Երեքշաբթի օր, Աւստրալիա տեղեկացուց որ նուազագոյնը 29 ՔՈՎԻՏ-19 մահեր կային, ներառեալ 12 Վիքթորիայի, 8 Նիու Սաութ Ուելսի և 5 Հարաւային Աւստրալիոյ մէջ: Արեւմտեան Աւստրալիա տեղեկացուց 2 պատմական մահերու մասին:
Բաղդատած նախորդ օրուայ, Աւստրալիոյ տարածքին նահանգներու մեծամասնութեան մէջ, օրական նոր ՔՈՎԻՏ-19 դէպքերու և հիւանդանոց մնացողներու թիւին յաւելում կար:
Երեքշաբթի օր Վիքթորիա տեղեկացուց իր օրական ամենաբարձր դէպքերու մասին, Երկուշաբթի 7,557 դէպքերէն այսօր 9,181 դէպքեր: Քուինզլանտ տեղեկացուց որ վարակուածներու թիւը 2,548-էն աւելցած է 4,288-ի:
Աւստրալիոյ մէջ ՔՈՎԻՏ-19 նոր դէպքերու, հիւանդանոց մնացողներու և մահերու վերջին տուեալներու մասին սեղմեցէք այստեղ:
Գլխաւոր Բժշկական Պաշտօնեայի տեղակալ Տոքթ. Սոնիա Պենեթ քաջալերեց բոլոր աւստրալիացիները որ պատուաստուին տենդախառն հարբուխի դէմ: Աւստրալիական կառավարութիւնը, Ազգային Պատուաստումի Ծրագրի միջոցով National Immunisation Program (NIP), ձրի եղանակային հարբուխի դէմ պատուաստ կը տրամադրէ մարդոց որոնք աւելի շատ վտանգի տակ կը գտնուին: Ինչպէս՝ Բնիկներու խումբեր, երեխաներ, յղի կանայք և 65 տարեկանէ վեր որեւէ անձ:
Երկուշաբթի 7 Յունիսէն սկսեալ, Աւստրալիական Մայրաքաղաքային Հողամասին մէջ (Australian Capital Territory) հարբուխի պատուաստը ձրի է զեղջի քարտ ունեցողներուն համար Access and Sensory Vaccination Clinic բուժարանին մէջ: Զեղջի քարտ ունեցողներ և իրենց զաւակները պատուաստումի համար կրնան ժամադրութիւն առնել Weston-ի մէջ Access and Sensory Vaccination Clinic բուժարարնէն հեռաձայնելով 02 5124 3999 առտու ժամը 8էն մինչեւ կ.ե. ժամը 5, Երկուշաբթիէն մինչեւ Ուրբաթ:
8 Յունիս 2022-էն, 5 տարեկանէ վեր Քանպերայի բնակիչներ պիտի կարենան իրենց տենդախառն հարբուխի պատուաստը ստանալ դեղարաններէն: Ներկայիս դեղագործներ կրնան միայն պատուաստել 10 տարեկանէ վեր երեխաներ:
Այս ամիս Յունիսին, 6 ամսականէ վեր Նիու Սաութ Ուելսի, Վիքթորիայի, Քուինզլանտի, Արեւմտեան Աւստրալիոյ Հարաւային Աւստրալիոյ և Թազմանիայի բոլոր բնակիչները կրնան ձրի տենդախառն հարբուխի պատուաստ ստանալ:
Գտէք ՔՈՎԻՏ-19 քննութեան բուժարան մը
Արձանագրեցէք ձեր RAT արդիւնքները այստեղ, եթէ դրական էք
