ܡܸܢܕܝܵܢܹܐ ܘܵܠܹܐ ܕܝܕܥܬ ܠܗܘܢ ܥܲܠ 26 ܒܟܢܘܢ ܐ݇ܚܲܪܵܝܵܐ 10

ܥܡ ܩܪܒ݂ܬܐ ܕܙܘܝܵܚܹܐ ܒܝܘܡܵܐ ܕܐܣܬܪܠܝܐ ܒܝܘܡܐ 26 ܟܢܘܢ ܐ݇ܚܪܵܝܵܐ، ܡܩܪܒ݂ܚ ܠܘܟ݂ ܚܕܟܡܐ ܪܦܵܦܹܐ ܬܫܥܝܼܬ݂ܵܢܵܝܹܐ ܐܲܠܨܵܝܹܐ ܥܠ ܛܲܘܦܵܐ ܕܣܦܝܼܢܹܐ ܩܲܕܡܵܝܵܐ the First Fleet

Source: AAP

1-ܓܲܪܲܓ ܝܕܥܸܬ ܕܛܲܘܦܵܐ ܩܲܕܡܵܝܵܐ ܕܣܦܝܼܢܹܐ ܠܵܐ ܝܠܹܗ ܡܸܛܝܵܐ ܒܝܘܡܵܐ ܕ26 ܟܢܘܢ ܐ݇ܚܲܪܵܝܵܐ.

ܒܢܝܼܫܵܐ ܕܫܲܬܐܲܣܬܵܐ ܡܫܲܥܡܲܪܬܵܐ ܩܘܿܠܘܿܢܝܵܐ (ܡܘܣܬܲܥܡܲܪܵܐ colony) ܬܵܐ ܥܘܩܵܒܵܐ ܕܐ݇ܢܵܫܹܐ ܒܲܪܵܝܹܐ ܕܐܢܓܠܬܪܵܐ،   ܡܛܹܐܠܹܗ ܛܲܘܦܵܐ ܩܲܕܡܵܝܵܐ ܡܢ ܐܸܢܓܠܬܪܵܐ ܠܒܲܪܩܵܩܵܐ ܕܒܘܿܬܵܢܝܼ Botany Bay ܒܝܝܢܬ 18 ܘ 20 ܒܟܢܘܢ ܐ݇ܚܲܪܵܝܵܐ 1788.

 

ܩܐ ܕܚܵܙܝܼ ܕܘܟܵܐ ܠܚܝܼܡܵܐ ܪܚܸܫܠܗܘܢ ܠܣܝܼܕܢܝܼ ܟܘܿܦ Sydney Cove ܒܝܘܡܐ 25 ܟܢܘܢ ܐ݇ܚܲܪܵܝܵܐ، ܣܹܝܪ ܐܵܪܬ݂ܲܪ ܦܝܼܠܝܼܦ Sir Arthur Phillip ܘܚܲܕܟܡܵܐ ܡܢ ܡܢ ܬܲܒܵܥܹܗ ܩܪܹܐܠܗܘܢ ܠܐܲܪܥܵܐ ܒܫܸܡܵܐ ܕܡܲܠܟܵܐ ܓ̰ܘܿܪܓ̰ ܕܬܠܵܬ݂ܵܐ .

2-ܙܘܘܵܓ݂ܵܐ ܩܲܕܡܵܝܵܐ ܒܲܝܢܲܬ ܚܲܕ ܕܝܼܢܵܐ ܘܚܲܕ ܡܢ ܥܲܡܪܵܢܹܐ ܐܲܨܠܵܣܹܐ ܝܗܘܵܐ 26 ܒܟܵܢܘܢ ܐ݇ܚܲܪܵܝܵܐ

ܡܵܪܸܝܵܐ ܠܘܿܟ ܘܪܘܿܒܲܪܬ ܓܒ݂ܸܪܠܗܘܢ ܓܵܘ ܦܵܪܵܡܵܬܵܐ ܒܝܘܡܐ ܕ26 ܟܢܘܢ ܬܪܲܝܵܢܵܐ 1824. ܗܲܕܟ݂ܵܐ ܗܘܹܐܠܹܗ ܠܝܼܬ ܗܘܵܐܠܹܗ ܝܼܣܘܿܪܵܐ ܒܝܘܡܵܐ ܕܐܸܣܬܪܵܠܝܵܐ. ܡܵܪܝܵܐ ܝܠܵܗ ܚܕܐ ܦܲܪܨܘܦܬܵܐ ܡܢ ܥܫܝܼܪܬ ܒܘܼܢܘܼܒܹܪܘܿܢܓܵܐܠ Boonooberongal ܡܢ ܥܲܡܵܐ ܕ ܕܵܪܘܿܓ Darug. ܒܪܵܬ Yarramundi, ܝܼܕܝܼܥܵܐ ܐܲܝܟ݂ ܪܸܫ ܩܲܒܝܼܠܹܐ ܪܝܼܫܡܘܢܕ Richmond ܘܚܵܬܵܐ ܕܟܘܿܠܸܒܝܼ Colebee.  ܡܵܪܸܝܵܐ ܝܗܘܵܬ ܗܵܝ ܩܲܕܡܵܝܬܵܐ ܩܒܝܼܠܬܵܐ ܓܘ ܫܘܬܐܵܣܵܐ ܕܥܲܡܵܐ ܫܸܪܫܵܝܵܐ ܐܲܨܠܵܝܵܐ ܓܵܘ ܦܵܪܵܡܵܬܵܐ ܟܕ ܒܫܹܢܬܵܐ 1819 ܘܗܝ ܐܪܒܥܣܪ ܫܢܹܐ ܦܠܸܛܠܵܗ ܩܲܕܡܵܝܬܵܐ ܓܘ ܒܘܚܪܵܢܹܐ ܕܡܲܕܪܵܫܬܵܐ ܒܲܝܢܬ ܙܘܕܐ ܡܢ 100 ܝܵܠܘܦܹܐ.

 1822 ܓܒ݂ܸܪܵܗ Dicky, ܒܪܘܢܵܐ ܕ Bennelong ܘܒܬܪ ܚܕܟܡܐ ܫܒ݂ܘܥܹܐ ܡܝܼܬܠܹܗ . ܒܬܪ ܬܪܝܢ ܫܢܹܐ ܓܒ݂ܪܵܗ ܪܘܒܲܪܬ ܠܘܟ ܝܗܘܵܐ ܢܲܓܵܪܵܐ ܕܝܼܢܵܐ ܘܡܘܬܝܵܐ ܡܢ ܐܢܓܠܬܪܵܐ. ܝܗܘܵܐ ܗܵܘ ܙܘܘܵܓ݂ܵܐ ܩܵܢܘܢܵܝܵܐ ܩܲܕܡܵܝܵܐ ܡܢ ܥܲܡܵܐ ܐܲܨܠܵܝܵܐ ܒܚܲܕ ܐܸܢܓܠܙܝܵܐ. ܗܘܹܐܠܹܗ ܙܘܘܵܓ݂ܵܐ ܓܘ ܥܹܕܬܵܐ ܕܡܵܪܝ ܝܘܚܲܢܵܢ ܓܵܘ ܦܵܪܵܡܵܬܵܐ. ܘܡܘܒܪܹܐܠܗܘܢ ܥܣܪܵܐ ܝܵܠܕܹܐ.

ܝܼܕܝܼܥܬܵܐ ܝܠܵܗ ܡܵܪܝܵܐ ܒܡܲܩܪܵܒ݂ܬܵܗ ܝܪܝܼܚܬܵܐ ܕܩܲܢܝܵܐ ܐܲܪܥܵܐ ܐܲܝܟ݂ ܘܲܥܕܵܐ ܕܫܲܠܝܼܛܵܐ Governor Macquarie ܐܲܝܟ݂ ܩܲܘܠܵܐ ܕܙܘܘܵܓ݂ܵܐ. ܘܛܠܸܒܠܵܗ ܐܲܪܥܵܐ ܕܐܲܚܘܢܵܐ ܓܵܘ ܒܠܵܟܬܵܐܘܸܢ Blacktown.  ܘܡܘܢܬܹܐܠܵܗ ܕܩܲܢܝܵܐ 30 ܦܕ݂ܵܢܵܐ ܘܐܲܘܵܐ ܝܗܘܵܐ ܩܢܲܝܬܵܐ ܪܹܫܲܝܬܵܐ ܒܕܵܪܵܐ ܕܬܫܲܥܣܲܪ، ܠܵܐ ܐܲܝܟ݂ ܒܲܟ݂ܬܵܐ ܡܲܠܟܵܐ ܐܲܪܥܵܐ ܐܸܠܵܐ ܒܲܟ݂ܬܵܐ ܡܢ ܥܲܡܵܐ ܐܲܨܠܵܝܵܐ.

ܟܕ ܡܝܼܬܠܵܗ ܒܫܹܢܬܵܐ 1878 ܫܒ݂ܩܠܵܗ ܐܲܪܥܵܬܵܗ ܠܝܵܠܕܵܗ ܬܸܫܥܵܐ ܕܝܗܘܵܘ ܚܵܝܹܐ ܘܦܝܼܫܠܵܗ ܠܢܵܒ݂ܵܓܵܗ ܗܠ ܫܹܢܬܵܐ 1920 ܒܙܲܒ݂ܢܵܐ ܕܟܠ ܐܲܪܥܵܐ ܫܩܝܼܠܬܵܐ ܒܚܹܐܪܘܬܵܐ ܒܦܲܫܵܐ ܡܚܘܡܲܝܬܵܐ ܕܥܲܡܵܐ ܐܲܨܠܵܝܵܐ. ܐ݇ܚܹܪܬܵܐ ܡܘܬܒ݂ܵܐ ܕܚܵܡܲܝܬܵܐ ܕܥܲܡܵܐ ܐܲܨܠܵܝܵܐ ܡܘܟܠܹܐܠܗܘܢ ܐܘܐ ܩܵܢܘܢܵܐ.

3-ܘܵܠܹܐ ܕܝܲܕܥܸܬ ܡܵܐ ܐ݇ܡܸܪܹܗ Henry Parkes ܒܙܘܝܵܚܵܐ ܕܥܘܗܕܵܢܵܐ ܕܐܸܡܵܐ ܫܸܢܹܐ ܒܫܹܢܬܵܐ 1888.

ܦܵܪܟܸܣ ܝܗܘܵܐ ܪܸܫ ܘܙܝܼܪܹܐ ܕܢܝܘ ܣܘܬ ܘܝܠܙ ܘܡܲܪܝܘܙܹܐ ܕܥܵܒ݂ܸܕ ܙܘܝܵܚܹܐ ܒܕܘܟܪܵܢܵܐ ܕܐܸܡܐܵܐ ܒܫܢܬܐ 1888 ܘܒܘܩܪܘܢܠܹܗ ܐܢ ܐܝܼܬ ܚܲܕ ܡܢܕܝܼ ܒܗܵܘܹܐ ܡܘܪܝܸܙܵܐ ܠܥܲܡܵܐ ܐܲܨܠܵܝܵܐ. ܐܡܪܹܗ :" ܒܕ ܡܲܕܟ݂ܸܪܠܗܘܢ ܕܩܲܡ ܓܲܢܒ݂ܵܚܠܗܘܢ.". ܐܲܘܵܐ ܝܗܘܵܐ ܚܲܕ ܦܘܼܢܵܝܵܐ ܪܵܒܵܐ ܩܸܫܝܵܐ ܐܸܠܵܐ ܫܵܪܝܼܪܵܐ. ܐܲܘܵܐ ܦܘܢܵܝܵܐ ܠܵܐ ܝܲܕܥܝܼܠܹܗ ܪܵܒܵܐ ܡܢ ܣܘܝܵܣܵܝܹܐ ܕܐܕܝܘܡ.

ܚܲܕ ܡܢܕܝܼ ܐܸܣܵܝܵܐ ܝܗܘܵܐ ܓܘ ܕܘܒܵܪܹܗ ܦܬܵܚܵܐ ܕ  Centennial Parklands ܩܵܐ ܦܘܪܓܵܝܵܐ ܕܥܲܡܪܵܢܹܐ ܕܢܝܘ ܣܘܬ ܘܝܠܙ . ܘܠܵܐ ܫܒ݂ܩܠܗܘܢ ܥܲܡܵܐ ܐܲܨܠܵܝܵܐ ܕܐܵܬܝܼ ܠܐܲܘܵܐ ܓܸܕܫܵܐ ܥܲܡܵܝܵܐ.

4-ܘܵܠܹܐ ܕܝܼܲܕܥܸܬ ܬܓܠܝܵܬܵܐ ܐܲܠܨܵܝܹܐ ܦܠܸܛܠܗܘܢ ܥܲܡܵܐ ܐܲܨܠܵܝܵܐ ܒܫܢܬܐ 1938 ܕܠܩܘܒ݂ܠ ܝܘܡܐ ܕܐܣܬܪܵܠܝܵܐ ܘܩܪܐܠܗܘܢ ܫܡܹܗ ܝܘܡܵܐ ܕܐܸܒ݂ܠܵܐ ܝܵܢ ܕܚܲܫܵܐ Day of Mourning.

ܓ̰ܡܸܥܠܗܘܢ ܘܐ݇ܚܲܪܬܵܐ ܦܠܛܠܗܘܢ ܬܓܠܝܼܬܵܐ ܫܬܝܼܩܬܵܐ ܘܡܦܘܠܸܛܠܗܘܢ ܦܘܣܩܵܢܵܐ :" ܐܲܚܢܲܢ ܡܲܡܬܠܵܢܹܐ ܕܥܲܡܵܐ ܐܲܨܠܵܝܵܐ ܐܸܣܬܪܵܠܵܝܵܐ،  ܓ̰ܡܥܠܢ ܓܘ ܠܘܡܵܕܵܐ ܓܘ ܐܵܘܵܢܵܐ ܕܐܣܬܪܵܠܝܵܐ ܣܢܕܢܝܼ  ܒܝܘܡܐ ܕ26 ܒܟܢܘܢ ܐ݇ܚܲܪܵܝܵܐ 1938،  ܘܐܲܝܵܐ ܝܠܵܗ ܥܘܗܕܵܢܵܐ ܕ150 ܫܸܢܹܐ  ܠܫܲܥܡܲܪܬܵܐ ܕܓܸܢܣܵܐ ܚܘܵܪܵܐ ܥܲܠ ܐܲܬܪܲܢ ܠܲܟ݂ܵܐ ܡܲܩܪܘܒ݂ܵܐ ܗܘܲܚ ܠܵܐ ܩܒܲܠܬܲܢ ܥܲܠ ܡܲܥܡܲܠܬܵܐ ܩܫܝܼܬܵܐ ܕܠܩܘܒ݂ܠ ܥܲܡܲܢ ܒܝܕ ܓܢܣܵܐ ܚܘܵܪܵܐ ܠܡܬܚܵܐ ܕ150 ܫܹܢܹܐ ܕܥܒ݂ܸܪܘܢ، ܛܠܵܒܵܐ ܝܗܘܲܚ ܦܲܪܦܘܿܠܹܐ ܗܘܲܚ ܡܢ ܐܘܡܬܐ ܐܣܬܪܠܝܬܐ ܐܕܝܘܡ ܕܡܬܒ݂ܐ ܩܢܘܢܹܐ ܚܕܬܹܐ ܠܝܘܠܦܢܐ ܘܪܥܝܘܬܐ ܕܥܡܪ̈ܵܢܹܐ ܐܣܨܠܵܝܹܐ، ܘܛܠܵܒܵܐ ܗܘܚ ܣܘܝܣܘܬܐ ܚܕܬܐ ܕܡܪܡܐ ܫܘܝܐ ܕܥܡܢ ܕܦܝܫ ܪܥܝܬ ܟܡܝܼܠܐ ܘܒܫܘܝܘܬܐ ܚܕܐ ܓܘ ܫܘܬܦܘܬܐ."

Aborigines day of mourning, Sydney, 26 January 1938 (State Library of NSW) Source: State Library of NSW

5-ܕܝܼܕܥܸܬ ܐ݇ܢܵܫܹܐ ܡܢ ܥܲܡܵܐ ܐܲܨܠܵܝܵܐ ܦܝܼܫܠܗܘܢ ܡܐܘܠܝܨܹܐ ܕܬܢܝܼ ܡܡܬܠܬܐ ܕܡܛܝܬܐ ܕܛܘܦܵܐ ܕܣܦܝܼܢܹܐ ܩܕܡܵܝܹܐ ܓܘ ܥܘܗܕܵܢܵܐ ܕ150 ܫܢܹܐ . ܡܡܘܠܗܘܢ ܨܠܝܬܐ ܕܐܢܓܠܙܵܝܹܐ ܡܢ ܣܦܝܼܢܹܐ ܘܒܘܕܵܩܵܐ ܕܣܹܝܪ ܐܵܪܬ݂ܲܪ ܦܝܼܠܝܼܦ. ܐܝܟ݂ ܐ݇ܡܵܪܵܐ ܝܠܹܗ ܒܝܬ ܥܬܩܹܐ ܐܬܪܵܝܵܐ ܕܐܣܬܪܵܠܝܵܐ:" ܠܵܐ ܩܒܠ ܠܗܘܢ ܥܲܡܵܐ ܐܲܨܠܵܝܵܐ ܕܚܝܝܼ ܗܘܵܘ ܓܵܘ ܣܝܼܕܢܝܼ ܕܫܘܬܸܦܝܼ ܓܘ ܡܡܬܠܬܐ، ܡܪܝܙܵܢܹܐ ܡܘܬܹܐܠܗܘܢ ܐ݇ܢܵܫܹܐ ܡܢ  Menindee ܡܥܪܒ݂ܐ ܕܢܝܘ ܣܘܬ ܘܝܠܙ ܘܡܘܬܒ݂ܠܗܘܢ ܓܘ ܒܹܝܬ ܩܸܢܝܵܢܵܐ ܕܦܘܠܝܼܣܹܐ  the Redfern Police Barracks stables ܗܠ ܡܘܦܠܸܛܠܗܘܢ ܢܵܡܘܣܵܐ ܕܫܪܲܝܬܲܝ.

ܒܗܘ ܝܵܘܡܵܐ ܦܝܼܫܠܗܘܢ ܡܐܘܠܝܸܨܹܐ ܕܥܪܩܝܼ ܐܣܦܬܵܐ ܕܝܵܡܵܐ ܡܢ ܪܸܚܩܵܐ ܡܢ ܐܸܢܓܠܹܙܵܝܹܐ.

ܘܙܘܠܵܐ ܕܦܝܼܫܠܹܗ ܓܪܝܼܫܵܐ ܡܚܙܘܝܹܐ ܠܹܗ ܐ݇ܢܵܫܹܐ ܕܥܲܡܵܐ ܐܲܨܠܵܝܵܐ ܠܵܐ ܒܵܥܝܼ ܗܘܵܐ ܕܡܫܲܘܬܦܝܼܗܘܵܐ.

6-ܘܵܠܹܐ ܕܝܲܕܥܸܬ ܟܘܝܼܢܵܐ ܕܐܝܼܙܓܲܕܘܬܵܐ ܕܥܲܡܵܐ ܐܲܨܠܵܝܵܐ ܦܝܼܫܠܵܗ ܡܫܘܬܐܲܣܬܵܐ ܒ 26 ܟܢܘܢ ܬܪܲܝܵܢܵܐ 1972.

ܐܪܒܥܐ ܓܒ݂ܪܹܐ ܡܢ ܥܲܡܵܐ ܐܲܨܠܵܝܵܐ Michael Anderson, Billie Craigie, Bert Williams and Tony Coorey) ܢܨܒ݂ܠܗܘܢ ܟܘܝܼܢܵܐ ܓܵܘ ܡܲܪܓܹܐ ܒܲܠܩܘܒ݂ܠ ܦܵܪܠܡܵܢ ܓܵܘ ܟܢܒܹܝܪܵܐ.

ܝܗܘܬ ܐܝܐ ܬܓܠܝܼܬܐ ܕܩܪܐܠܗܘܢ ܫܡܵܗ ܐܝܼܙܓܕܘܬܐ ܕܥܲܡܵܐ ܐܲܨܠܵܝܵܐ " ܝܗܘܵܬ ܪܡܙܐ ܠܚܕܐ ܫܪܝܼܪܘܬܐ ܕܚܘܟܡܐ ܥܒ݂ܕܠܹܗ ܥܡܐ ܐܲܨܠܵܝܵܐ ܐܣܬܪܵܠܵܝܵܐ ܢܘܟ݂ܪܵܝܹܐ ܓܵܘ ܐܲܪܥܲܢ ܐܝܟ݂ ܐ݇ܡܸܪܹܗ Gary Foley "ܘܡܐܲܝܟ݂ ܢܘܟ݂ܪܵܝܹܐ ܐ݇ܚܹܪܢܹܐ ܣܢܝܼܩܹܐ ܗܘܲܚ ܗܘܵܐ ܠܐܝܼܙܓܲܕܘܬܵܐ.

 

7-ܘܵܠܹܐ ܕܝܼܲܕܥܸܬ  26 ܒܟܢܘܢ ܬܪܲܝܵܢܵܐ 1988 ܙܘܕܐ ܡܢ 40 ܐܠܦܹܐ ܫܘܬܸܦܠܗܘܢ ܓܘ ܬܲܓܠܝܼܬܵܐ ܓܘܒ݂ܪܬܐ ܓܘ ܣܝܼܕܢܝܼ ܠܐ ܒܪܝܼܬܵܐ ܡܐܟ݂ܘܵܬ݂ܵܗ ܡܢ ܬܓܠܝܬܐ ܕܠܩܘܒ݂ܠ ܦܠܵܫܵܐ ܓܘ ܦܝܼܬܢܵܐܡ ܒܫܲܒ݂ܥܝܼܝܹܐ.

ܐ݇ܢܵܫܹܐ ܡܢ ܥܲܡܵܐ ܐܲܨܠܵܝܵܐ ܘܣܲܢܕܵܢܹܐ ܡܢ ܥܲܡܹܐ ܐ݇ܚܹܪܢܹܐ ܒܪܚܵܫܬܵܐ ܡܢ Redfern Park ܘܗܠ Hyde Park ܘܡܢ ܬܡܐ ܠܡܹܐܢܵܐ ܕܣܝܼܕܢܝܼ،  ܠܙܲܝܵܚܬܵܐ  ܕܥܘܗܕܵܢܵܐ ܕ200 ܫܢܹܐ ܠܫܲܥܒܲܕܬܵܐ ܕܒܪܝܼܛܵܢܝܵܐ.

ܙܘܠܐ ܐܫܛܵܪܵܝܵܐ  documentary ܡܘܦܩܵܐ ܒܝܕ Adrian Russell Wills ܒܫܢܬܐ 2014 ܡܚܙܘܝܹܐ ܠܹܗ، ܓܸܕܫܹ̈ܐ ܪܹܫܵܝܹܐ ܘܕܘܪܵܫܵܝܹܐ ܒܕܘܟ݂ܪܪܵܢܵܐ ܕܐܡܐܵܐ ܬܪܲܝܵܢܝܼܬܵܐ ܕܐܣܬܪܵܠܝܵܐ ܘܪܚܵܫܬܵܐ ܕܙܕܩܹܐ ܕܥܲܡܵܐ ܐܲܨܠܵܝܵܐ.

8-   ܘܵܠܹܐ ܕܝܲܕܥܸܬ  ܙܡܪܬܐ ܕ ܬܓܠܝܼܬܵܐ ܕܙܡܝܼܪܵܐܠܹܗ Archie Roach ܒܫܢܬܐ 1988  ܢܛܘܪ ܠܡܢܕܝܼ ܕܩܢܹܐܠܘܟ݂ ܘܡܕܥܸܪ ܐܲܪܥܲܢ." Keep your handouts, give us back our land'

ܙܘܠܐ ܕ 2016 ܡܫܡܗܐ hit by A.B.Original's  ܥܒ݂ܕܠܗ ܕܘܪܵܫܹܐ ܓܘ ܐܓܪܝܵܬܹܗ ܚܲܝܠܵܢܹܐ ܠܟܠܝܬܹܗ ܕܠܩܘܒ݂ܠ ܝܘܡܐ ܕܐܣܬܪܵܠܝܵܐ،  ܐܠܐ ܚܕܟܡܐ ܝܗܘܵܘ ܠܐ ܩܒܵܠܵܐ ܒܐܘܵܐ ܙܘܝܵܚܵܐ ܡܢ ܡܸܬܚܵܐ ܝܪܝܼܚܵܐ ܩܕܡ ܡܹܐܙܲܠܬܵܐ ܕ ChangeTheDate ܫܚܠܦܘܢ ܠܣܝܼܩܘܡܵܐ.

ܚܲܒܪܵܢܹܐ ܕܙܡܝܼܪܬܐ ܕܐܪܫܝܼ  ܐܡܪܝܼ:" 200 ܫܢܹܐ ܡܬܚܵܐ ܝܪܝܼܚܵܐ ܝܠܹܗ، 200 ܫܢܹܐ ܗܘܲܚ ܗܘܵܐ ܪܚܵܫܵܐ ܠܣܸܪܛܵܐ ܐܸܠܵܐ ܒܲܣܵܐ.. ܒܐܡܪܚ ܒܲܣܵܐ  ܠܝܼܬܠܲܢ ܡܢܕܝܼ ܕܚܵܕܲܚ ܒܹܗ.. ܠܵܐ  ܠܵܐ ܠܵܐ .. ܡܵܐ ܣܢܝܼܩܚ ܥܠܹܗ ܝܠܹܗ ( ܫܪܝܘܬܲܢ) ܚܹܐܪܘܬܲܢ، ܚܕ ܡܢܕܝܼ ܕܢܛܪܚ ܠܹܗ ܩܵܐ ܢܲܒ݂ܵܓܲܢ ܩܕܡܵܐ ܕܥܵܒ݂ܸܪ ܙܲܒ݂ܢܵܐ، ܠܝܼܬ ܠܲܢ ܡܢܕܝܼ ܩܵܐܠܲܢ ܘܐܚܢܢ ܒܫܢܬܐ 88.

ܟܹܐ ܚܲܫܒ݂ܸܬ ܕܐܝܼܬ ܠܲܢ ܪܵܒܵܐ،  ܘܐ݇ܡܵܪܵܐ ܗܘܸܬ ܚܘܟܡܵܐ  ܩܲܡ ܝܲܗܒ݂ܵܠܲܢ ܡܵܐ ܕܡܵܐܠܹܗ ܠܲܢ، ܐܸܠܵܐ ܐܝܼܬ ܡܢܕܝܼ ܠܵܐ ܦܲܪܡܸܬ ܠܹܗ ܐܲܦܚܲܕ ܓܵܗ: ܢܛܘܪ ܠܡܢܕܝܼ ܕܩܢܹܐܠܘܟ݂ ܘܡܕܥܸܪ ܐܲܪܥܲܢ.

9-ܘܵܠܹܐ ܕܝܼܲܕܥܸܬ .. ܠܵܐ ܦܝܼܫܠܹܗ ܙܘܝܸܚܵܐ ܝܘܡܵܐ ܕܐܣܬܪܵܠܝܵܐ ܐܲܡܝܼܢܵܐܝܼܬ ܒܝܘܡܐ ܕ26 ܒܟܢܘܢ ܬܪܝܵܢܵܐ ܐܝܟ݂ ܒܘܛܠܢܐ ܥܡܵܝܵܐ ܓܘ ܟܠܝ ܐܘܚܕܵܢܹܐ ܘܐܩܠܹܝܡܹܐ ܗܠ ܫܢܬܐ 1994.

ܐܵܦܸܢ ܫܡܐ ܝܘܡܐ ܕܐܣܬܪܠܝܐ ܐܝܼܬ ܗܘܐ ܡܢ ܫܘܪܵܝܵܐ ܕܕܵܪܵܐ ܕܥܣܪܝܼܢ ܐܠܐ ܕܘܠܬܐ ܩܡ ܚܫܒ݂ܵܐܠܹܗ ܒܘܛܠܵܢܵܐ ܪܘܫܡܵܝܵܐ ܡܢܕܝܼ ܚܕܬܵܐ ܝܠܹܗ.

10-ܘܵܠܹܐ ܕܝܲܕܥܸܬ ܩܐ ܚܘܪܙܐ ܕ100 ܒܫ ܚܲܡܝܼܡܹܐ ܕܦܪܣܩܵܠܵܐ ܕ  The triple j ܠܐ ܐܡܝܼܢܐܝܼܬ ܒܝܘܡܐ ܕ26 ܒܟܢܘܢ ܬܪܲܝܵܢܵܐ.

ܒܬܪ ܡܐ ܕܐܬܹܐܠܗܘܢ ܢܘܩܕܹܐ ܥܠܵܗ ܡܣܒܒ ܥܒ݂ܕܐ ܙܘܝܼܵܚܵܐ ܣܢܵܝܸܬ ܕܝܘܡܐ ܕܐܣܬܪܵܠܝܵܐ ܟܕ ܡܚܙܘܒܝܹܐ ܗܘܐ 100 ܙܡܝܼܪܵܬܵܐ ܡܢ ܠܬܚܬ ܗܠ ܗܝ ܩܕܡܝܬܐ ܕܕܟ݂ܵܪܵܐ ܗܘܵܘ ܫܲܥܒܲܕܬܵܐ ܝܘܪܦܢܲܝܬܵܐ، ܒܫܢܬܐ 2017 ܠܐ ܦܝܼܫ ܠܹܗ ܦܪܣܩܵܠܵܐ ܥܒ݂ܵܕܵܐܠܹܗ ܐܲܘܵܐ ܚܘܪܙܵܐ.

ܐܡܪܗ ܡܪܝܙܵܢܵܐ ܘܡܩܪܒ݂ܵܢܵܐ ܕܐܘܐ ܚܘܪܙܐ: ܠܐ ܥܒ݂ܕܠܲܢ ܐܘܵܐ ܚܘܪܙܐ ܩܐ ܙܝܵܚܬܵܐ ܕܝܘܡܐ ܕܐܣܬܪܵܠܝܵܐ . ܝܗܘܵܐ ܩܵܐ ܙܝܵܚܬܵܐ ܒܙܡܲܪܝܵܬܘܢ ܕܡܘܚܒ ܠܘܟ݂ ܒܫܹܢܬܵܐ ܕܥܒ݂ܸܪܵܗ.

 

ܡܢ ܓܹܒܵܐ ܐ݇ܚܹܪܢܵܐ ܣܢܕܵܢܹܐ ܕܝܘܡܐ ܕܐܣܬܪܵܠܝܵܐ ܐܡܪܗܘܢ ܒܩܒ݂ܵܠܝܵܬܲܝ  ܝܘܡܐ ܕܐܣܬܪܵܠܝܵܐ ܠܐ ܗܵܘܹܐ ܕܐܝܟ݂ ܕܝܼܠܹܗ ܕܠܵܐ ܫܪܟܬܵܐ ܕܦܪܲܣܩܵܠܵܐ، ܦܘܣܩܵܢܵܐ ܕܡܚܙܲܝܬܵܐ ܕ100 ܙܡܪܝܵܬܹܐ ܒܫ ܫܡܝܼܥܹܐ ܠܵܐ ܝܠܹܗ ܒܝܘܡܵܐ ܕ26 ܒܟܢܘܢ ܐ݇ܚܲܪܵܝܵܐ ܠܐ ܝܠܹܗ ܗܵܘ ܩܲܕܡܵܝܵܐ.

ܚܕܟܡܐ ܡܘܕܥܢܘܬܐ ܙܥܘܪܹܐ ܐ݇ܚܹܪܢܹܐ  ܘܵܠܹܐ ܕܝܕܥܸܬ ܠܐ ܡܘܪܡܠܗܘܢ ܐܬܐ ܕܥܡܐ ܐܲܨܠܵܝܵܐ ܘܐܵܬܵܐ ܕܐܣܬܪܵܠܝܵܐ ܡܚܕܵܕܹܐ ܥܠ ܓ̰ܫܪܐ ܕܣܝܼܕܢܝܼ  Sydney Harbour Bridge ܐܠܐ ܒܝܘܡܐ ܕܐܣܬܪܠܝܐ ܒܫܢܬܐ 2013.

ܐܦܢ ܝܗܘܐ ܡܘܕܹܐ ܒܹܗ ܪܘܫܡܵܐܝܼܬ ܒܫܢܬܐ 1995 ܐܝܟ݂ ܐܬܐ ܪܘܫܡܲܝܬܵܐ ܠܦܘܬ ܩܢܘܢܐ ܕܝܘܕܵܥܵܐ ܕ 1953. ܐܠܐ ܠܐ ܦܝܼܫܠܹܗ ܡܘܪܡܐ ܥܠ ܚܕ ܡܢ ܐܬܘܵܬܵܐ ܡܫܡܗܹܐ ܕܐܬܪܐ ܐܠܐ ܒܬܪ ܩܘܪܒܐ ܕܥܣܪܝܼܢ ܫܢܹܐ.