- Վիքթորիա երկարաձգեց 5 օրուայ արգելափակումը
- Նիու Սութ Ուելս այսօր 98 տեղական դէպքեր արձանագրեց, 20 վարակումներով համայնքին մէջ
- Service NSW սկսաւ ՔՈՎԻՏ արգելափակումի դրամաշնորհներու դիմումները փոքր և միջին ձեռներէցութիւններուն համար
- Մէկ միլիոն Pfizer դեղաչափեր Աւստրալիա ժամանեցին խթանելու ՔՈՎԻՏ պատուաստումները
Վիքթորիա
Վիքթորիայի արգելափակումը վերջ պիտի չգտնէ Երեքշաբթի գիշեր ինչպէս որ կը ծրագրուէր: Նահանգապետ Տանիէլ Անտրիուս տակաւին պիտի որոշէ արգելափակումը վերացնելու օրէնքները և ժամանակաշրջանը:
Վիքթորիա արձանագրեց 13 տեղական քորոնաժահրի դէպքեր և մէկ արտասահմանէն վարակումի դէպք: Վիքթորիայի մէջ վարակումներու ընդհանուր թիւը 81 է:
Ներկայիս 15,800 առաջնային մոտիկ շփումներ կան քառանթինի կամ մեկուսացումի մէջ և 250-է աւելի շփումի վայրեր: Այստեղ գտէք, դէպքերու վայրերը ցանկի մը վրայ կամ քարտէսի մը մէջ:
Նիու Սաութ Ուելս
Նիու Սաութ Ուելս արձանագրեց 98 նոր տեղական քորոնաժահրի դէպքեր, որոնց երկու երրորդը յայտնաբերուեցան Հարաւ-Արեւմտեան Սիտնիի մէջ: 61 դէպքեր կապուած էին ծանօթ խմբակներու հետ, 37 դէպքերու աղբիւրները տակաւին կ'ուսումնասիրուին: Նոր դէպքերու 20-ը համայնքին մէջ էին մէկ օրէ աւելի մինչ վարակիչ էին:
Սիտնիի մէջ, նոր պարտադրուած սահմանափակումները կը ներառեն բոլոր շինութեան աշխատանքներու արգելք և փակումը ոչ անհրաժեշտ առեւտուրի խանութներու. բացառութեամբ սուբըրմարքէթներու, դեղարաններու, դրամատուներու և խմիչքի խանութներու:
Service NSW, ՔՈՎԻՏ արգելափակումի դրամաշնորհներու դիմումները սկսաւ փոքր և միջին ձեռներէցութիւններուն համար: Ձեռներէցութիւններ որոնք նախապէս ՔՈՎԻՏ-19 փոքր ձեռներէցութեան նպաստներ ստացան, ներառեալ 2020 Փոքր Ձեռներէցութեան ՔՈՎԻՏ-19 Օգնութեան և Վերականգնումի նպաստները, կրնան դիմել: Դիմումները պիտի փակուին 13 Սեպտեմբեր 2021 երեկոյան ժամը 11:59-ին: Յաւելեալ տեղեկութեան համար այցելել՝ 2021 COVID-19 business grant – Guidelines.
Ներկայ արգելափակումները պիտի երկարաձգուին մինչեւ Ուրբաթ Յուլիս 30 երեկոյան ժամը 11:59:
Անցած 24 ժամերը Աւստրալիոյ տարածքին
- Քուինզլանտ որեւէ համայնքային փոխանցում չ'արձանագրեց:
- Բեռնատար նաւ մը, ՔՈՎԻՏ-19 ախտանշաններով եօթը անձնակազմով, Ֆրիմէնթըլի նաւահանգիստ կանգ առաւ:
- 800,000-է աւելի Pfizer պատուաստանիւթեր հասան Սիտնի և գրեթէ 100,000 Մելպըրն:
ՔՈՎԻՏ-19 Առասպել
Առողջ երիտասարդներ չեն ազդուիր ՔՈՎԻՏ-19-էն: Միայն կը վնասէ տարեց կամ հիւանդ մարդոց:
ՔՈՎԻՏ-19 Փաստ.
Ժահրը աւելի շատ ազդեցութիւն կը գործէ տարեց մարդոց և անոնց վրայ որոնք նախապէս հիւանդութիւն ունին սակայն վնաս կը հասցնէ և կը սպաննէ նաեւ առողջ երիտասարդ անձեր եւս:
Քառանթին, ճամբորդութիւն, քննութեան բուժարաններ և համաճարակի աղէտի վճարում
Քառանթինի և քննութեան պահանջները կը ղեկավարուին և կը պարտադրուին նահանգային և հողամասի կառավարութիւններուն կողմէ:
Եթէ կը փափաքիք արտասահման ճամբորդել կրնաք առցանց դիմել բացառիկ արտօնութեան համար: Այստեղ սեղմեցէք Աւստրալիայէն հեռանալու պայմաններու մասին յաւելեալ տեղեկութիւններու համար: Ժամանակաւոր միջոցներ կան միջազգային թռիչքներու վերաբերեալ, որոնք կանոնաւոր կերպով վերատեսութեան կ'ենթարկուին կառավարութեան կողմէ և կը թարմացուին Smart Traveller կայքին վրայ:
- Լուրեր և տեղեկութիւններ 60-է աւելի լեզուներով. sbs.com.au/coronavirus
- Յարմար ուղեցոյցեր ձեր նահանգի կամ հողամասի համար. NSW, Victoria, Queensland, Western Australia, South Australia, Northern Territory, ACT, Tasmania.
- Տեղեկութիւն ՔՈՎԻՏ-19 պատուաստի մասին ձեր լեզուով:
Այցելեցէք NSW-ի Բազմամշակութային Առողջապահութեան Ծառայութեան թարգմանուած.
Քննութեան բուժարաններ իւրաքանչիւր նահանգի և հողամասի մէջ
Համաճարակի աղէտի վճարումի տեղեկութիւն իւրաքանչիւր նահանգի և հողամասի համար:
