Երեքշաբթի օր, Աւստրալիոյ մէջ կային նուազագոյնը 52 ՔՈՎԻՏ-19 մահեր, ներառեալ 20 Վիքթորիայի մէջ, 19 Նիու Սաութ Ուելսի մէջ (NSW) և 11 Քուինզլանտի մէջ (QLD): Արեւմտեան Աւստրալիա տեղեկացուց 4 պատմական մահերու մասին:
Բաղդատած նախորդ օրուան, Աւստրալիոյ տարածքին օրական COVID-19 նոր վարակումներու թիւը և հիւանդանոց մնացողներու թիւերը աւելցած են:
Australian Capital Territory տեղեկացուց որ 93 անձեր հիւանդանոց կը գտնուին ՔՈՎԻՏ-19ով, հողամասի ամենաբարձր թիւը Ապրիլ 4-էն:
Աւստրալիոյ մէջ ՔՈՎԻՏ-19 նոր դէպքերու, հիւանդանոց մնացողներու և մահերու վերջին տուեալներու մասին սեղմեցէք այստեղ:
Հեղինակաւոր համաճարակաբաններ կը գուշակեն որ ՔՈՎԻՏ-19-ի նոր ալիք մը պիտի սկսի Յունիսի սկզբնաւորութեան: AFR-ին մէջ վարակաբաններ կը տեղեկացնեն որ Omicron-ի BA.2 տարբերակի պատճառած վարակումները կայուն են երկրին մէջ սակայն երկու նոր տարբերակները BA.4 և BA.5 պատճառ պիտի դառնան վարակումներու նոր ալիքի մը:
Վիքթորիա տեղեկացուց որ ձրի տենդախառն հարբուխի պատուաստումներ պիտի տրամադրէ բնակիչներուն որովհետեւ անցեալ շաբաթ վարկուածներու թիւը 30 առ հարիւր աճ արձանագրած էր: Ձրի պատուաստները կարելի է ստանալ 3000 բժիշկներէ և համայնքային դեղարաններէ Յունիս 1-էն մինչեւ 30:
NSW, SA և QLD արդէն յայտարարեցին որ ձրի տենդախառն հարբուխի դեղ պիտի տրամադրեն իրենց բնակիչներուն:
Հարաւային Աւստրալիա (SA) յայտարարեց որ meningococcal հիւանդութեան մէկ դէպք կայ և 13 տարեկան տղայ մը տեղափոխուած է հիւանդանոց: Ութը անձերը որոնց հետ ան մօտիկ շփում ունեցած էր պիտի ստանան հակամարմիններ:
Մանրէական այս հիւանդութիւնը կրնայ մահացու ըլլալ: Կրնայ ուղեղի, ողնայարի լարի և արեան վարակումներու պատճառ դառնալ:
Ճաբոն թոյլ պիտի տայ որ 98 երկիրներէ զբոսաշրջիկներ Յունիս 10-էն կարենան մուտք գործել երկիր համաճարակի պատճառով երկու տարի փակ մնալէ ետք: Սակայն, այցելուներ կրնան միայն այցելել Ճաբոն եթէ ճամբորդական խումբի մը մաս կը կազմեն:
Կարդացէք ձեր լեզուով ՔՈՎԻՏ-19 պատուաստներու վերաբերեալ
Գտէք ՔՈՎԻՏ-19 քննութեան բուժարան մը
Արձանագրեցէք ձեր RAT արդիւնքները այստեղ, եթէ դրական էք
