ܪܵܒܵܐ ܐ݇ܢܵܫܹ̈ܐ ܕܐܝܼܬܠܗܘܢ ܐܝܟܢܘܬܐ ܨܵܚܘܼܬ݂ܵܢܲܝܬܵܐ ( ܚܘܼܠܡܵܢܲܝܬܵܐ) ܩܕܡܵܝܵܐ ܝܠܲܝܗܝ ܒܸܫ ܬܚܘܼܬ ܩܸܢܛܵܐ ܡܢ ܐܸܢ ܕܝܼܠܲܝܗܝ ܛܸܦܝܹܐ ܒܟܘܦܝܼܕ-19، ܡܸܢܲܝܗܝ ܐܵܢܝܼ ܕܐܝܼܘܠܗܘܢ ܡܲܪ̈ܥܹܐ ܕܠܸܒܵܐ ܘܫܹܟܲܪ ܘܚܝܼܨܘܼܬ ܕܸܡܵܐ ܘܠܸܗܬ݂ܵܐ( ܐܵܣܡܐ). ܟܹܐ ܨܵܦܸܚ ܦܵܝܪܸܣ ܥܲܠ ܙܸܩܪܵܐ ܕܪܵܬ݂ܵܐ ܘܡܲܙܝܸܕ ܫܲܠܗܹܒ݂ܝܼܬ݂ܵܐ ܓܲܘܵܝܬܵܐ، ܣܲܒܲܒ ܕܐܘܼܪܚܵܐ ܕܟܹܐ ܦܵܠܸܚ ܒܵܗ ܬܘܼܩܵܢܵܐ ܕܚܲܣܝܼܢܘܼܬ݂ܵܐ ܕܲܠܩܘܼܒ݂ܠ ܦܵܝܪܸܣ.
ܬܹܒ݂ܝܼܠܵܐܝܼܬ݂، ܙܘܕܵܐ ܡܢ 70 ܐܲܡܘܿܢܹܐ ܡܢ ܡܪ̈ܝܼܥܹܐ ܕܟܘܦܝܼܕ-19 ܕܟܹܐ ܣܲܢܩܝܼ ܠܪܵܥܝܘܼܬ݂ܵܐ ܠܒܝܼܕ݂ܬܵܐ ܐܝܼܬܠܗܘܢ ܐܝܟܢܘܬܐ ܨܵܚܘܼܬ݂ܵܢܲܝܬܵܐ ܐܸܣܵܝܬܵܐ ܗܘܝܼܬܵܐ ܩܲܕܡ ܗܵܕܝܵܐ݂.
ܐܲܘܵܐ ܡܠܘܿܐܵܐ ܡܦܵܫܘܿܩܹܐ ܝܠܹܗ ܚܲܕܟܡܵܐ ܡܢ ܐܲܝܟܢܘ݂ܬ݂ܵܐ ܨܵܚܘܼܬ݂ܵܢܵܝܹܐ ܒܸܫ ܪܸܓ݂ܫܵܢܹܐ ܩܵܐ ܟܘܦܝܼܕ -19 ܝܵܢ ܡܣܲܒܲܒ ܫܵܘܝܵܐ ܕܡܚܝܼܠܘܼܬ݂ܵܐ ܕܙܸܩܪܹ̈ܐ ܪܸܦܝܹܐ ܕܗܲܕܵܡܹ̈ܐ ܕܦܲܓ݂ܪܵܐ ܘ / ܐܵܘ ܡܚܝܼܠܘܼܬ ܬܘܼܩܵܢܵܐ ܕܚܲܣܝܼܢܘܼܬ݂ܵܐ.
ܐܵܢܝܼ ܐܲܝܟܲܢܘ݂ܵܬ݂ܵܐ ܒܸܫ ܩܸܢܛܵܝܹܐ ܩܵܐ ܟܘܦܝܼܕ-19 ܝܠܲܝܗܝ: ܡܲܪ̈ܥܹܐ ܕܪܵܬ݂ܵܐ ܐܲܡܝܼܢܵܝܹ̈ܐ، ܠܸܗܬ݂ܵܐ ( ܐܲܣܡܵܐ)، ܡܲܪ̈ܥܹܐ ܕܠܸܒܵܐ، ܫܹܟܲܪ، ܡܲܪ̈ܥܹܐ ܕܟܲܒ݂ܕܵܐ ܘܟܸܠܝܵܬ݂ܵܐ، ܘܟܠܲܝܗܝ ܕܲܪ̈ܡܵܢܹ̈ܐ ܘܣܘܼܡܣܲܡܹ̈ܐ ܕܡܲܪܦܝܼ ܬܘܼܩܵܢܵܐ ܕܚܲܣܝܼܢܘܼܬ݂ܵܐ، ܡܲܐܝܟ݂ ܕܣܲܪܛܵܢܵܐ ܐܵܘ ܣܘܼܡܣܵܡܵܐ ܕܒܵܬܲܪ ܙܪܵܥܬ݂ܵܐ ܕܗܲܕܵܡܹ̈ܐ.
ܠܸܗܬ݂ܵܐ
ܠܸܗܬ݂ܵܐ ܝܠܹܗ ܐܲܝܟܲܢܘܼܬ݂ܵܐ ܢܵܦܲܫܲܝܬܵܐ ܗܘܝܼܬ݂ܵܐ ܡܣܲܒܲܒ ܪܸܓ݂ܫܘܼܬ݂ܵܐ ܪܵܒܵܐ ܘܫܘܼܠܗܵܒ݂ܵܐ ܕ ܡܲܪ̈ܕܝܹܐ ܗܵܘܵܝܹ̈ܐ ، ܥܲܡ ܬܲܚܘܝܵܬ݂ܵܐ ܐܲܝܟ݂ ܫܥܘܿܠܵܐ ܘܡܵܫܪܘܿܩܹܐ ܘܥܝܼܩܘܼܬ݂ ܨܲܕܪܵܐ ܘܥܝܼܩܘܼܬ݂ ܢܵܦܲܫ. ܘܗܵܕܸܝܵܐ ܝܠܵܗ ܡܘܼܥܒܲܕܬܵܐ ܐܲܝܟ݂ ܚܘܼܫܒܵܢܹ̈ܐ ܥܲܠ 11 ܑܡܘܼܢܹ̈ܐ ܕܐ݇ܢܵܫܹ̈ܐ ܓܵܘ ܐܣܬܪܵܠܝܵܐ. ܘܐܣܬܪ̈ܵܠܵܝܹܐ ܫܸܪ̈ܫܵܝܹܐ (ܐܲܒܪܘܿܓ̰ܝܼܢܝܼܣ) ܒܸܫ ܟܹܐ ܡܵܚܘܝܵܐ ܕܗܵܘܹܐܠܗܘܢ ܠܸܗܬ݂ܵܐ ܡܢ ܐܣܪܬܪ̈ܵܠܵܝܹܐ ܐ݇ܚܹܪܢܹܐ. ܟܹܐ ܒܲܪܝܵܐ ܡܚܲܝܬܵܐ ܕܠܸܗܬ݂ܵܐ ܠܐ݇ܢܵܫܵܐ ܡܢ ܐܲܝܡܵܐ ܡܸܢܕܝܼ ܕܟܹܐ ܡܲܣܩܸܕ ܠܡܲܪ̈ܕܝܹܐ ܗܲܘܵܝܹܐ. ܘܵܠܹܐ ܠܐܵܢܝܼ ܕܐܝܼܬܠܗܘܢ ܠܸܗܬ݂ܵܐ ܕܗܵܘܝܼ ܙܗܝܼܪܹ̈ܐ ܒܸܫ ܙܵܘܕܵܐ ܡܣܲܒܲܒ ܟܘܦܝܼܕ-19 ܟܹܐ ܨܵܦܸܚ ܐܵܦ ܗܵܘ ܥܲܠ ܡܲܪ̈ܕܝܹܐ ܗܲܘܵܝܹܐ.
ܡܲܪ̈ܥܹܐ ܕܪܵܬ݂ܵܐ ܐ݇ܚܹܪܢܹܐ
ܗܵܝ ܐܲܝܟܲܢܘܼܬ݂ܵܐ ܕܪ̈ܵܬ݂ܵܐ ܒܸܫ ܦܪܝܼܣܬܵܐ ܓܵܘ ܐܸܣܬܪܵܠܝܵܐ ܫܒ݂،ܩ ܡܢ ܠܸܗܬ݂ܵܐ ܝܠܵܗ: ܓܠܵܠܵܐ ܪܵܬ݂ܫܝܵܐ، ܘܪܘܝܼܚܘܼܬ݂ ܩܲܢܝܹܐ ( ܩܢܵܘ݂ܵܬܵܐ)، ܘܓܠܵܠܵܐ ܟܝܼܣܵܝܵܐ، ܘܢܦܲܚܵܐ ܕܪܵܬ݂ܵܐ، ܘܣܲܪܛܵܢܵܐ ܕܪܵܬ݂ܵܐ، ܫܸܚܠܘܼܬ݂ܵܐ ܕܸܦܢܲܝܬܵܐ، ܘܕܸܦܢܵܐ ، ܘܥܘܼܒܝܵܢܹ̈ܐ ܢܵܦܲܫܵܝܹܐ، ܘܕܘܼܝܵܒ݂ܵܐ ( ܫܘܼܢܵܩܵܐ) . ܡܲܘܕܥܵܢܘܵܬܵܐ ܙܵܘܕܵܐ ܥܲܠ ܡܲܪ̈ܥܹܐ ܕܪܵܬ݂ܵܐ ( ܒܠܸܫܵܢܵܐ ܐܸܢܠܝܫܵܝܵܐ) ܠܲܟ݂ܵܐ here
ܡܲܪܥܵܐ ܕܠܸܒܵܐ
ܕܟ݂ܵܪܵܐ ܝܠܲܝܗ ܒܘܼܨܵܝܹܐ ܬܹܒ݂ܝܼܠܵܝܹܐ ܦܲܪ̈ܨܘܿܦܹܐ ܕܐܝܼܬܠܗܘܢ ܡܲܪ̈ܥܹܐ ܕܠܸܒܵܐ ܘܫܸܪ̈ܝܵܢܹ̈ܐ ܕܸܡܵܝܹܐ ܝܠܲܝܗܝ ܒܸܫ ܡܵܝܘܼܬ݂ܹ̈ܐ ܒܣܲܒܲܒ ܕܟܘܿܦܝܼܕ-19 ܡܢ ܡܸܨܥܵܐ ܕܥܲܡܪ̈ܵܢܹܐ، ܠܵܐ ܡܣܲܒܲܒ ܕܝܼܠܲܝܝܗ ܒܸܫ ܙܵܘܕܵܐ ܒܩܸܢܛܵܐ ܕܛܦܵܝܬܵܐ، ܐܸܠܐ ܡܣܲܒܲܒ ܕܩܸܢܛܵܐ ܕܛܵܦܝܼ ܡܲܪ̈ܥܹܐ ܒܸܫ ܩܸܢܛܵܝܹܐ. ܟܹܐ ܥܵܒ݂ܸܕ ܟܘܦܝܼܕ-19 ܫܘܼܠܗܵܒ݂ܵܐ ܚܲܪܝܼܦܵܐ ܓܵܘ ܥܵܨܘܿܠܬܵܐ ܕܠܸܒܵܐ ܘܐܲܝܵܐ ܒܥܵܒ݂ܕܵܐ ܡܣܪܥܵܐ ܠܠܸܒܵܐ ܘܡܲܠܝܵܙܵܐ ܕܢܘܼܩܵܫܵܐ ( ܡܚܘܿܬ݂ܵܐ) ܕܠܸܒܵܐ.
ܫܒ݂ܝܼܠܵܐ ܕܚܲܝܹ̈ܐ ܨܵܚܘܿܬ݂ܵܢܵܝܵܐ ܝܠܹܗ ܐܲܠܨܵܝܵܐ: ܡܲܦܠܘܿܚܹܐ ܕܐܲܬܠܹܝܛܘܼܬ݂ܵܐ، ܘܐܝܼܟ݂ܵܠܵܐ ܒܛܲܟ݂ܣܵܐ ܡܬܲܪܣܵܢܵܐ ܫܵܘܝܵܐ، ܘܦܝܵܫܵܐ ܪܲܛܝܼܒ݂ܵܐ، ܘܕܡܵܟ݂ܵܐ ܣܒ݂ܵܥܬܵܐ ܡܲܠܝܵܢܬܵܐ. ܦܩܵܕ݂ܵܐ ܝܠܹܗ ܛܘܼܟܵܣܵܐ ܕܨܵܚܘܼܬ݂ܵܐ( ܚܘܼܠܡܵܢܵܐ) ܬܹܒ݂ܝܼܠܵܝܵܐ 150 ܕܲܩܝܼܩܹ̈ܐ ܟܵܫܝܪ̈ܘܵܬ݂ܵܐ ܦܲܓ݂ܪܵܢܵܝܹܐ ܚܲܝܠܵܢܹ̈ܐ ܐܵܘ 75 ܕܲܩܝܼܩܹ̈ܐ ܟܵܫܝܼܪ̈ܘܵܬܵܐ ܦܲܓ݂ܪܵܢܵܝܹܐ ܟܠ ܫܵܒ݂ܘܿܥܵܐ، ܐܵܘ ܬܪ̈ܘܲܝܢ ܡܸܚܕܵܕܹ̈ܐ ܥܲܡ ܚܲܕܟܡܵܐ ܡܢ ܥܘܼܝܵܕܹ̈ܐ ܒܲܝܬܵܝܹܐ ܦܩܝܼܕܹܐ.
ܡܲܪܥܵܐ ܕܫܹܟܲܪ
ܡܵܨܝܼ ܡܪ̈ܝܼܥܹܐ ܒܫܹܟܲܪ ܕܟܵܠܝܼ ܒܲܠܩܘܼܒ݂ܠ ܣܘܼܝܵܦܹ̈ܐ ܨܵܚܘܿܬ݂ܵܢܵܝܹܐ ܙܵܘܕܵܐ. ܘܫܘܼܬ݂ܐܵܣܵܐ ܕܡܲܪ̈ܥܹܐ ܕܫܹܟܲܪ ܐܲܬܪܵܠܵܝܵܐ ܦܩܵܕ݂ܵܐ ܝܠܹܗ ܠܵܫܩܵܠܵܐ ܛܥܘܿܡܵܐ ܕܐܢܦܠܵܘܲܢܙܵܐ، ܘܡܲܬܵܒ݂ܬܵܐ ܕܚܲܕ ܕܘܼܒܵܪܵܐ ܠܟܠ ܝܵܘܡܵܐ ܕܡܲܪܥܵܐ ܘܚܙܵܝܵܐ ܫܲܘܝܹܐ ܕܟܠܘܿܟܘܿܙ ܓܵܘ ܕܸܡܵܐ. ܒܕܲܪܒܸܢܝܼ ܦܲܪ̈ܨܘܿܦܹܐ ܕܐܝܼܬܠܗܘܢ ܫܹܟܲܪ ܩܸܢܛܵܐܝܼܬ݂ ܒܲܥܦܝܼܦܵܬ݂ܵܐ ܐ݇ܚܹܪ̈ܢܹܐ ܚܲܝܠܵܢܹ̈ܐ ܕܐܸܢܦܠܵܘܲܢܙܵܐ ܘܐܵܢܝܼ ܒܸܫ ܒܛܵܦܝܼ ܒܡܲܪ̈ܥܹܐ ܢܵܦܲܫܵܝܹ̈ܐ ܩܸܢܛܵܝܹܐ ܡܢ ܦܲܪ̈ܨܘܿܦܹܐ ܕܠܝܼܬ ܠܗܘܢ ܡܲܪܥܵܐ ܕܫܹܟܲܪ.
ܡܲܪܥܵܐ ܕܫܹܟܲܪ ܟܹܐ ܥܵܒ݂ܸܕ ܡܚܝܼܠܘܼܬ݂ܵܐ ܠܦܢܵܝܬܵܐ ܕܚܲܣܝܼܢܘܼܬ݂ܵܐ ܕܲܠܩܘܼܒ݂ܠ ܕܦܵܝܪܘܿܣܹܐ ܘܡܸܬ݂ܗܵܘܝܵܢܘܼܬ݂ܵܐ ܕܚܘܼܒܵܠܵܐ ܒܲܟܬܝܼܪܵܝܵܐ ܬܪܲܝܵܢܵܐ ܓܵܘ ܪܵܬ݂ܵܐ. ܪܵܒܵܐ ܡܪ̈ܝܼܥܹܐ ܕܡܣܪܥܵܐ ܕܫܹܟܲܪ ܕܲܪܓ݂ܵܐ 2 ܟܹܐ ܗܵܘܝܼ ܬܲܪ̈ܝܒܵܢܹܐ ܕܝܼܠܵܗ ܚܲܕ ܣܲܒܲܒ ܩܸܢܛܵܝܵܐ ܠܲܛܦܵܝܵܐ ܚܲܝܠܵܢܵܐ.
ܡܲܪ̈ܥܹܐ ܕܟܲܒ݂ܕܵܐ
ܘܵܠܹܐ ܠܦܲܪ̈ܨܘܿܦܹܐ ܕܐܝܼܬܠܗܘܢ ܫܘܼܠܗܵܒ݂ܵܐ ܕܟܲܒ݂ܕܵܐ ܒ ܐܵܘ ܓ ܐܵܘ ܐܲܝܡܵܐ ܐܲܝܟܲܢܘܼܬ݂ܵܐ ܕܟܲܒ݂ܕܵܐ ܐ݇ܚܹܪ̈ܢܹܐ ܕܡܲܦܠܸܚ ܐܵܢܝܼ ܕܘܼܒܵܪܹ̈ܐ ܙܘܼܗܵܪ̈ܵܝܹܐ ܕܝܼܠܲܝܬ ܦܩܝܼܕܹܐ ܩܵܐ ܐ݇ܢܵܫܹ̈ܐ ܓܵܘܵܢܵܐܝܼܬ݂. ܗܘܝܼ ܙܗܝܼܪܵܐ ܘܪܚܘܼܫ ܥܲܠ ܕܘܼܒܵܪܹ̈ܐ ܦܩܝܼܕܹ̈ܐ ܠܚܵܡܲܝܬܵܐ ܕܓܵܢܘܿܟ݂ ܡܢ ܟܘܦܝܼܕ-19.
ܦܲܪ̈ܨܘܿܓܦܹܐ ܕܐܝܼܬܠܗܘܢ ܡܲܪ̈ܥܹܐ ܕܟܲܒ݂ܕܵܐ ܓܘܿܒ݂ܪܹ̈ܐ ܘܵܠܹܐ ܕܫܲܩܠܝܼ ܛܥܘܿܡܹ̈ܐ ܕܲܠܒܩ؛ܒ݂ܠ ܐܸܢܦܠܵܘܲܢܙܵܐ ܘܡܲܪ̈ܥܹܐ ܕܠܦܵܦܹ̈ܐ ܪܵܐܬ݂ܵܝܹܐ.
ܡܲܪܥܵܐ ܕܟܠܝܵܬܵܐ
ܐܵܢܝܼ ܕܐܝܼܬܠܗܘܢ ܡܪܥܹܐ ܕܟܸܠܝܵܬܵܐ ܘܵܠܹܐ ܕܗܵܘܝܼ ܙܗܝܼܪܹܐ، ܕܐܲܝܟܼ ܥܲܡ ܐܸܢܦܠܵܘܲܢܙܵܐ، ܒܗܵܘܝܼ ܒܩܸܢܛܵܐ ܪܵܒܵܐ ܘܬܲܚܘܝܵܬܵܐ ܘܥܦܝܼܦܘܼܬܼܵܗ ܐܵܦ ܥܲܡ ܟܘܪܘܢܵܐ ܦܵܝܪܸܣ. ܟܘܦܝܼܕ -19 ܡܸܬܼܗܲܘܝܵܢܬܵܐ ܕܡܟܠܹܐ ܦܘܠܚܵܢܵܐ ܕܟܸܠܝܵܬܼܵܐ ܐܸܢ ܡܪܝܼܥܵܐ ܠܐ ܝܠܹܗ ܨܦܵܝ، ܐܵܘ ܐܝܼܬܠܹܗ ܝܲܒܼܫܘܼܬܼܵܐ ܐܵܘ ܐܝܼܬܠܹܗ ܛܦܲܝܵܬܵܐ ܐ݊̄ܚܹܪܢܹܐ ܒܪܹܫܲܝܗܝ؛
ܣܘܼܡܣܵܡܵܐ ܕܣܲܪܛܵܢܵܐ
ܒܥܸܕܵܢܵܐ ܕܡܲܪܥܵܐ ܕܣܵܪܛܵܢܵܐ، ܬܘܼܩܵܢܵܐ ܕܚܣܝܼܢܘܼܬܼܵܐ ܕܐ̃ܢܵܫܵܐ ܗܵܘܹܐ ܒܸܫ ܡܚܝܼܠܵܐ ܘܘܵܠܹܐ ܕܥܵܒܼܸܕܼ ܒܟܠܲܝܗܝ ܡܲܪܬܝܵܢܘܵܬܵܐ ܐܵܘ ܙܘܼܗܵܪܹܐ ܦܪܝܼܫܹܐ ܦܲܩܕܼܝܼܠܗܘܢ ܦܲܠܵܚܹܐ ܓܵܘ ܐܲܣܝܘܼܬܼܵܐ ܘܡܲܣܡܵܢܹܐ ܕܒܵܠܵܐ ܥܸܠܲܝܗܝ، ܠܡܲܒܨܲܪܬܵܐ ܩܸܢܛܵܐ ܕܛܦܵܝܵܐ، ܒܥܸܕܵܢܵܐ ܘܒܵܬܲܪ ܐܵܣܝܘܼܬܵܐ ܘܕܲܪܡܲܢܬܵܐ.
ܝܠܵܗ ܐܲܠܨܲܝܬܵܐ ܦܝܵܫܵܐ ܓܵܘ ܒܲܝܬܵܐ ܟܡܵܐ ܕܡܵܨܝܼ ܘܪܲܚܩܝܼ ܡܢ ܚܙܘܩܝܵܐ ܠܵܐ ܐܲܢܸܢܩܵܝܵܐ ܝܵܢ ܡܲܦܠܘܚܹܐ ܕܫܒܼܝܼܠܹܐ ܕܢܘܼܩܵܠܵܐ ܥܲܡܡܵܝܹܐ. ܬܘܼܩܵܢܵܐ ܕܚܲܣܝܼܢܘܼܬܵܐܗܵܘܼܐ ܕܲܡܝܵܢܵܐ ܓܵܘ ܡܚܝܼܠܘܼܬܼܹܗ ܬܵܐ ܐܵܢܝܼ ܕܐܝܼܬܠܗܘܢ ܣܵܠܣܲܠܬܵܐ ܒܵܬܲܪ ܙܪܥܬܵܐ ܕܚܲܕ ܗܲܕܵܡܵܗ ܓܵܘ ܗܲܕܵܡܹܐ ܕ ܦܲܓܪܵܐ؛
ܐܢܵܫܹ̈ܐ ܓܵܘ ܐܣܬܪܠܝܐ ܘܵܠܹܐ ܕܗܵܘܝܼ ܪܸܚܩܵܐ ܡܢܚܕ݂ܵܕܹ̈ܐ ܡܝܼܬܪܵܐ ܘܦܲܠܓܹܐ ܘܟܦܲܫܝܵܬ݂ܵܐ ܠܵܐ ܙܵܘܕܵܐ ܡܢ ܘܪܹ̈ܝܢ ܦܲܪ̈ܨܘܿܦܹܐ ܐܸܠܵܐ ܐܸܢ ܕܝܼܠܲܝܗܝ ܡܢ ܚܕܵܐ ܒܲܝܬ݂ܘܼܬ݂ܵܐ.
ܐܸܢ ܚܲܫܒ݂ܸܬ ܕܝܼܗܘܬ ܛܸܦܝܵܐ ܦܵܝܪܸܣ، ܩܪܝܼ ܠܐܵܣܝܵܐ ( ܠܵܐ ܐܵܙܠܸܬ) ܘܩܪܝܼ ܠܪܘܩܡܐ ܕܡܲܘܕܥܵܢܘܼܬ݂ܵܐ ܚܘܼܠܡܵܢܲܝܬܵܐ ܕܟܘܪܘܢܐ ܦܵܝܪܸܣ ܐܲܬ݂ܪܵܝܵܐ ܥܲܠ 1800 020 080 . ܐܸܢ ܐܝܼܬܠܘܿܟ݂ ܥܲܣܩܘܼܬ݂ܵܐ ܓܵܘ ܢܵܦܲܣ ܐܵܘ ܐܝܼܬܠܘܿܟ݂ ܐܲܝܟܲܢܘܼܬ݂ܵܐ ܐܵܣܝܵܝܬܵܐ ܥܲܪܝܼܨܬܵܐ، ܩܪܝܼ ܠܪܘܩܡܐ 000.
SBSܝܠܵܗ ܝܲܨܝܼܦܬܵܐ ܕܡܲܩܸܪܒ݂ܵܐܠܘܿܟ݂ ܡܲܘܕܥܵܢܘܵܬ݂ܵܐ ܠܟܠܲܝܗܝ ܟܢܘܼܫܝܹܐ ܡܫܘܼܚܠܦܹ̈ܐ ܥܲܠ ܛܘܼܘܵܪܹܐ ܚܲܕܬܹ̈ܐ ܕܟܘܦܝܼܕ-19. ܛܸܒܹܐ ܘܡܵܘܕܥܵܢܘܵܬ݂ܵܐ ܦܸܪܝܹܐ ܠܲܝܗܝ ܒ 63 ܠܸܫܵܢܹ̈ܐ ܓܵܘ ܫܵܘܦܵܐ sbs.com.au/coronavirus
