ՔՈՎԻՏ-19 թարմացում. Հիւանդանոց և վերակենդանացման բաժին մնացողներու թիւերը կրկին կը բարձրանան Նիու Սաութ Ուելսի մէջ

Այս, Աւստրալիոյ ՔՈՎԻՏ-19 լուրերու 14 Յունիս 2022-ի թարմացումն է:

A general view of Canterbury Hospital in Belmore, Sydney, Tuesday, August 17, 2021. NSW has reached a "disturbingly high" record of new local COVID-19 cases as the government extends support for tenants and landlords affected by lockdowns stretching past

A general view of Canterbury Hospital in Belmore, Sydney. (file) Source: AAP Image/Dan Himbrechts

Երեքշաբթի օր, Աւստրալիա տեղեկացուց նուազագոյնը 25 ՔՈՎԻՏ-19 մահերու մասին, 15 Վիքթորիայի, վեց Քուինզլանտի և երեք Նիու Սաութ Ուելսի մէջ: Նաեւ, Արեւմտեան Աւստրալիա տեղեկացուց վեց պատմական մահերու մասին:

ՔՈՎԻՏ-19-ով վարակուած մարդոց թիւը Նիու Սաութ Ուելսի հիւանդանոցներուն մէջ կրկին բարձրացաւ. 1,341 մարդիկ կային հիւանդանոցներու մէջ:

Նմանապէս, նահանգին մէջ վերակենդանացման բաժնին մէջ մնացողներու թիւը բարձրացաւ:

Աւստրալիական Մայրաքաղաքային Հողամասին մէջ (ACT) հիւանդանոց մնացողներու թիւը կրկին բարձրացաւ 93-ի, Երեքշաբթի օր: Համաճարակը սկսելէն իվեր այս ամենաբրձր թիւն է:

Աւստրալիոյ մէջ ՔՈՎԻՏ-19 նոր դէպքերու, հիւանդանոց մնացողներու և մահերու վերջին տուեալներու մասին սեղմեցէք այստեղ:

Աւստրալիական Դաշնային Ոստիկանութիւնը մեղադրանք ներկայացուց երկու մալէզիացիներու դէմ, կեղծիքով ՔՈՎԻՏ-19 Աղէտի Վճարումներ պահանջելու համար, իրենց ենթադրեալ դերին համար:

Աւստրալիական Դաշնային Ոստիկանութեան համաձայն՝ Արեւմտեան Սիտնիէն զոյգը մաս կը կազմէին խաբեբայական խմբակի մը, որոնք իրենց ծառայութիւնները կ'առաջարկէին ընկերային մամուլի վրայ մարդոց որոնք օգնութեան կարիք ունէին իրենց վճարումները ստանալու համար:

Որոշ մարդիկ, մինչեւ $1,000 վճարեցին և անձնական փաստաթուղթեր տրամադրեցին «գործակալներուն» դիւրացնելու համար իրենց դիմումները: Աւստրալիական Դաշնային Ոստիկանութեան հետազօտութիւնը կը հետեւէր տեղեկութիւններու որոնց համաձայն որոշ դիմողներու համար վաւերացուած վճարումները տեղափոխուած էին այլ դրամատուներու հաշիւներու մէջ առանց իրենց գիտութեան:

Հարաւային Աւստրալիա կը կատարէ փորձնական ծրագիր մը հասկնալու համար եթէ շուներ հոտոտալով կրնան ճանչնալ ՔՈՎԻՏ-19 դէպքերը:

Մարդոց առողջապահութեան Շաբաթը (Յունիս 13-19) սկսաւ Երկուշաբթի օր: Վիքթորիայի կառավարութիւնը յայտնեց որ մահացութեան տոկոսը աւելի բարձր է մարդոց մօտ քան կանանց, և մարդիկ բաղդատելով կանանց հետ, շատ աւելի քիչ կ'այցելեն իրենց բժիշկին, աւելի կարճ ժամանակ կը մնան բժիշկին մօտ և միայն կ'այցելեն երբ իրենց հիւանդութիւնը արդէն վերջնական հանգրուանին մէջ է: