Այս, Աւստրալիոյ «քորոնա» ժահրի լուրերու 19 Հոկտեմբեր 2021-ի թարմացումն է:
- Վիքթորիա $21 միլիոն տոլար ծրարի մը մասին յայտարարութիւն կատարեց խթանելու համար պատուաստումները
- Շրջանային Նիու Սաութ Ուելսի մէջ աւելցող դէպքերը մտահոգութեան առարկայ
- Աւստրալիական Մայրաքաղաքային Հողամասը յայտնեց որ պիտի մեղմանան սահմանափակումները
Վիքթորիա
Վիքթորիա արձանագրեց 1,749 նոր տեղական COVID-19 փոխանցումներ և 11 մահեր:
Նահանգին մէջ 16 տարեկանէ վեր բնակչութեան 89.4 առ հարիւրը ստացած են պատուաստումի առաջին դեղաչափը և 67.2 առ հարիւրը զոյգ պատուաստումները:
Նահանգապետ Տանիել Անտրիուզ տեղեկացուց $21 միլիոն տոլար ծրարի մը մասին խթանելու համար պատուաստումները, ներառեալ շարժուն պատուաստումի բուժարաններ երբ կարիքը ըլլայ համայնքին մէջ:
Վիքթորիայի կառավարութիւնը հաստատեց որ մարդիկ աւելի կարճ ժամանակով մեկուսացումի պիտի ենթարկուին երբ նահանգը հասնի զոյգ պատուաստումներու 70 առ հարիւրին:
Նիու Սաութ Ուելս
Նիու Սաութ Ուելս արձանագրեց 273 նոր տեղական փոխանցումներ և չորս մահեր:
12-15 տարեկան երեխաներու մոտ 75 առ հարիւրը ստացած են իրենց ՔՈՎԻՏ-19 պատուաստի առաջին դեղաչափը, մինչ 35.5 առ հարիւրը լրիւ պատուաստուած են:
Նահանգը նաեւ գերազանցեց 16 տարեկանէն վեր բնակչութեան պատուաստումի 80 առ հարիւր տոկոսի իր թիրախը:
Գլխաւոր Բժշկական Պաշտօնեայ Բժիշկ Քերրի Չանթ մտահոգութիւն յայտնեց շրջաններու մէջ վարակումի դէպքերու աւելնալով և խորհուրդ տուաւ շրջանի բնակչութեան որ պատուաստուին:
Աւստրալիական Մայրաքաղաքային Հողամաս
Աւստրալիական Մայրաքաղաքային Հողամասը արձանագրեց 24 նոր դէպքեր, որոնցմէ 21-ը կաւպ ունին ներկայ բռնկումին հետ:
Հողամասը յայտարարեց որ պիտի մեղմանան ՔՈՎԻՏ-19 սահմանափակումները որովհետեւ 12 և աւելի վեր բնակչութեան 80 առ հարիւրը լրիւ պատուաստուած են:
Բոլոր մանրածախ առեւտուրի վայրերը, հիմնական կամ ոչ, պիտի կարենան բանալ Հինգշաբթի 21 Հոկտեմբեր ժամը 11:59-էն սկսեալ:
Անցած 24 ժամերը Աւստրալիոյ տարածքին
- Քուինզլանտ, ներքին թէ միջազգային ճամբորդութեան ծրագիրները բացայայտեց երբ նահանգի բնակչութեան 70%, 80% և ապա 90% լրիւ պատուաստուի:
Քառանթին, ճամբորդութիւն, քննութեան բուժարաններ և համաճարակի աղէտի վճարում
Քառանթինի և քննութեան պահանջները կը ղեկավարուին և կը պարտադրուին նահանգային և հողամասի կառավարութիւններուն կողմէ:
Եթէ կը փափաքիք արտասահման ճամբորդել կրնաք առցանց դիմել բացառիկ արտօնութեան համար: Այստեղ սեղմեցէք Աւստրալիայէն հեռանալու պայմաններու մասին յաւելեալ տեղեկութիւններու համար: Ժամանակաւոր միջոցներ կան միջազգային թռիչքներու վերաբերեալ, որոնք կանոնաւոր կերպով վերատեսութեան կ'ենթարկուին կառավարութեան կողմէ և կը թարմացուին Smart Traveller կայքին վրայ:
- Լուրեր և տեղեկութիւններ 60-է աւելի լեզուներով. sbs.com.au/coronavirus
- Յարմար ուղեցոյցեր ձեր նահանգի կամ հողամասի համար. NSW, Victoria, Queensland, Western Australia, South Australia, Northern Territory, ACT, Tasmania.
- Տեղեկութիւն ՔՈՎԻՏ-19 պատուաստի մասին ձեր լեզուով:
Այցելեցէք NSW-ի Բազմամշակութային Առողջապահութեան Ծառայութեան թարգմանուած.
Քննութեան բուժարաններ իւրաքանչիւր նահանգի և հողամասի մէջ
Համաճարակի աղէտի վճարումի տեղեկութիւն իւրաքանչիւր նահանգի և հողամասի համար:
