Kavman blo Ostrelia i bin putum $785.7 billion blong yusum long badjet lo Tuesday ia blong 2025-26 fainansal yia, hemia i stap lo evri samting olsem daonem tax mo mekem meresin i no sas tumas.
Treasurer Jim Chalmers lo Tuesday i bin showem se bae oli kat wan defesit blong $42 billion blo nekis fainansal yia, hemia i smolwan bitim toktok lol mid-yia fainansal apdeit — be pepa blong badjet i talemaot moa samting long saed blo wea mani i kam from mo wea bae i save ko.
- Revealed: The winners and losers of the 2025 federal budget
- Security funding for Jewish, Muslim worship sites in $178m social cohesion package
Sapos mani ia i olsem $100 nomo, hemia ol samting we i stap insaed lem.
Ol samting we mani blo badjet i save ko lem
Source: SBS
Olsem $15.90 bae oli yusum long helt, $6.90 long edukesen, mo $6.60 long difens.
Jeneral pablik servis bae i karemaot $4, be $10.60 bae i save ko long saed blong ol nara kaen servis, olsem bildim moa haos, transpot, mo eneji.
Afta bae $19.10 i save ko lo sam nara kaen samting.
Wanem ol samting blong karemaot mani blo yusum
Source: SBS
Olsem $47.56 bae i kam from takis blo wanwan mo nara kaen takis blo holem, mo bisnis takis i olsem bitim $19 smol.
Mani blong Gud mo Servis Takis (GST) i olsem $12.81, mo $3.71 bae i kam from bensin, mazut mo ol nara kaen fuel.
Wan nara kaen praes lo tabak, mo bia mo stron alkol, i olsem $1 nomo blo olgeta, mo 57 cents nomo bae i kam from oli we i bin aplae lo wan visa.
Ol nara mani, olsem $14.45, bae i kam from sam nara kaen samting bakagen.
