Coming Up Sat 10:00 PM  AEST
Coming Up Live in 
Live
Burmese radio
SBS ျမန္မာပိုင္း အစီအစဥ္

အိမ်ထောင်ဖက်အပေါ် လွန်ကဲစွာ ထိန်းချုပ်မှုကို ပြစ်မှူအဖြစ် သတ်မှတ်ပေးဖို့ တောင်းဆိုမှုများလာ

Domestic Violence Source: PA Archive

နိုင်ထက်စီးနင်း ချုပ်ကိုင်မှုတွေဟာ အိမ်ထောင်ရေးမှာ အိမ်တွင်းအကြမ်းဖက်မှု ဖြစ်စေနိုင်တဲ့ အဓိက ရှေ့ပြေးလက္ခဏာ ဖြစ်တဲ့အတွက် နိုင်ထက်စီးနင်းတဲ့ အမှုအကျင့်တွေကို အရေးယူပေးဖို့ အိမ်တွင်းအကြမ်းဖက်မှု တိုက်ဖျက်ရေးသမားတွေက တောင်းဆိုနေကြပါတယ်။

အကယ်လို့ သင့်အနေနဲ့ အသုံးစရိတ်အတွက် တောင်းခံမှု လုပ်နေရရင် ဒါမှမဟုတ် ပိုက်ဆံ ကိုင်ခွင့်မရှိရင်၊ အကယ်လို့ သင်ဟာ မိသားစုတွေ၊ တခြားမိတ်ဆွေတွေနဲ့ လွတ်လပ်စွာ ပေါင်းသင်းခွင့်မရှိတာတွေ၊ သူတို့နဲ့ မပေါင်းနဲ့လို့ ပြောဆိုတာ ဒါမှမဟုတ် သူတို့နဲ့ မပေါင်းသင်းနိုင်အောင် လုပ်ဆောင်တာ ဆိုမျိုးတွေ၊ သင့်ကိုလည်း တချိန်လုံး အရိုအသေတန်ပြီး သိက္ခာချတာတွေ၊ သေးသိမ်အောင် လုပ်နေရင် ဒါမှမဟုတ် သူတို့ကို ထားခဲ့ရင် သူတို့ကို သူတို့ သေကြောင်းကြံမယ်၊ နာကြင်အောင် လုပ်မယ်လို့ ခြိမ်းခြောက်တာမျိုး၊ ဒါမှမဟုတ် အိမ်မွေးတိရိစာ္တန်ကို နှိပ်စက်မယ် ဒါမှမဟုတ် သား၊သမီးကို ရိုက်နှက်မယ်၊ သတ်ပစ်မယ်ဆိုပြီး ပြောဆိုတာမျိုးတွေဟာ ထိန်းချုပ်မှု လွန်ကဲခြင်းလို့ ခေါ်တဲ့ အိမ်တွင်းအကြမ်းဖက်မှု တစ်မျိုး ဖြစ်ပါတယ်။

ယုံကြည်ရာ ဘာသာကို ဆန့်ကျင်တဲ့အရာမျိုး လုပ်ခိုင်းခြင်း ဥပမာ ဟိန္ဒူဘာသာနောက်ခံရှိသူ မွတ်ဆလင်နောက်ခံ ရှိသူကို သူတို့ ယုံကြည်မှုနဲ့ ဆန့်ကျင်တဲ့ အရာကို လုပ်ခိုင်းတာတွေ၊ ဒါမှမဟုတ် အသားမစားတဲ့လူကို အသားဟင်းချက်ခိုင်းပြီး မချက်နိုင်ဘူးလို့ ပြောတဲ့အခါ ဒေါသနဲ့ ဝေဖန်တာမျိုးတွေ ဖြစ်ပါတယ်။

ချစ်သူရည်းစား၊ ဒါမှမဟုတ် ယောက်ကျားဖြစ်သူက အတင်းအဓမ္မနည်းနဲ့ မယားဖြစ်သူကို ကိုယ်ဝန်ရအောင် လုပ်တာမျိုးလည်း ပါဝင်ပြီး အဲဒီလို လုပ်ရင် အမျိုးသမီးက သူ့အပေါ် ဆက်လက် မှီခိုနေအောင် လုပ်ဆောင်တာမျိုး ဖြစ်တယ်လို့ ပြောပါတယ်။

သူမရဲ့ အလုပ်က ခေါင်းငုံ့ပြီး ပြောသလိုသာ လုပ်ဖို့ ဖြစ်ပါတယ်။ အများအားဖြင့်တော့ သူတို့ယာက်ကျားတွေနောက်လိုက်၊ ယောက်ကျားရဲ့ ဆုံးဖြတ်ချက် မှတ်သမျှ သဘောတူလိုက်ရင် မယားကောင်းဖြစ်တယ်ဆိုတာကို ယုံကြည်အောင် ရိုက်သွင်းခံရတာ ဖြစ်ပါတယ်။

SBS ကနေ 'See What You Made Me Do' ဆိုတဲ့ ရုပ်မြင်သံကြား အစီအစဉ်ကို မေလ ၅ ရက် ဗုဒ္ဒဟူးနေ့ ည ၈ နာရီ ခွဲမှာ စတင်ထုတ်လွှင့်ဖို့ ရှိပြီး SBS ရုပ်မြင်သံကြားမှာဖြစ်ဖြစ် SBS On Demand မှာပဲ ဖြစ်ဖြစ် ပြန်လည် ကြည့်ရှုနိုင်ပါတယ်။ အပိုင်း ၃ ပိုင်းရှိတဲ့အတွက် ဒုတိယပိုင်းနဲ့ တတိယပိုင်းကို တစ်ပတ်ခြားစီ ထုတ်လွှင့်မှာဖြစ်ပြီး မေလ ၁၂ ရက်နဲ့ ၁၉ ရက်မှာ ထုတ်လွှင့်ဖို့ ရှိပါတယ်။ အဲဒီအစီအစဉ်တွေကို တနင်္ဂနွေနေ့ ည ၉ နာရီခွဲမှာ  SBS VICELAND အစီအစဉ်မှာ ပြန်လည် ပြသမှာ ဖြစ်ပါတယ်။

အကယ်လို့ သင်ဖြစ်စေ၊ ကလေးတစ်ဦးက အသက်အနာ္တရာယ်အတွက် စိုးရိမ်ရရင် သုံညသုံးလုံးကို ချက်ခြင်း ဖုန်းဆက်ပါ။
သင်ကိုယ်တိုင် ဒါမှမဟုတ် သင်သိသူ တစ်ဦးဦးကနေ အကူအညီလိုအပ်ရင် 1800 RESPECT ရဲ့ဖုန်းဖြစ်တဲ့ 1800 737 732 ကို ဖုန်းဆက်နိုင်သလို 1800RESPECT.org.au ကို သွားပြီးတော့လည်း အကူအညီတောင်းနိုင်ပါတယ်။
လူငယ်တွေအတွက် Kids Helpline ရဲ့ ဖုန်းဖြစ်တဲ့ 1800 55 1800 ကို ဖုန်းဆက်နိုင်သလို kidshelpline.com.au ကိုလည်း အကူညီတောင်းခံနိုင်ပါတယ်။
အမျိုးသားတွေအနေနဲ့ Men’s Referral Service ရဲ့ ဖုန်းဖြစ်တဲ့1300 766 491 ကို ဖုန်းဆက်နိုင်သလို  ntv.org.au ကို အကူညီတောင်းနိုင်ပါတယ်။
ဒါမှမဟုတ် Lifeline ရဲ့ဖုန်းဖြစ်တဲ့ 13 11 14ကို ဖုန်းဆက်နိုင်သလို www.lifeline.org.au ကိုလည်း အကူအညီတောင်းခံနိုင်ပါတယ်ရှင်။

Coming up next

# TITLE RELEASED TIME MORE
အိမ်ထောင်ဖက်အပေါ် လွန်ကဲစွာ ထိန်းချုပ်မှုကို ပြစ်မှူအဖြစ် သတ်မှတ်ပေးဖို့ တောင်းဆိုမှုများလာ 04/05/2021 12:35 ...
ဩစတြေးလျနိုင်ငံရဲ့ ဝင်ခွင့်ကန့်သတ်ထားတဲ့ အထက်တန်းကျောင်းတွေအကြောင်း 22/06/2021 13:52 ...
မြန်မာပြည်တွက်ရံပုံငွေရှာ ထမင်းစားပွဲသတင်း။ 22/06/2021 19:24 ...
အလုပ်ရှင်များကာကွယ်ဆေးထိုးဖို့ လုပ်သားများကိုတောင်းဆိုနိုင်ပါသလား။ 22/06/2021 08:51 ...
SBS မြန်မာပိုင်း အစီအစဉ် ဇွန်လ ၂၂ ရက် ပေါ့ကတ်စ်သ တင်းများ။ 22/06/2021 11:13 ...
အာဏာသိမ်းမှုနောက်ဆက်တွဲ ရပ်တန့်လုနီးပါးဖြစ်နေတဲ့ မူးယစ်တိုက်ဖျက်ရေး 19/06/2021 09:41 ...
နွေးဦးတော်လှန်ရေးမှာ တက်ကြွစွာသီဆိုတိုက်ပွဲဝင်နေတဲ့ သမီးနှင့်ဖခင်။ 19/06/2021 17:46 ...
ကျမ်းမာမှု ဓလေ့ကျင့်ထုံးက သေမှာကို ထိမ်းနိုင်မယ်လို့ စိတ်ကိုလှည့်စားနေပါတယ်။ 19/06/2021 11:08 ...
SBS မြန်မာပိုင်း အစီအစဉ် ဇွန်လ ၁၉ ရက် ပေါ့ကတ်စ်သ တင်းများ။ 19/06/2021 15:18 ...
တိုက်ခိုက်မှု ယာယီရပ်ဆိုင်းတာက စစ်ရှောင်တွေအတွက် ဘယ်လို ဖြစ်စေနိုင်သလဲ 15/06/2021 07:34 ...
View More