- Վիքթորիայի սահմանափակումները երկարաձգուեցան մինչեւ Երեքշաբթի, 27 Յուլիս:
- Նիու Սաութ Ուելս արձանագրեց իր հինգերորդ մահը ՔՈՎԻՏ-19 Տելթա բռնկումէն:
- 5րդ աստիճանի սահմանափակումներ յայտարարուեցան Հարաւային Աւստրալիոյ մէջ այս գիշեր ժամը 6-էն սկսեալ:
- 10.1 միլիոնէ աւելի աւստրալիացիներ ստացան պատուաստի առաջին դեղաչափը, մինչ 2.8 միլիոն լրիւ պատուաստուած են:
Վիքթորիա
Նահանգապետ Տանիէլ Անտրիուզ յայտարարեց որ ներկայ արգելաբակումները պիտի երկարաձգուին մինչեւ Երեքշաբթի 27 Յուլիս, երեկոյան ժամը 11:59:
Վիքթորիա արձանագրեց 13 նոր տեղական ՔՈՎԻՏ-19-ի դէպքեր, ներառեալ մէկ խորհրդաւոր դէպք մը: Այս դէպքերէն ինը մեկուսացումի մէջ էին իրենց վարակիչ եղած շրջանին: Վիքթորիայի մէջ վարակուածներու ընդհանուր թիւը 96 է:
Դէպի Վիքթորիա ճամբորդութիւնը, օգտագործելով կարմիր շրջանի թոյլտուութիւնը, ժամանակաւորապէս պիտի դադրի: Ձեռներէցութիւններու յաւելեալ օգնութեան վերաբերեալ յայտարարութիւն մը կը նախատեսուի որ տեղի ունենայ վաղը:
Այժմ կան 15,800 մոտիկ շփումներ և 300-է աւելի շփումի վայրեր, ներառեալ վայրեր Ֆիլիբ Այլընտի մէջ, նահանգի հարաւային մասին մէջ, մինչեւ Միլտուրա հիւսիս-արեւմտեան շրջանին մէջ: Այստեղ գտէք, դէպքերու վայրերը ցանկի մը վրայ կամ քարտէսի մը մէջ:
Նիու Սաութ Ուելս
Նիու Սաութ Ուելս արձանագրեց 78 նոր տեղական ձեռք բերուած դէպքեր, այս դէպքերէն 21ը համայնքին մէջ: 50-ական տարեկան կին մը մահացաւ հարաւ-արեւմտեան Սիտնիի մէջ: Անոր մահը 61-րդն է Նիու Սաութ Ուելսի մէջ կապուած ՔՈՎԻՏ-19-ի հետ և հինգերորդը ներկայ բռնկումի ժամանակ:
Service NSW, ՔՈՎԻՏ արգելափակումի դրամաշնորհներու դիմումները սկսաւ փոքր և միջին ձեռներէցութիւններուն համար: Դիմումները պիտի փակուին 13 Սեպտեմբեր 2021 երեկոյան ժամը 11:59-ին: Յաւելեալ տեղեկութեան համար այցելել՝ 2021 COVID-19 business grant – Guidelines:
Այստեղ գտնէք, դէպքերու վայրերը ցանկի մը կամ քարտէսի մը վրայ: Ներկայ արգելափակումները պիտի երկարաձգուին մինչեւ Ուրբաթ Յուլիս 30 երեկոյան ժամը 11:59:
Անցած 24 ժամերը Աւստրալիոյ տարածքին
- Հարաւային Աւստրալիա արձանագրեց հինգ նոր ՔՈՎԻՏ-19 դէպքեր համայնքին մէջ: Նահանգապետ Սթիվըն Մարշալ յայտարարեց 5րդ աստիճանի սահմանափակումներու մասին այս գիշեր ժամը 6-էն մինչեւ նուազագոյնը Երեքշաբթի 27 Յուլիս: Ներկայիս կան 16 շփումի վայրեր: Այստեղ գտէք, դէպքերու վայրերը ցանկի մը վրայ:
- Քուինզլանտ արձանագրեց քորոնաժահրի մէկ նոր տեղական փոխանցումի դէպք:
- Արեւմտեան Աւստրալիոյ Ֆրիմանթըլ նաւահանգիստին մէջ խարիսխ նետած բեռնատար նաւուն ախտանշաններ ունեցող 8 անձնակազմը ՔՈՎԻՏ-19-ի դրական արդիւնք տուին:
ՔՈՎԻՏ-19 Աղէտի Վճարումը կրկնուող շաբաթական վճարում մըն է որ կը տրուի անհատներու, որոնք կ'ապրին Հասարակապետութեան կողմէ յայտարարուած թէժ կէտերու մէջ, ուր եօթը օրէ աւելի սահմանափակումները պատճառ կը դառնան աշխատանքի նուազած ժամերու և եկամուտի կորուստի: Տեղեկութիւն առկայ է 60-է աւելի լեզուներով մինչ բազմալեզու հեռաձայնի ծառայութիւն առկայ է 131202 համարով:
ՔՈՎԻՏ-19 ԱՌԱՍՊԵԼ.
ՔՈՎԻՏ-19 պատուաստը ապահով չէ որովհետեւ արագ կերպով ստեղծուեցաւ:
ՔՈՎԻՏ-19 ՓԱՍՏ.
Իրաքանչիւր ՔՈՎԻՏ-19 պատուաստ, թոյլատրուելէ առաջ որ սրսկուի, պէտք է համապատասխանէ Աւստրալիոյ Բուժական Ապրանքներու Վարչութեան ապահովութեան, որակի և արդիւնաւէտութեան խիստ պահանջներուն: Աւստրալիոյ Բուժական Ապրանքներու Վարչութիւնը պիտի շարունակէ մոտիկէն հսկել պատուաստները, արագօրէն յայտնաբերելու և պատասխանելու առաջ եկող ապահովութեան հարցերու թէ Աւստրալիոյ և թէ արտասահմանի մէջ: Թողարկելէ առաջ, Աւստրալիոյ Բուժական Ապրանքներու Վարչութիւնը կը հսկէ նաեւ իւրաքանչիւր պատուաստի խմբաքանակի վրայ, որ Աւստրալիա կը փոխադրուի:
Միացեալ Նահանգներու մէջ, հանրային առողջապահութեան տուեալներու ուսումնասիրութիւնը ցոյց տուաւ որ երկրին մէջ գրեթէ բոլոր ՔՈՎԻՏ-19 մահերը մարդիկ էին որոնք պատուաստուած չէին:
Յունիսին, տեղեկագիր մը թողարկուած Public Health England-ի կողմէ ցոյց տուաւ որ Փետրուար ամիսէն հիւանդանոց ընդունուած Տելթա տարբերակի 223 դէպքերէն 103-ը պատուաստուած չէին կամ միայն պատուաստի մէկ դեղաչափ ստացած էին:
Քառանթին, ճամբորդութիւն, քննութեան բուժարաններ և համաճարակի աղէտի վճարում
Քառանթինի և քննութեան պահանջները կը ղեկավարուին և կը պարտադրուին նահանգային և հողամասի կառավարութիւններուն կողմէ:
Եթէ կը փափաքիք արտասահման ճամբորդել կրնաք առցանց դիմել բացառիկ արտօնութեան համար: Այստեղ սեղմեցէք Աւստրալիայէն հեռանալու պայմաններու մասին յաւելեալ տեղեկութիւններու համար: Ժամանակաւոր միջոցներ կան միջազգային թռիչքներու վերաբերեալ, որոնք կանոնաւոր կերպով վերատեսութեան կ'ենթարկուին կառավարութեան կողմէ և կը թարմացուին Smart Traveller կայքին վրայ:
- Լուրեր և տեղեկութիւններ 60-է աւելի լեզուներով. sbs.com.au/coronavirus
- Յարմար ուղեցոյցեր ձեր նահանգի կամ հողամասի համար. NSW, Victoria, Queensland, Western Australia, South Australia, Northern Territory, ACT, Tasmania.
- Տեղեկութիւն ՔՈՎԻՏ-19 պատուաստի մասին ձեր լեզուով:
Այցելեցէք NSW-ի Բազմամշակութային Առողջապահութեան Ծառայութեան թարգմանուած.
Քննութեան բուժարաններ իւրաքանչիւր նահանգի և հողամասի մէջ
Համաճարակի աղէտի վճարումի տեղեկութիւն իւրաքանչիւր նահանգի և հողամասի համար:
