ܡܸܬ݂ܗܲܘܝܵܢܬܵܐ ܝܠܗ ܕܗܵܘܝܵܐ ܦܲܪܨܲܦܬܵܐ ܒܟܘܦܝܕ- 19 ܚܲܕ ܢܸܣܝܵܢܵܐ ܡܲܙܕܥܵܬܐ ܘܡܵܡܸܪܥܵܢܵܐ.
ܘܗܠ ܗܵܕܝܵܐ ܙܵܘܕܵܐ ܡܢ 6000 ܦܲܪ̈ܨܘܿܦܹܐ ܛܸܦܝܹ̈ܐ ܝܠܲܝܗܝ ܓܵܘ ܐܣܬܪܵܠܝܵܐ.
ܒܥܸܕܵܢܵܐ ܕܝܼܠܵܗ ܕܵܘܸܠܬܵܐ ܦܠܵܚܵܐ ܕܡܲܒܨܸܪܐ ܡܢ ܡܸܨܥܵܐ ܕܲܛܦܵܝܵܬܵܐ ܐܸܠܵܐ ܡܸܬܗܵܘܝܵܢܬܵܐ ܝܠܵܗ ܕ ܛܵܦܝܼ ܡܸܢܝܵܢܹ̈ܐ ܒܸܫ ܓܘܒ݂ܪܹ̈ܐ ܩܲܕܡ ܡܵܐ ܕܛܵܠܸܩ ܟܘܼܪܗܵܢܵܐ.
ܡܸܢ ܗܵܕܲܟ݂ ܐܵܢܸܢܩܵܝܬܵܐ ܝܠܵܗ ܕܝܵܕܥܝܼ ܐ݇ܢܵܫܹ̈ܐ ܕܛܵܦܝܼ ܦܵܝܪܸܣ ܡܵܐ ܥܵܒ݂ܕܝܼ.
ܡܵܐ ܘܵܠܹܐ ܕܥܵܒ݂ܕܸܬ ܐܸܢ ܛܦܹܐܠܘܿܟ݂ ܒܦܵܝܪܸܣ؟
ܐܵܣܝܵܐ ܟܪܹܝܣ ܡܘܿܝ Dr Chris Moy ܝܠܹܗ ܐܵܣܝܵܐ ܓܵܘܵܢܵܝܐ ܘܪܹܫܵܐ ܕܐܵܣܘܿܪܵܐ ܕܐܵܣܝܘܼܬ݂ܵܐ ܐܸܣܬܪܵܠܵܝܵܐ ܓܘ ܣܵܘܸܬ ܐܣܬܪܵܠܝܵܐ ( ܐܸܣܬܪܵܠܝܵܐ ܬܲܝܸܡܢܵܝܬܵܐ).
ܐ݇ܡܵܪܵܐ ܝܠܹܗ ܗܵܘ ܡܸܢܕܝܼ ܩܲܕܡܵܝܵܐ ܕܥܵܒ݂ܸܕܠܹܗ ܐ݇ܢܵܫܵܐ ܕܚܘܼܬܸܬܠܹܗ ܛܦܵܝܬܹܗ ܒܟܘܿܪܘܿܢܵܐ ܦܵܝܪܸܣ ܝܠܹܗ ܕܦܵܝܸܫ ܓܵܘ ܒܲܝܬܵܐ. ܘܘܵܠܹܐ ܠܐܵܢܝܼ ܕܟܹܐ ܚܵܝܝܼ ܥܲܡܹܗ ܕܥܵܒ݂ܕܝܼ ܐܵܦ ܐܵܢܝܼ ܗܵܕܲܟ݂.
ܐ݇ܡܸܪܹܗ ܩܵܐ SBS News :" ܝܼܠܵܗ ܪܵܒܵܐ ܨܦܝܼܬ݂ܵܐ ܕܗܵܘ ܡܸܢܕܝܼ ܩܲܕܡܵܝܵܐ ܘܵܠܹܐ ܕܦܵܝܫܝܼ ܓܵܘ ܒܲܝܬܵܐ ܒܗܵܝ ܠܵܐ ܒܵܥܝܼ ܕܦܲܪܣܝܼ ܠܹܗ ܠܐ݇ܚܸܪܢܹܐ."
" ܟܘܵܠܹܐ ܕܪܵܚܩܝܼ ܡܢ ܟܠ ܦܲܪܨܘܿܦܵܐ ܐ݇ܚܹܪܢܵܐ ܓܵܘ ܒܲܝܬܵܐ. ܐܵܦ ܐܵܢܝܼ ܐ݇ܚܹܪ̈ܢܹܐ ܓܵܘ ܒܲܝܬܵܐ ܟܲܕ ܦܝܼܫܠܗܘܢ ܩܲܪܝܼܒ݂ܹ̈ܐ ܡܢ ܗܵܘ ܛܸܦܝܵܐ ܒܣܲܢܩܝܼ ܐܵܦ ܐܵܢܝܼ ܕܦܲܪܫܝܼ ܓܵܢܲܝܗܝ ܠܚܘܿܕܲܝܗܝ."
ܡܵܐ ܒܘܕ ܐ݇ܢܵܫܹ̈ܐ ܕܡܸܬ݂ܗܵܘܝܵܢܬܵܐ ܕܐܵܢ݇ܬ ܡܘܼܛܦܹܐܠܘܿܟ݂؟
ܥܲܡܠܝܼܬ݂ܵܐ ܕܥܲܩܵܒ݂ܬܵܐ ܬܒ݂ܵܥܵܐ ܠܲܚܙܵܝܬܵܐ ܕܐܵܢܝܼ ܕܦܝܼܫܠܘܟ݂ ܩܲܪܝܼܒ݂ܵܐ ܡܸܢܲܝܗܝ ܩܪܝܼܬ݂ܵܐ ܝܠܵܗ ܒܫܸܡܵܐ ܬܒ݂ܵܥܬܵܐ ܕܲܩܪܵܒ݂ܬܵܐ ܐܵܘ ܫܩܵܠܝܵܗܒ݂ܵܐ.
ܐܵܣܝܵܐ ܡܘܿܝ ܐ݇ܡܵܪܵܐܝܠܹܗ ܐܵܢܝܼ ܕܦܲܝܫܝܼ ܬܘܼܒ݂ܥܹܐ ܪܚܝܼܫܐ ܡܣܲܒܲܒ ܩܪܲܒ݂ܬܲܝܗܝ ܡܢ ܚܲܕ ܛܸܦܝܵܐ ܚܲܬܝܼܬ݂ܵܐܝܼܬ݂ ܒܟܘܦܝܼܕ-19 ܒܣܵܢܩܝܼ ܕܝܵܕܥܝܼ ܐܘܼܪ̈ܚܵܬܵܐ ܡܫܘܼܚܠܦܹ̈ܐ ܩܵܐ ܥܒ݂ܵܕܵܐ ܒܚܲܕ ܡܸܢܲܝܗܝ.
ܘܡܘܙܝܸܕܠܹܗ:" ܗܵܫܵܐܝܼܬ݂، ܡܸܢܝܵܢܵܐ ܕܛܸܦܝܹ̈ܐ ܝܠܹܗ ܙܥܘܿܪܵܐ ܓܵܘܵܢܵܐܝܼܬ݂ ܘܡܵܨܝܼ ܡܸܫܬܲܐܠܵܢܹ̈ܐ ܓܵܘ ܡܕܲܒܪܵܢܘܼܬ݂ܵܐ ܕܨܵܚܘܼܬ݂ܵܐ( ܚܘܼܠܡܵܢܵܐ) ܠܲܩܪܵܝܵܐ ܟܠܚܲܕ ܕܐܵܡܪܝܼܢ ܠܹܗ ܡܵܐ ܘܵܠܹܐ ܕܥܵܒ݂ܸܕ."
"ܓܵܘ ܐܣܬܪܵܠܝܵܐ ܬܵܝܡܢܲܝܬܵܐ، ܐܲܝܟ݂ ܛܘܦ̮ܣܵܐ، ܟܠܚܲܕ ܦܝܼܫܠܹܗ ܩܸܪܝܵܐ ܒܬܸܠܝܼܦܘܿܢ، ܘܐ݇ܡܸܪܗܘܢ ܠܹܗ ܡܵܐ ܣܢܝܼܩܬܵܐ ܝܠܵܗ ܠܲܥܒ݂ܵܕܵܐ، ܘܐܲܝܵܐ ܟܠܝܼܬ݂ܵܐ ܝܠܵܗ ܥܲܠ ܡܛܵܟܲܣܬܵܐ."
" ܡܸܢ ܗܵܕܲܟ݂ ܚܲܕܟܡܵܐ ܐ݇ܢܵܫܹ̈ܐ، ܐܸܢ ܡܘܒܝܸܢܠܗܘܢ ܥܸܠܗܘܢ ܬܲܚܘܝܵܬܵܐ، ܒܐܲܡܪܝܼܠܗܘܢ ܒܥܸܕܵܢܵܐ ܣܢܝܼܩܵܐ ܕܦܵܝܫܝܼ ܪܸܚܩܵܐ ܡܢ ܚܒ݂ܵܛܬܵܐ. ܒܵܣܚܵܒܪܐ (ܡܲܥܢܵܝܘܗܝ) ܐܲܝܟ݂ ܛܘܼܦ̮ܣܵܐ، ܦܲܠܵܚܹ̈ܐ ܓܵܘ ܨܵܚܘܼܬ݂ܵܐ( ܐܵܣܝܘܼܬ݂ܵܐ) ܒܣܵܢܩܝܼ ܠܲܥܒ݂ܵܕܵܐ ܚܲܕܟܡܵܐ ܨܲܚܨܸܝܵܬܵܐ ܘܒܲܠܟܸܬ ܡܸܬ݂ܚܵܐ ܒܸܫ ܝܵܪܝܼܟ݂ܵܐ ܠܲܕܥܵܪܵܐ ܠܫܘܿܓܠܵܐ."
ܡܵܐ ܥܲܒ݂ܕܸܢ ܐܸܢ ܪܓ݂ܸܫܠܝܼ ܕܠܵܐ ܗܘܸܢ ܨܦܵܝ؟
ܐܵܣܝܵܐ ܡܘܿܝ ܐ݇ܡܵܪܵܐܝܠܹܗ ܐܵܢܝܼ ܕܝܼܠܲܝܗܝ ܦܪܝܼܫܹܐ ܓܵܢܲܝܗܝ ܒܣܵܢܩܝܼ ܕܚܵܙܝܼ ܓܵܢܲܝܗܝ ܘܛܲܠܒܝܼ ܗܲܝܵܪܬܵܐ ܐܵܣܝܼܵܝܬܵܐ ܐܸܢ ܙܝܼܕܠܹܗ ܡܲܪܥܲܝܗܝ.
" ܫܒ݂ܘܿܩ ܡܸܢ ܕܝܼܗܘܸܬ ܦܝܼܫܵܐ ܓܵܘ ܒܲܝܬܵܐ ܠܚܘܕܵܐܝܼܬ ܐܵܘ ܠܵܐ ܠܡܸܬܚܵܐ ܕܝܼܗܘܸܬ ܦܩܝܼܕܵܐ، ܐܸܢ ܙܝܼܕܠܹܗ ܡܲܪܥܘܿܟ݂ ܐܝܼܡܲܢ ܕܗܵܘܝܵܐ ܒܣܲܢܩܸܬ ܠܣܘܼܡܣܵܡܵܐ ܐܵܘ ܕܲܪܡܵܢܬܵܐ، ܩܪܝܼ ܠܚܲܕ ܒܩܲܠܝܼܠܘܼܬ݂ܵܐ (ܒܣܘܪܗܵܒ݂ܵܐ)، ܕܩܵܢܸܬ ܡܵܠܘܿܟ݂ܘܼܬ݂ܵܐ ܢܲܨܝܼܗܲܬ ܐܸܢ ܕܝܼܠܵܗ ܡܲܣܵܡܬܵܐ ܕܒܵܠܵܐ ܥܠܘܿܟ݂ ܡܵܠܝܵܢܬܵܐ ܐܵܘ ܒܵܥܹܐܠܵܗ ܡܲܙܝܵܕܬܵܐ."
" ܒܲܠܟܸܬ ܣܵܢܩܵܐ ܕܡܲܥܒ݂ܪܝܼܠܘܿܟ݂ ܒܹܝܬ݂ ܟܪ̈ܝܼܗܹܐ ܐܸܢ ܡܛܘܼܘܸܪܹܗ ܟܸܣܠܘܿܟ݂ ܫܘܼܠܗܵܒ݂ܵܐ ܕܪܵܬ݂ܵܐ ܡܲܙܕܥܵܢܵܐ."
ܒܲܕܲܡ ܠܵܐ ܟܠܚܲܕ ܣܢܝܼܩܵܐ ܝܠܹܗ ܕܐܵܙܸܠ ܠܒܹܝܬ݂ ܟܪ̈ܝܼܗܹܐ؟
ܠܵܐ ܟܠܚܲܕ ܕܛܵܦܹܐ ܒܟܘܿܪܘܿܢܵܐ ܦܵܝܪܸܣ ܚܲܬܝܼܬ݂ܵܐܝܼܬ݂ ܒܐܵܙܸܠ ܠܒܹܝܬ݂ ܟܪ̈ܝܼܗܹܐ.
ܐܵܣܝܵܐ ܡܘܿܝ ܡܘܙܗܸܪܹܐܠܹܗ ܠܐܵܢܝܼ ܕܠܵܐ ܝܠܲܝܗܝ ܡܪ̈ܝܼܥܹܐ ܪܵܒܵܐ، ܐ݇ܙܵܠܬܲܝܗܝ ܠܒܹܝܬ ܟܪ̈ܝܼܗܹܐ ܝܼܠܵܗ ܛܠܵܩܬܵܐ ܕܥܸܕܵܢܵܐ ܕܦܲܠܵܚܹ̈ܐ ܛܝܼܡܵܢܹ̈ܐ ܬܵܡܵܐ."
ܐ݇ܡܵܪܵܐ ܗܘܸܢ:" ܐܝܼܬ݂ ܡܨܵܝܵܬܵܐ ܡܬܘܼܚܡܹ̈ܐ. ܘܐܝܼܬ ܬܪܹ̈ܝܢ ܦܸܨܠܹ̈ܐ ܕܥܸܠܠܵܬ݂ܵܐ. ܗܵܝ ܩܲܕܡܲܝܬܵܐ ܡܨܵܝܬܵܐ ܕܒܹܝܬ݂ ܟܪ̈ܝܼܗܹܐ ܠܲܚܒ݂ܵܫܵܐ ܡܸܢܝܵܢܵܐ ܘܐܲܚܢܲܢ ܣܢܝܼܩܹ̈ܐ ܥܸܠܵܗ، ܘܥܲܡ ܙܝܵܕܬܵܐ ܕܡܸܢܝܵܢܵܐ ܠܵܐ ܗܵܘܹܐ ܡܨܵܝܵܬܹ̈ܐ."
" ܡܸܢܕܝܼ ܐ݇ܚܸܪܢܵܐ ܒܸܫ ܨܦܵܝ ܝܠܵܗ ܦܝܵܫܬܵܐ ܓܵܘ ܒܲܝܬܵܐ ܡܢ ܡܢܵܒܘܿܠܹܐ ܦܵܝܪܸܣ ܠܒܹܝܬ݂ ܟܪ̈ܝܼܗܹܐ، ܘܒܵܬܲܪ ܕܹܝܟ݂ ܦܵܝܫܝܼ ܐܲܠܝܼܨܹ̈ܐ ܡܕܵܟ݂ܲܝܬܘܿܟ݂ ܒܡܵܢܹ̈ܐ ܕܚܵܡܲܝܬܵܐ ܦܲܪܨܘܿܦܵܝܹܐ، ܘܒܵܬܲܪ ܗܵܕܲܟ݂ ܒܦܵܝܫܝܼ ܡܘܼܩܕܹܐ، ܘܒܲܠܟܸܬ ܐܲܢ݇ܬ ܗܘܸܬ ܨܦܵܝ."
ܡܵܐ ܒܘܕ ܐܵܣܝܘܼܬ݂ܵܐ ܕܲܪܡܵܢܬܵܐ ܡܢ ܪܸܚܩܵܐ؟
ܓܵܘ ܐܲܠܝܼܨܘܼܬ݂ܵܐ ܕܟܘܿܪܘܿܢܵܐ ܦܵܝܪܸܣ، ܡܘܼܬܒ݂ܠܹܗ ܚܘܼܟܡܵܐ ܦܝܼܕܪܵܠܵܝܐ ܙܘܼܙܹ̈ܐ ܪܵܒܵܐ ܠܡܲܪܘܲܚܬܵܐ ܕܡܲܩܪܲܒ݂ܬܵܐ ܕܚܸܠܡܲܬܹ̈ܐ ܐܵܣܝܘܿܬ݂ܵܢܵܝܹܐ ܡܢ ܪܸܚܩܵܐ، ܩܵܐ ܕܡܵܨܝܼ ܦܲܪ̈ܨܘܿܦܹܐ ܓܵܘ ܐܣܬܪܵܠܝܵܐ ܕܩܵܪܝܼ ܠܕܸܟܬܘܪ ܐܵܣܝܵܐ ܘܲܡܒܵܩܘܿܪܹܗ ܡܢ ܪܸܚܩܵܐ.
ܐܵܣܝܵܐ ܡܘܿܝ ܐ݇ܡܵܪܵܐ ܝܠܹܗ ܐܲܘܵܐ ܚܲܕ ܡܸܢܕܝܼ ܨܦܵܝ ܝܠܹܗ ܩܵܐ ܐܵܣܝܹ̈ܐ، ܘܘܵܠܹܐ ܥܲܠ ܡܪ̈ܝܼܥܹܐ ܒܟܘܦܝܕ-19 ܕܝܼܠܲܝܗܝ ܦܪ̈ܝܼܫܹܐ ܓܵܢܲܝܗܝ ܠܚܘܿܕܵܐ ܕܫܵܩܠܝܼ ܝܘܼܬ݂ܪܵܢܵܐ ܡܢ ܚܸܠܡܲܬܹ̈ܐ ܟܡܵܐ ܕܡܵܨܝܼ.
" ܚܸܠܡܲܬܹ̈ܐ ܐܵܣܝܘܼܬ݂ܵܢܵܝܹܐ ܡܢ ܪܸܚܩܵܐ ܫܵܒ݂ܩܵܐ ܝܠܵܗ ܕܘܼܒܵܪܵܐ ܕܗܵܘܹܐ ܒܹܗ ܗܵܘܢܵܢܘܼܬ݂ܵܐ ܫܵܪܝܼܪܵܐܝܼܬ. ܠܵܐ ܝܠܵܗ ܥܲܣܩܵܐ ܡܛܵܝܡܲܢܬܵܐ ܐܸܢ ܐ݇ܢܵܫܵܐ ܝܠܹܗ ܪܵܒܵܐ ܚܸܪܒܵܐ ܒܐܘܼܪܚܵܐ ܕܐܵܣܝܘܼܬ݂ܵܐ ܡܢ ܪܸܚܩܵܐ."
" ܗܵܕܸܝܵܐ، ܚܲܕܟܡܵܐ ܓܵܗܹ̈ܐ ܒܣܵܢܩܝܼ ܠܨܲܚܨܲܝܬܵܐ، ܘܒܣܵܢܩܝܼ ܕܓܵܪܫܝܼ ܠܨܘܿܪܬܵܐ ܐܸܟܸܣ. ܐܲܝܵܐ ܒܗܵܘܝܵܐ ܒܸܫ ܥܲܣܩܵܐ، ܐܸܠܵܐ ܟܠܝܼܬ݂ܵܐ ܝܠܵܗ ܟܡܵܐ ܚܸܪܒܵܐ ܝܠܹܗ ܡܪܝܼܥܵܐ ܘܟܠܚܲܕ ܦܪܝܼܫܵܐ ܝܠܹܗ ܡܢ ܗܵܘ ܐ݇ܚܹܪܢܵܐ."
ܟܡܵܐ ܦܠܵܚܵܐ ܝܠܵܗ ܐܣܬܪܵܠܝܵܐ ܨܦܵܝ ܥܲܠ "ܡܫܵܘܵܝܬܵܐ (ܡܲܦܬܲܠܬܵܐ) ܕܟܦܝܼܦܵܐ" ܠܡܲܒܨܵܪܬܵܐ ܕܛܸܦܝܹ̈ܐ؟
ܐܲܝܵܐ ܬܲܢܲܝܬ݂ܵܐ "ܡܫܵܘܵܝܬܵܐ (ܡܲܦܬܲܠܬܵܐ) ܕܟܦܝܼܦܵܐ" ܥܒ݂ܸܪܵܗ ܓܵܘ ܠܸܟܣܝܼܩܘܿܢ ܕܐܸܣܬܪܵܠܝܵܐ ܒܐܵܢܝܼ ܫܵܒ݂ܘܿܥܹ̈ܐ ܐ݇ܚܲܪܵܝܹܐ.
ܘܡܲܥܢܵܝܘܗܝ ܝܠܹܗ ܡܲܒܨܵܪܬܵܐ ܕܲܦܪܵܣܵܐ ܕܟܘܦܝܼܕ -19 ܘܡܸܨܥܵܐ ܕܲܪܒ݂ܵܝܬܵܐ ܕܲܛܦܵܝܵܐ، ܘܫܒ݂ܵܩܬܹܗ ܓܵܘ ܬܚܘܼܡܹ̈ܐ ܕܲܡܨܵܝܵܬܵܐ ܕܐܝܼܬ݂ ܓܵܘ ܛܘܼܟܵܣܵܐ ܕܐܵܣܝܘܼܬ݂ܵܐ ܕܐ݇ܢܵܫܹ̈ܐ.
ܐܵܣܝܵܐ ܡܘܿܝ ܐ݇ܡܵܪܵܐ ܝܠܹܗ ܐܵܢܝܼ ܦܘܼܩܕܵܢܹܐ ܩܸܫܝܹܐ ܕܚܙܹܐܠܲܢ، ܗܵܝ ܕܡܘܼܥܒ݂ܸܕܠܲܝܗܝ ܥܲܠ ܟܠ ܚܲܩܠܵܐ ܕܚܲܝܘܼܬ݂ܵܐ ܐܣܬܪܵܠܲܝܬܵܐ، ܒܫܵܒ݂ܘܿܥܹܐ ܐ݇ܚܲܪܵܝܹܐ ܝܗ݇ܘܘ ܡܲܥܒܕܵܢܹ̈ܐ ܠܡܲܦܬܲܠܬܵܐ ܕܲܟܦܝܼܦܵܐ.
" ܓܵܘܵܢܐܝܼܬ݂، ܐܝܼܬ ܠܝܼ ܣܒ݂ܪܵܐ ܕܚܵܙܲܚ ܣܵܗܡܵܐ ܪܵܒܵܐ ܡܢ ܚܝܵܪܬܵܐ ܓܵܘܵܢܲܝܬܵܐ ܡܢ ܓܹܒܵܐ ܕܪܚܵܩܵܐ ܫܵܘܬܵܦܵܝܵܐ ܘܦܪܲܫܬܵܐ ܫܵܘܬܵܦܲܝܬܵܐ ܕܦܝܼܫܠܵܗ ܦܩܝܼܕܬܵܐ ܓܵܘ ܟܠܵܗ ܐܣܬܪܵܠܝܵܐ، ܒܣܲܒ݂ܪܵܐ ܕܚܵܙܲܚ ܫܘܼܪܵܝܵܐ ܕܡܲܦܬ݂ܵܠܬܵܐ ܕܟܦܝܼܦܵܐ."
ܐܸܠܵܐ ܐܵܣܝܵܐ ܡܘܿܝ ܡܲܙܗܘܿܪܹܐ ܝܠܹܗ ܐܣܬܪ̈ܵܠܵܝܹܐ ܠܵܐ ܡܵܨܝܼ ܕܗܵܘܝܼ ܫܸܠܝܼܡܹ̈ܐܠܐܲܝܵܐ، ܘܙܘܼܗܵܪܵܐ ( ܦܵܪܘܿܙܘܼܬ݂ܵܐ) ܛܠܝܼܒܬܵܐ ܝܠܵܗ ܪܵܒܵܐ ܓܵܘ ܕܘܼܒܵܪܹܐ ܕܐ݇ܢܵܫܹܐ.
ܡܲܘܕ݂ܥܵܢܘܼܬ݂ܵܐ ܒܸܫ ܙܵܘܕܵܐ ܠܡܵܐ ܟܘܵܠܹܐ ܥܸܠܘܿܟ݂ ܕܥܵܒ݂ܕܸܬ ܐܸܢ ܚܫܵܒ݂ܵܐ ܗܘܸܬ ܕܐܝܼܬ݂ܠܘܿܟ݂ ܟܘܿܦܝܕ-19 ܐܵܘ ܦܝܼܫܠܘܿܟ݂ ܦܘܼܪܨܸܦܵܐ ܘܦܘܼܠܵܛܵܐ ܝܗܘܵܐ ܡܣܝܼܡܵܢܵܐ positive ܒܚܵܙܸܬ ܠܵܗ ܥܲܠ ܫܵܘܦܵܐ health.gov.au.
ܘܵܠܹܐ ܠܐ݇ܢܵܫܹ̈ܐ ܓܵܘ ܐܸܣܬܪܵܠܝܵܐ ܕܗܵܘܝܼ ܪܸܚܩܵܐ ܠܵܐ ܒܵܨܘܿܪܵܐ ܡܢ 1.5 ܡܝܼܬܪܹ̈ܐ ܡܢ ܐ݇ܚܹܪ̈ܢܹܐ، ܘܲܟܦܵܫܝܵܬ݂ܵܐ ܗܵܘܝܼ ܡܢ ܬܪܹ̈ܝܢ ܦܲܪ̈ܨܘܿܦܹܐ ܠܚܘܿܕܵܐ ܐܸܠܵܐ ܐܸܢ ܗܵܘܸܬ ܥܲܡ ܒܢܲܝ ܒܲܝܬ݂ܘܼܬܘܿܟ݂.
ܐܸܢ ܚܫܵܒ݂ܵܐ ܗܘܸܬ ܕܗܘܸܬ ܛܸܦܝܵܐ ܒܦܵܝܪܸܣ، ܩܪܝܼ ܠܕܸܟܬܘܪ ܕܝܼܠܘܿܟ݂ ( ܠܵܐ ܣܲܚܒܸܪܸܬ) ܐܵܘ ܩܪܝܼ ܠܬܸܠܦܘܿܢ ܕܚܲܕܪܹܫܵܐ ܦܪܝܼܫܵܐ ܠܡܵܘܕܥܵܢܘܵܬܵܐ ܐܵܣܝܘܼܬܵܢܵܝܹ̈ܐ ܕܟܘܿܪܘܿܢܵܐ ܦܵܝܪܸܣ ܥܲܠ ܪܘܼܩܡܵܐ 1800020080 . ܐܸܢ ܠܗܲܬܠܘܿܟ݂ ( ܥܝܼܩܠܹܗ ܢܵܦܵܣܘܿܟ݂) ܐܵܘ ܐܝܼܬ݂ ܠܘܿܟ݂ ܐܲܝܟܲܢܘܼܬ݂ܵܐ ܐܵܣܝܼܵܝܬܵܐ ܥܪܝܼܨܬܵܐ ܩܪܝܼ ܠܡܸܢܝܵܢܵܐ 000.
SBS ܝܠܵܗ ܦܪܵܫܵܐ ܕܡܲܩܪܒ݂ܵܐ ܡܲܘܕܥܵܢܘܼܬ݂ܵܐ ܠܲܟܢܘܼܫܝܹ̈ܐ ܡܫܘܼܚܠܦܹ̈ܐ ܥܲܠ ܛܘܼܘܵܪܹ̈ܐ ܕܟܘܿܦܝܼܕ-19. ܛܸܒܹ̈ܐ ܘܡܲܘܕܵܥܵܢܘܵܬܵܐ ܦܸܪܝܹܐ ܝܠܲܝܗܝ ܒ 64 ܠܸܫܵܢܹ̈ܐ ܥܲܠ ܫܵܘܦܵܐ sbs.com.au/coronavirus.
