Յաւելեալ տեղեկութեան համար խնդրեմ այցելել Ուլուրուի Յայտարարութիւն Սրտէն  պաշտօնական կայքը  http://www.ulurustatement.orgկամ կապ հաստատել Բնիկներու Օրէնքի Կեդրոնին հետ  - Indigenous Law Centre, UNSW  ilc@unsw.edu.au

Աւելին իմացիր Բնիկ Ժողովուրդներու խորհրդակցական գործընթացի մասին որ առաջնորդեց Ուլուրուի Սրտէն Յայտարարութեան:

Փոտքասթներու այս հաւաքածոնկը ներառէ աւելի քան 20 Ապորիճին լեզուներ ( Հիւսիսային Հողամասի և Հիւսիս Արեւմտեան Աւստրալիոյ համայնքներէն), որոնք պիտի շարունակեն աճիլ մինչ Բնիկ Ժողովուրդներու աւելի շատ լեզուներ կը թարգմանուին: Հաւաքածոն կը ներառէ նաեւ աւելի քան 60 լեզուներ Աւստրալիոյ Մշակութային և Լեզուական Տարբեր համայնքներէն: 

Coming up next

# TITLE RELEASED TIME MORE
Armenian: The Uluru Statement from the Heart 04/11/2020 04:23 ...
Alyawarr: The Uluru Statement from the Heart 04/07/2021 10:05 ...
Anindilyakwa: The Uluru Statement from the Heart 04/07/2021 12:41 ...
Anmatyerr: The Uluru Statement from the Heart 04/07/2021 10:05 ...
Burarra: The Uluru Statement from the Heart 04/07/2021 10:53 ...
Eastern/Central Arrernte: The Uluru Statement from the Heart 04/07/2021 10:03 ...
East Side Kriol: The Uluru Statement from the Heart 04/07/2021 07:35 ...
Kimberley Kriol: The Uluru Statement from the Heart 04/07/2021 09:29 ...
Kunwinjku: The Uluru Statement from the Heart 04/07/2021 08:47 ...
Martu: The Uluru Statement from the Heart 04/07/2021 08:53 ...
View More