Սոյն վաւերագրական ֆիլմը ցոյց պիտի տրուի Հայկական Ֆիլմերու Փառատօնի ընթացքին Մելպըրնի և Սիտնիի մէջ: Պրիթանական Արքայական Նաւատորմի նախկին ծովային հետեւակ, ներկայիս ռազմական թղթակից, Էմիլ Գեսեն իր վաւերագրական ֆիլմով կը ներկայացնէ 2020 թուականի Արցախահայերու պայքարը Ազըրպէյճանական նախայարձակման դէմ: Ներկայիս ան կը գործէ Ուքրաինայի մէջ: Էմիլ Գեսեն ներկայ պիտի գտնուի Մելպըրնի և Սիտնիի Հայկական Ֆիլմերու Փառատօնին և ֆիլմի ցուցադրութենէն ետք պիտի պատասխանէ ներկաներու հարցումներուն:
Share





