Երեքշաբթի օր, Աւստրալիա տեղեկացուց նուազագոյնը 46 ՔՈՎԻՏ-19 մահերու մասին, ներառեալ 16 Victoria-ի մէջ, 14 New South Wales-ի (NSW) և 11 Queensland-ի մէջ:
ՔՈՎԻՏ-19-ով հիւանդանոց մնացողներու թիւը կը շարունակէ աճ արձանագրել Աւստրալիոյ նահանգներու և հողամասերու մէջ:
Tasmania նոր վարակումներու ամենաբարձր թիւը արձանագրեց: Երեքշաբթի օր, նահանգին մէջ կային 1,588 նոր ՔՈՎԻՏ-19 դէպքեր բաղդատած 1,094 վարակումներու Երկուշաբթի օր:
Queensland տեղեկացուց որ Երեքշաբթի օր, 710 մարդիկ կային ՔՈՎԻՏ-19-ով հիւանդանոցին մէջ բաղդատած 598-ի երկուշաբթի օր: Այս նաեւ, անցած չորս ամիսներու, Նահանգի հիւանդանոց մնացողներու ամենաբարձր թիւն է:
Աւստրալիոյ մէջ ՔՈՎԻՏ-19 նոր դէպքերու, հիւանդանոց մնացողներու և մահերու վերջին տուեալներու մասին սեղմեցէք այստեղ:
Ան ընդունեց որ պատուաստները չեն կեցնէր փոխանցումները, սակայն խթանումի սրսկումներ կրնան պաշտպանել լուրջ հիւանդութիւններու դէմ:
“Եթէ ստացած էք երկու պատուաստները և չեք ստացած երրորդը, յիմարութիւն է," ըսաւ ան:
Պարոն Hazzard բնակիչներուն խորհուրդ տուաւ որ պարզ միջոցներ ձեռք առնեն ինչպէս յաճախ ձեռքերը լուալ, երեսի դիմակ կրել հանրային վայրերուն մէջ և տունը մնալ եթէ լաւ չեն զգար:
Ան յայտնեց որ այս տարի ՔՈՎԻՏ-ի հետ կապ ունեցող մահերու 56 առ հարիւրը (1,232 ) պատահեցաւ մարդոց, որոնք երկու կամ աւելի քիչ սրսկումներ ստացած էին: Ան յայտնեց որ նահանգը Օմիքրոնի երրորդ ալիքին առջեւ կը գտնուի, որ հնարաւոր է գագաթնակէտին հասնի Յուլիսի վերջաւորութեան կամ Օգոստոսի սկիզբը:
Աւստրալիոյ գլխաւոր պատուաստի խորհրդատուական խումբը այսօր կը հանդիպի մինչ կոչերը կը շատնան որ չորրորդ պատուաստը տրուի առողջապահութեան աշխատողներուն և ուրիշներուն:
Victoria-ի նահանգապետ Dan Andrews յայտնեց որ դիւրին պիտի չ'ըլլայ ATAGI-ի համար որ առաջարկէ չորրորդ պատուաստը երբ աւստրալիացիներ կրնան Օմիքրոնի յատուկ պատուաստ մը ստանալ յառաջիկայ ամիսներուն:
Պարոն Andrews յայտնեց որ ներկայ ճնշումը նահանգի առողջապահութեան դրութեան վրայ շատ սուր է: Ան կոչ ուղղեց որ չորրորդ պատուաստը տրուի առողջապահութեան աշխատողներուն:
Որոշ նահանգներ և հողամասեր կը քննեն եթէ կրկին պիտի պարտադրեն դիմակ կրելը մինչ կը շատնան հիւանդանոց մնացողներու, վարակուածներու և մահերու թիւերը:
South Australia և NSW կոչ ուղղեցին որ դաշնային կառավարութիւնը մեղմացնէ ՔՈՎԻՏ-19 դեղերու մատչելիութեան օրէնքները:
Ներկայիս, ժահրի դէմ խնամք կրնան ստանալ տարեցներ, Ապօրիճին և Թորրես Նեղուցի Կղզեցիներ որոնք 50 տարեկանէ վեր են կամ այլ հիւանդութիւններ ունին կամ 18 տարեկան և աւելի վեր անձեր որոնց վարակամերժ դրութիւնը տկարացած է:
Գտէք ՔՈՎԻՏ-19 քննութեան բուժարան մը
ACT New South Wales Northern Territory Queensland
South Australia Tasmania Victoria Western Australia
Արձանագրեցէք ձեր RAT արդիւնքները այստեղ, եթէ դրական էք
ACT New South Wales Northern Territory Queensland
South Australia Tasmania Victoria Western Australia
Նայեցէք թէ ինչ՞ կրնաք կամ չէք կրնար ընել Աւստրալիոյ մէջ
Եթէ ֆինանսական կարիք ունիք, նայեցէք թէ ինչ՞ են ձեր հնարաւորութիւնները
Այստեղ գտէք օգնութիւն հասկնալու ՔՈՎԻՏ-19 ասացուածքներ ձեր լեզուով
Կարդացէք ՔՈՎԻՏ-19 տեղեկութիւն ձեր լեզուով այստեղ SBS Coronavirus portal.
