Coming Up Tue 6:00 PM  AEST
Coming Up Live in 
Live
Armenian radio

Որոն՞ք են փաստերը քորոնա ժահրի կամ ՔՈՎԻՏ-19-ի վերաբերեալ

SBS ձեզի կը տրամադրէ վստահելի տեղեկութիւններ, հայերէնով, ՔՈՎԻՏ-19 համաճարակի մասին: Սոյն տեղեկութիւնները կարեւոր են համայնքին մէջ իւրաքանչիւր անձի համար:

Տունը մնայ Ապահով մնայ Կապի մէջ մնայ Կեանքեր փրկէ

SBS ՔՈՎԻՏ-19 նահանգէ նահանգ տեղեկութիւն, սեղմել այստեղ

Covid 19 social messaging Armenian
Covid 19 social messaging Armenian
SBS

Ֆինանսական դժուարութիւններ

Եթէ ֆինանսական դժուարութիւններ կը դիմագրաւէք այցելեցէք՝ www.moneysmart.gov.au կամ հեռաձայնեցէք National Debt Helpline  1800 007 007:

Jobseeker և Jobkeeper վճարումներ

JobKeeper վճարումները պիտի երկարաձգուին մինչեւ Մարտ 2021 և JobSeeker մինչեւ Դեկտեմբեր 2020: Յառաջիկայ ամիսներուն, կառավարութիւնը պիտի յայտարարէ JobSeeker-ի համար 2021 թուականի ծրագիրները:

Գումարները պիտի նուազին Սեպտեմբեր 2020-ի վերջաւորութենէն:

Jobseeker

-Այժմ` $1,115

-Սեպտեմբեր 2020-էն` $815

Նաեւ, Սեպտեմբերի վերջաւորութենէն, կրնաք վաստակիլ երկուշաբթը 300 տոլար, նախորդ 106 տոլարի փոխարէն, առաջ որ ազդեցութիւն ունենայ ձեր JobSeeker վճարումին վրայ:

Օգոստոս 4-էն որեւէ մէկը որ կը ստանայ անգործութեան վճարում պէտք է կապ հաստատէ գործի ծառայութիւններու հետ և ամսական 4 գործի փնտռտուք կատարէ, որպէսզի կարենայ վճարումները ընդունիլ:

Jobkeeper

Բաժնուած "երկու շերտերու", մէկը ամողջական-ժամով և  ուրիշ մը մասնակի-ժամանակով գործաւորներու համար:

Ամբողջական-ժամով գործաւորներու երկշաբաթեայ վճարումները-

-Այժմ՝ 1,500 տոլար

-Սեպտեմբեր 2020-էն՝ 1200 տոլար

-Յունուար 2021էն՝ 1,000 տոլար

Մասնակի ժամով գործաւորներու երկշաբաթեայ վճարումները -

-Այժմ՝ 1,500 տոլար

-Սեպտեմբեր 2020-էն՝ 750 տոլար

-Յունուար 2021-էն՝ 650 տոլար

 

COVIDSafe 3 steps Armenian
COVIDSafe 3 steps Armenian
SBS

Ինչպէս՞ ՔՈՎԻՏ-19ը կը տարածուի

ՔՈՎԻՏ-19-ը անձէ-անձ կը տարածուի հետեւեալ կերպով՝

  • Մոտիկ կապը անձի մը հետ մինչ անոնք վարակիչ են կամ անոնց ախտանշանները յայտնաբերուելէ 24 ժամ առաջ:
  • Մոտիկ կապ անձի մը հետ որ վարակուած է և որ կը հազայ կամ կը փռնգտայ:
  • Դպնալ իրերու կամ մակերեսներու (ինչպէս դուռի բռնակներ կամ սեղաններ) որոնց վրայ վարակուած անձ մը հազացած և կամ փռնգտացած է, ապա կը դպնաք ձեր բերանին կամ երեսին:

Աւստրալիական կառավարութիւնը բոլոր բնակիչներուն կը թելադրէ որ ներբերեն COVIDSafe app-ը: Աւելին կարդալ

Որոնք՞ են ՔՈՎԻՏ-19ի ախտանշանները

Դաշնային կառավարութեան կայքին համաձայն, քորոնա ժահրի ախտանշանները կը տարբերին թեթեւ հիւանդութենէ մինչեւ թոքատապ:

ՔՈՎԻՏ-19ի ախտանշանները նման են հարբուխի և տենդախառն հարբուխի ախտանշաններուն և կը ներառեն՝

  • Տենդ
  • Շնչառական ախտանշաններ
  • Հազ
  • Կոկորդի ցաւ
  • Շունչի կարճութիւն
  • Այլ ախտանշաններ կրնան ընդգրկել հոսող քիթ, գլխացաւ, մկանի կամ յօդի ցաւ, սրտխառնուք, փորքշուք, փսխուք, հոտառութեան կորուստ, համ առնելու փոխուած զգացում, ախորժակի կորուստ և հոգնութիւն:

Իշխանութիւններ մշակեցին ՔՈՎԻՏ-19 Ախտանշաններու Ստուգում որ կրնաք գործածել տունէն. https://www.healthdirect.gov.au/symptom-checker/tool/basic-details 

Ինչ՞ պէտք է ընեմ եթէ ախտանշաններ ունենամ

Եթէ ախտանշաններ ունենաք Աւստրալիա ժամանելէ ետք մինչեւ 14 օր կամ մինչեւ 14 օր այն ժամանակէն երբ կապ ունեցած էք մէկու մը հետ որ հաստատ վարակուած է ՔՈՎԻՏ-19-ով, պէտք է այցելէք ձեր բժիշկին անյետաձգելի քննարկումի համար:

Հեռաձայնեցէք ձեր բժիշկին ժամադրութեան մը համար կամ կապ հաստատեցէք ազգային Քորոնավայրըս Առողջութեան Տեղեկութեան թէժ գիծին հետ1800 020 080: Մի՛ այցելէք առողջութեան բուժարան մը կամ հիւանդանոց մը առանց նախապէս տեղեկացնելու անոնց որ ախտանշաններ ունիք:

Ժամանելէն առաջ, հեռաձայնեցէք առողջութեան բուժարան կամ հիւանդանոց և անոնց տեղեկացուցէք ձեր ճամբորդութեան պատմութիւնը կամ որ շփում ունեցած էք անձի մը հետ որ վարակուած է ՔՈՎԻՏ-19ով: Պէտք է մեկուսացած մնաք ձեր տան կամ պանդոկի մը մէջ կամ առողջապահութեան խնամքի տակ մնաք մինչեւ որ առողջապահութեան իշխանութիւններ հաստատեն որ ապահով է որ վերադառնաք ձեր սովորական գործերուն:

Եթէ կ'ուզէք մէկու մը հետ խօսիլ ձեր ախտանշաններու մասին, հեռաձայնեցէք Ազգային Քորոնավայրըս Թէժ Գիծը խորհուրդի համար: Գիծը կը գործէ օրական 24 ժամ, շաբաթական 7 օր 1800 020 080:

Աւստրալիական Կառավարութիւնը երկրի տարածքին կը տեղադրէ բժիշկներու շնչառական բուժարաններ, բժշկականօրէն գնահատելու համար մեղմէն մինչեւ չափաւոր ՔՈՎԻՏ-19 ախտանշանները (տենդ, հազ, շունչի կարճութիւն, ցաւոտ կոկորդ և/կամ հոգնածութիւն):

Այստեղ գտէք եթէ ընտանեկան բժիշկի շնչառական բուժարան մը կայ ձեր մոտ և ինչպէս կրնաք արձանագրուիլ ժամադրութեան մը համար:

Եթէ ձեր շրջանին մէջ տակաւին չկայ բուժարան մը, այցելեցէք ձեր նահանգի կամ հողամասի առողջութեան գերատեսչութեան կայքը յաւելեալ տեղեկութեան համար տենդի բուժարաններու և յաւելեալ ծառայութիւններու մասին:

Եթէ շնչառութեան դժուարութիւն ունիք կամ բժշկական արտակարգ իրավիճակի մէջ էք հեռաձայնեցէք 000:

Պէտք՞ է ստուգուիմ ՔՈՎԻՏ-19ի համար

Աւստրալիոյ Ազգային Դահլիճը համաձայնեցաւ ընդլայնել ստուգումի սկզբունքները Աւստրալիոյ տարածքին բոլոր անոնց համար որոնք ՔՈՎԻՏ-19-ի մեղմ ախտանշաններ ունին, շտապ յայտնաբերու համար դրական դէպքերը:

ժահրը ինչպէս՞ կը բուժուի

Յստակ բուժում չկայ քորոնավայրըսներու համար, սակայն ախտանշաններու մեծ մասը կարելի է բուժել օժանդակ բժշկական խնամքով: Մանրէասպան դեղեր ազդեցիկ չեն ժահրերուն դէմ:

Ով՞ աւելի վտանգի մէջ է լուրջ հիւանդութեամբ

Որոշ վարակուած անձեր նոյնիսկ չեն հիւանդանար, ուրիշներ թեթեւ ախտանշաններ ցոյց կուտան որոնցմէ դիւրութեամբ կը բուժուին և ուրիշներ շատ արագ կերպով ծանր կը հիւանդանան: Այլ քորոնավայրըսերէ նախապէս ստացած փորձառութեամբ, լուրջ վարակումի վտանգի տակ կը գտնուին հետեւեալ անձերը՝

  • Բնիկ և Թորրես Նեղուցի Կղզեցիներ 50 տարեկանէ վեր, մէկ կամ աւելի մնայուն հիւանդութիւններով:
  • 65 տարեկանէ վեր անձեր մնայուն բժշկական հիւանդութիւններով: Մնայուն հիւանդութիւնները աւելի պիտի յստակեցուին երբ յաւելեալ ապացոյցներ երեւան ելլեն:
  • 70 տարեկանէն վեր անձեր
  • Մարդիկ որոնց վարակամերժ դրութիւնը վնասուած է

Ինչպէս՞ կրնաք կեցնել ՔՈՎԻՏ-19ի տարածումը

Ձեռքի և փռնգտալու/հազի լաւ առողջաբանութիւն կիրառելը և ուրիշներէ հեռաւորութիւն պահելը երբ հիւանդ էք, ամենա լաւ պաշտպանութիւնն է ժահրերու մեծամասնութեան դէմ:

  • Տունէն դուրս մի՛ ելլէք բացի եթէ անհրաժեշտ է:
  • Ընկերային հեռաւորութիւն պահել նուազագոյնը 1.5 մեդր և պահպանել մէկ անձ չորս քառակուսի մեդր օրէնքը:
  • Յաճախակի լուալ ձեռքերը օճառով և ջուրով, ուտելէն առաջ և վերջը և զուգարան երթալէն ետք:
  • Ծածկել հազը և փռնգտուքը, նետել գործածուած թուղթէ թաշկինակները և օգտագործել ալքոհլով կազմուած ձեռքի ախտահանիչները:
  • Եթէ լաւ չէք զգար, խուսաբեցէք շփուելէ ուրիշներու հետ (ուրիշներէ հեռու մնալ 1,5 մեդր)
  • Անձնական պատասխանատուութիւն կիրառեցէք և տուն մնացէք որչափ հնարաւոր է:

Covid 19 shopping Armenian
Covid 19 shopping Armenian
SBS

Ով՞ պարտադրուած պէտք է ինքնամեկուսանայ

1) Ամէն մարդ որ Աւստրալիա կը ժամանէ 15 Մարտ 2020 կէս գիշերէն ետք, կամ կը կարծեն որ շփում ունեցած են անձի մը հետ որ հաստատ վարակուած է ՔՈՎԻՏ-19ով, կը պահանջուի որ ինքնամեկուսանան 14 օր:

2) Բոլոր ճամբորդները որոնք Աւստրալիա կը ժամանեն 28 Մարտ 2020 կէս գիշերէն ետք, պարտադիր 14 օր պէտք է ինքնամեկուսանան նշանակուած յարմար վայրի մը մէջ (օրինակի համար, պանդոկ մը):

Ճամբորդներ. ներգաղթի, մաքսատան և ուժեղացուած առողջութեան համապատասխան քննութիւններէ ետք, ուղղակի պիտի տեղափոխուին նշանակուած յարմար վայրեր:

Աւստրալիական Պաշտպանական Ուժի անձնակազմը պիտի սատարէ տեղական ոստիկանութեան և այցելէ աւստրալիացիներուն տուները և բնակարանները, որոնք պարտադիր ինքնամեկուսացման մէջ են, ինչպէս հրահանգուած է նահանգային և հողամսերու կառավարութիւններուն կողմէ և պիտի տեղեկացնեն տեղական ոստիկանութեան եթէ անհատը կը գտնուէր իր բնակարանին մէջ:

3) Եթէ ախտաճանաչուած էք ՔՈՎԻՏ-19ով, պէտք է տունը մնաք:

  • Մի' երթաք հանրային վայրեր ինչպէս գործի, դպրոց, առեւտուրի կեդրոններ, երեխաներու խնամքի կեդրոններ կամ համալսարան:
  • Բարեկամէ մը խնդրեցէք որ կերակուր և անհրաժեշտ արարկաներ ձեզի բերէ և ձեր դռան առջեւ ձգէ:
  • Այցելուներ մի ընդունիք - միայն անոնք որոնք ձեր հետ կը բնակին պէտք է ձեր տան մէջը ըլլան:

Ընկերային հեռաւորութիւն 

Ընկերային հեռաւորութիւնը միջոց մըն է դանդաղեցնելու համար ժահրերու տարածումը ինչպէս ՔՈՎԻՏ-19ը: Որչափ տարածութիւն կայ ձեր և ուրիշներու միջեւ, այնքան դժուար ժահրը կը տարածուի:

Կը ներառէ նաեւ խուսափիլ դպնալէ իրերու կամ մակերեսներու (ինչպէս դուռերու բռնակներ կամ սեղաններ) որոնք վարակուած են հազով կամ փռնգտուքով անձէ մը որ հաստատ վարակուած է ՔՈՎԻՏ-19ով:

Տունը մնալ

Ազգային Դահլիճի հաստատ ուղեցոյցը բոլոր աւստրալիացիներուն այն է որ տունը մնան բացի եթէ՝

  • ուտելիք և անհրաժեշտ պիտոյքներ գնելու համար շուկայ կ'երթան
  • բժշկական և առողջութեան խնամքի կարիքներու համար, ներառեալ կարեկցական պահանջներ
  • մարզանքներ որոնք կը համապատասխանեն հանրային հաւաքոյթի պահանջներուն
  • աշխատանք և ուսում եթէ չեք կրնար աշխատիլ կամ ուսանիլ տունէն

Կրնամ՞ ընտանիքի և բարեկամներու այցելել տարեցներու խնամքի հաստատութիւններու մէջ

Աւստրալիոյ տարածքին որպէս ընդհանուր օրէնք, մի այցելէք տարեցներու խնամքի հաստատութիւններ եթէ՝

  • Անցած 14 օրերուն վերադարձած էք արտասահմանէն
  • Շփումի մէջ եղած էք ՔՈՎԻՏ-19-ով վարակուած անձի մը հետ անցած 14 օրերուն
  • Ջերմութիւն կամ շնչառական վարակումի ախտանշաններ ունիք (օրինակ հազ, կոկորդի ցաւ, շունչի կարճութիւն)
  • Մայիս 1էն, տենդախառն հարբուխի պատուաստումը ստացած պէտք է ըլլաք տարեցներու խնամքի հաստատութիւն մը այցելելու համար:

Խնդրեմ նկատի առէք որ նահանգներ և հողամասեր յատուկ օրէնքներ ունին իրենց իրաւասութիւններուն մէջ, որոնք չեն կրնար հակասել Ազգային Դահլիճի յանձնարարութիւններուն:

Պէտք՞ է վիրաբուժական դիմակ գործածեմ

Աւստրալիոյ մէջ ՔՈՎԻՏ-19 համայնքային փոխանցումներու վերջին աճը կը նշանակէ որ որոշ նահանգներ և հողամասեր այժմ խորհուրդ կ'ուտան կամ կը պահանջեն դիմակներու գործածութիւնը:

Երեսի դիմակները այժմ կամ կը պահանջուին կամ խորհուրդ կը տրուի Վիքթորիայի մէջ (կախեալ թէ ուր կը բնակիք) պատճառը քորոնա ժահրի համայնքային վարակումներու բարձր տոկոսն է այնտեղ: https://www.dhhs.vic.gov.au/face-coverings-1159pm-wednesday-22-july

Նիու Սաութ Ուելսի մէջ մարդոց խորուրդ կը տրուի որ նկատի առնեն դիմակ կրել եթէ կը բնակին շատ վարակուած շրջան մը և ուր ֆիզիքական հեռաւորութիւն պահելը հնարաւոր չէ:

Մինչ դիմակ մը կրնայ գործածուիլ որպէս յաւելեալ նախազգուշութիւն, պէտք է շարունակել՝

  • Տունը մնալ եթէ լաւ չէք զգար
  • Ֆիզիքական հեռաւորութիւն պահպանել (1,5 մեդրէն աւելի) այլ մարդոցմէ
  • Խուսափիլ մեծ հաւաքոյթներէ և խճողուած ներքին տարածութիւններէ
  • Կիրառել ձեռքի և շնչառութեան առողջաբանութիւն

Եթէ ձեր նահանգին կամ հողամասին մէջ հանգամանքները փոխուին, այն ժամանակ դիմակներու վերաբերեալ խորհուրդը կրնայ փոխուիլ: Կարեւոր է տեղեակ մնալ ձեր շրջանի թարմացած տեղեկութիւններուն, որ ձեր նահանգը կամ հողամասը կը տրամադրէ:

https://www.health.gov.au/news/health-alerts/novel-coronavirus-2019-ncov-health-alert/how-to-protect-yourself-and-others-from-coronavirus-covid-19

Ճամբորդել Աւստրալիայէն, դէպի Աւստրալիա կամ Աւստրալիոյ մէջ

Աւստրալիացիներ պէտք է խուսափին ոչ անհրաժեշտ ներքին ճամբորդութիւններէ: Նահանգներ և հողամասեր կրնան իրենց անհատական սահմանափակումները հաստատել, ներառեալ իրենց սահմանները փակել:

Հանրային Փոխադրութեան Ազգային սկզբունքներ

Հանրային փոխադրութեան ծառայութիւնները նահանգներու և հողամասերու պատասխանատուութիւններն են և Ազգային Դահլիճը հաւանութիւն տուաւ շարք մը սկզբունքներու որպէսզի կարելի ըլլայ կառավարել հանրային փոխադրութեան ցանցերու վրայ աշխատողներու և ճամբորդներու առողջութիւնը և ապահովութիւնը, ներառեալ` չճամբորդել եթէ հանգիստ չեն զգար, պահպանել ֆիզիքական հեռաւորութիւնը վարորդներէն և այլ ճամբորդներէ և խուսափիլ կանխիկ գործածելէ: Հանրային փոխադրամիջոցներ օգտագործողներ պարտադիր չեն դիմակներ կրելու բայց կրնան գործածել եթէ կը փափաքին: Յաւելեալ տեղեկութիւններ ՔՈՎԻՏ-19-ի Հանրային Փոխադրութեան Գործողութիւններու Սկզբունքներու մասին այստեղ՝ https://www.infrastructure.gov.au/transport/files/COVID19_public_transport_principles_29052020.pdf

Public Transport Armenian
Public Transport Armenian
SBS

Միջազգային Ճամբորդութիւններ

Աւստրալիա ժամանող բոլոր միջազգային ճամբորդները, չնայած իրենց ազգութեան կամ մեկնումի վայրէն, տուն երթալէն առաջ, պէտք է ամբողջացնեն ինքնամեկուսացումի 14 օր նշանակուած վայրերուն մէջ:

Բոլոր ճամբորդները պիտի ստուգուին քորոնա ժահրի համար երբ քառասունքի կը մտնեն և առաջ որ թոյլատրուի որ իրենց տուները վերադառնան:

Անոնք պիտի ստուգուին քորոնա ժահրին համար մինչ կ'ենթարկուին քառասունքի և առաջ որ թոյլատրուին որ հեռանան:

Կրնայ ըլլալ որ պէտք է նպաստէք քառասունքի ենթարկումի ծախսերուն: Այս պահանջները կը ղեկավարուին և կը պարտադրուին նահանգային և հողամասերու կառավարութիւններուն կողմէ՝  

Նիու Սաութ Ուելս-https://www.nsw.gov.au/covid-19/travel-and-transport-advice 

Վիքթորիա-https://www.dhhs.vic.gov.au/information-overseas-travellers-coronavirus-disease-covid-19 

Աւստրալիական Մայրաքաղաքային Հողամաս-https://www.covid19.act.gov.au/community/travelling-and-transport 

Հիւսիսային Հողամաս-https://coronavirus.nt.gov.au/stay-safe/quarantine 

Քուինզլանտ-https://www.qld.gov.au/health/conditions/health-alerts/coronavirus-covid-19/protect-yourself-others/quarantine 

Հարաւային Աւստրալիա-https://www.covid-19.sa.gov.au/restrictions-and-responsibilities/travel-restrictions 

Թազմանիա-https://www.coronavirus.tas.gov.au/travellers-and-visitors 

Արեւմտեան Աւստրալիա-https://www.wa.gov.au/organisation/department-of-the-premier-and-cabinet/covid-19-coronavirus-travel-wa 

Աւստրալիացի քաղաքացիներ և մշտական բնակիչներ արտասահման չեն կրնար ճամբորդել ՔՈՎԻՏ-19 սահմանափակումներու հետեգանքով:

Սակայն, եթէ կ'ուզէք Աւստրալիայէն հեռանալ, կրնաք առցանց դիմել ճամբորդութեան արտօնութեան համար եթէ հետեւեալ դասակարգերէն մէկուն կը պատկանիք՝

  • Ձեր ճամբորդութիւնը ՔՈՎԻՏ-19-ի համաճարակի պատասխանի մաս կը կազմէ, ներառեալ օգնութեան տրամադրում
  • Ձեր ճամբորդութիւնը էական է անհրաժեշտ արդիւնաբերութեան գործողութիւններուն և ձեռներեցութեան համար (ներառեալ ներմուծումի և արտահանումի ճարտարարուեստները)
  • Կը ճամբորդէք ստանալու անյետաձգելի բժշկական խնամք որ հնարաւոր չէ Աւստրալիոյ մէջ
  • Կը ճամբորդէք անյետաձգելի և անխուսափելի անձնական գործով
  • Կարեկցական կամ մարդասիրական նպատակներով
  • Ձեր ճամբորդութիւնը ազգային շահի համար է

Տարանցիկ կեդրոններ 

Ճամբորդութեան օրէնքները փոփոխութեան կ'ենթարկուին կարճ ժամանակի մէջ: Եթէ որոշած էք Աւստրալիա վերադառնալ՝

  • Ձեր ճամբան զգուշութեամբ քննեցէք և կապի մէջ մնացէք ձեր օդային ընկերութեան կամ ճամբորդութեան գործակալին հետ
  • Հետեւեցէք ձեր տարանցիկ օդակայաններու և կառավարող իշխանութիւններու պաշտօնական յայտարարութիւններուն
  • Կապ հաստատեցէք ամենամոտիկ դեսպանատան կամ հիւպատոսարանին հետ այն երկիրներէն որոնցմէ տարանցիկ կ'անցնիք եթէ որեւէ հարցում ունիք իրենց մուտքի կամ ելքի պահանջներու մասին:

Յաւելեալ տեղեկութիւններու և թարմացումներու համար այցելէ՝   www.smartraveller.gov.au 

Աւստրալիոյ մէջ իշխանութիւններ ինչպէս՞ կը կառավարեն համաճարակը

Վարչապետը գործի դրաւ՝ Նովել Քորոնավարիուսի (ՔՈՎԻՏ-19) Արտակարգ ԻրավիճակներուՊատասխան Ծրագիրը:

Աւստրալիոյ Ընդհանուր Կառավարիչը երկարաձգեց մարդկային կենսա-ապահովութեան արտակարգ դրութեան ժամանակաշրջանը երեք ամիսով 17 Յունիս 2020-էն մինչեւ 17 Սեպտեմբեր 2020: 

Դժուարութեան կարգադրութիւններ ուժանիւթի, ջուրի և հարկերու համար

Ճկուն վճարումներու հնարաւորութիւն կը տրուի բոլոր տնային տնտեսութիւններուն և փոքր ձեռնարկութիւններուն, որոնք ֆինանսական դժուարութեան մէջ կը գտնուին:

  • Չանջատելով կամ չսահմանափակելով մատակարարումը/ծառայութիւնները անոնց որոնք ֆինանսական դժուարութիւններու մէջ են
  • Յետաձգելով պարտքերը վերադարձնելու գործողութիւնները և վարկի թերացումի ցանկագրումը;
  • Հրաժարելով պարտքի ուշացումի վճարներէն և տոկոսի գիներէն; և
  • Նուազեցնելով ճգնաժամային գործերու ծրագրուած հոսանքի խզումները:
  • Անոնք որոնք կրնան շարունակել իրենց հաշիւները վճարել պէտք է շարունակեն վճարել – այս կենսական է ապահովելու համար, անհրաժեշտ ծառայութիւններ մատոցողներուն, շարունակական կենսունակութիւնը:

Ճկունութիւն որոշ այցագիրներ ունեցողներուն համար

Աշխատող արձակուրդի այցագիր ունեցողներ: Մէկ գործատուի հետ վեց ամիս գործի սահմանափակումէ պիտի ազատուին, եթէ անոնք կ'աշխատին ճգնաժամային ճարտարարուեստի մը մէջ ինջպէս՝ առողջութիւն, տարեցներու խնամք, անկարողութեան խնամք, երեխաներու խնամք, գիւղատնտեսութիւն և սնունդ, և իրաւունք պիտի ունենան նոր այցագիրի մը եթէ ներկայ այցագիրի ժամանակը լրանայ յաջորդ վեց ամիսներու ընթացքին:

Եղանակային Գործաւորներու Ծրագիր և Խաղաղական Գործաւորներու Ծրագիրներու մասնակիցներ. հնարաւորութիւն պիտի ունենան երկարաձգելու իրենց այցագիրները մինչեւ մէկ տարի:

Ժամանակաւոր Մասնագիտական այցագիր ունեցողներ. Ժամանակաւոր գործատէրի կողմէ երաշխաւորուած այցագիրներ, ինչպէս ենթադաս 457 և 482, որոնք կորսնցուցած են իրենց գործը, 60 օր ունին գտնելու ուրիշ երաշխաւոր մը կամ պէտք է հեռանան Աւստրալիայէն:

Եթէ անոնք ներկայիս գործէ զրկուած են բայց հեռացուած չեն, կամ իրենց աշխատանքի ժամերը կրճատուած են, այս պիտի չնկատուի որպէս իրենց այցագիրներու պայմանի խախտում: Այս տնտեսական տարուայ մէջ, անոնք կրնան մինչեւ $10,000 վերցնել իրենց կենսաթոշակի (superannuation) հիմնադրամէն:

Միջազգային ուսանողներ:

  • անոնք կրնան մնալ եթէ տակաւին գործ ունին: Եթէ չ'ունին գործ, ընտանեկան օգնութիւն կամ խնայողութիւն, պէտք է նկատի առնեն այլ կարգադրութիւններ:
  • միջազգային ուսանողներ որոնք կ'աշխատին տարեցներու խնամքի հատուածին մէջ և որպէս հիւանդապահներ, թոյլտուութիւն ունին աշխատելու շաբաթական 20 ժամէ աւելի:
  • կրնան օգտուիլ իրենց կենսաթոշակէն (superannuation) եթէ Աւստրալիա կը գտնուին նուազագոյնը 12 ամիս:

Վիքթորիայի մէջ, միջազգային ուսանողներ, պիտի ստանան $1500 տոլար վճարում մը Վիքթորիայի կառավարութեան արտակարգ դրութեան նպաստի ծրարէն, որ պիտի օգնէ տասնեակ հազարաւոր մարդոց նահանգի տարածքին:

Զբօսաշրջիկներ. պէտք է վերադառնան իրենց երկիրը, յատկապէս անոնք որոնք ընտանեկան աջակցութիւն չ'ունին:

Մտային առողջութեան օժանդակութիւն

Կառավարութիւնը աւելցուց Medicare-ի 10 անհատոյց հոգեբանական բուժումներ մարդոց համար որոնք կ'ենթարկուին յաւելեալ սահմանափակումներու շրջաններու մէջ որոնք ՔՈՎԻՏ-19 համավարակի երկրորդ ալիքէն կ'ազդուին:

Մարդիկ պէտք ունին Մտային Առողջութեան Խնամքի Ծրագրի մը (https://www.healthdirect.gov.au/mental-health-care-plan) և բժիշկի մը վերատեսութեան շարունակել ստնալու համար մտային առողջութեան խնամք իրենց հոգեբանէն, հոգեբոյժէն, բժիշկէն կամ այլ հարմար առողջապահութեան աշխատողէ մը:

Կառավարութեան թուային մտային առողջութեան հարթակը, Գլուխէն Առողջութիւն (www.headtohealth.gov.au), հեղինակաւոր տեղեկութեան և ուղղութեան միակ աղբիւրը պիտի ըլլայ, թէ ինչպէս կարելի է պահպանել մտային լաւ առողջութիւն քորոնավայրըս համաճարակի ժամանակ և ինքնամեկուսացման մէջ, ինչպէս նեցուկ կանգնիլ երեխաներուն և ընտանիքի անդամներուն և ինչպէս յաւելեալ տեղեկութիւններ ստանալ մտային առողջութեան ծառայութիւններու և խնամքի մասին: 


Աւստրալիոյ մէջ մարդիկ պէտք է նուազագոյնը 1,5 մեդր հեռու մնան ուրիշներէ: Ստուգեցէք ձեր նահանգի սահմանափակումները հաւաքոյթներու չափերու շուրջ - https://www.sbs.com.au/language/english/how-australia-s-states-and-territories-are-relaxing-coronavirus-restrictions  

Եթէ պաղառութեան կամ հարբուխի ախտանշաններ ունիք,  ստուգում կազմակերպեցէք հեռաձայնելով ձեր բժիշկին կամ Քորոնավայրըս Առողջութեան Տեղեկութեան Թէժ Գիծին 1800 020 080.  

Լուր և տեղեկութիւն կը տրամադրուի 63 լեզուներով-sbs.com.au/coronavirus.