NSW နယ်ဒေသမှာ တင်းကြပ်မှုရက်တိုးထား၊ Vic မှာ lockdownရက်ပေါင်း၂၀၀ရှိပြီ

ဒါကတော့ ၂၀၂၁ ခုနှစ် သြဂုတ်လ ၁၉ ရက်နေ့အတွက် သြစတြေးလျနိုင်ငံဆိုင်ရာ ကိုရိုနာဗိုင်းရပ်စ်အခြေအနေ ဖြစ်ပါတယ်။

People are seen waiting in line outside of the Palais Theatre at a pop-up testing facility in St Kilda, Melbourne, Thursday, August 19, 2021. Source: AAP Image/James Ross

NSW နယ်ဒေသမှာ သြဂုတ်လ ၂၈ ရက်အထိ လော့ခ်ဒေါင်းချမှတ်
ဗစ်တိုးရီးယားမှာ ကူးစက်သူ ဦးရေတိုးလာ၊ လော့ခ်ဒေါင်းချမှတ်တဲ့ ရက်ပေါင်း ၂၀၀ ရှိပြီ
ACT မှာ ဘယ်လိုကနေ ဘယ်လို ကူးစက်မှန်း မသိတဲ့ ကူးစက်မှု ၉ ခုရှိ
Queensland နဲ့ NT မှာ ရောဂါကူးစက်ခံရသူ တိုးလာခြင်းမရှိ

New South Wales

NSW မှာ ဒီကနေ့ ရောဂါကူးစက်သူ ၆၈၁ ဦးရှိပြီး အနည်းဆုံး ၈၇ ဦးဟာ ရောဂါရှိနေတဲ့ကာလအတွင်း လူမှုအသိုင်းအဝိုင်းထဲ သွားလာခဲ့ကြသူတွေ ဖြစ်ပါတယ်။

အသက် ၈၀ ဝန်းကျင်အမျိုးသားတစ်ဦးသေဆုံးခဲ့အတွက် လက်ရှိ Delta မျိုးကွဲ ကိုရိုနာဗိုင်းရပ်စ်ကူးစက်ပြန့်နှံ့မှုကြောင့် သေဆုံးရသူက ၆၁ ဦး ရှိသွားပြီ ဖြစ်ပါတယ်။

Merrylands, Guildford, Auburn, Granville, Lidcombe, Greenacre နဲ့ Blacktown ဧရိယာမှာ ကူးစက်ပြန့်နှံ့မှုတွေ အများဆုံးဖြစ်နေတာလို့ ပြည်နယ်ဝန်ကြီးချုပ် Gladys Berejiklian က ပြောပါတယ်။

ဆေးရုံက အထူးကြပ်မတ်ဆောင်မှာ ကုသမှုခံယူသူ ၈၂ ဦးရှိတဲ့အထဲက ၇၁ ဦးဟာ ကာကွယ်ဆေး မထိုးထားတဲ့လူတွေ ဖြစ်ကြပါတယ်။

ဒီနေရာမှာ ကာကွယ်ဆေးထိုးဖို့ ရက်ချိန်းယူနိုင်ပါတယ်။

Victoria

Victoria ပြည်နယ်မှာ ရောဂါကူးစက်ခံရသူ ၅၇ ဦးရှိပြီး အဲဒီအထဲက ၃ ဦးဟာ ဘယ်လိုကနေ ဘယ်လို ကူးစက်သလဲဆိုတာကို မသိရသေးပါဘူး။ ကူးစက်သူ ၅၇ ဦးထဲက ၁၃ ဦးဟာ ရောဂါရှိနေတဲ့ ကာလအတွင်း လူမှုအသိုင်းအဝိုင်းထဲ သွားလာခဲ့ကြသူတွေ ဖြစ်ပါတယ်။

ဒုတိယကျန်းမာရေးမှူးချုပ် Ben Cowie ရဲ့အဆိုအရ ဗစ်တိုးရီးယားပြည်နယ် မြောက်ပိုင်း Shepparton နဲ့ မဲလ်ဘုန်းမြို့ Ardeer ရပ်ကွက်ရဲ့ ရေဆိုးတွေကို လေ့လာတဲ့စမ်းသပ်တဲ့အခါမှာ ကိုရိုနာဗိုင်းရပ်စ်ရှိနေတာကို တစ်ကြိမ်ထက်မက ပြုလုပ်တဲ့ စစ်ဆေးမှုမှာ တွေ့ခဲ့ရတယ်လို့ ပြောပါတယ်။

ဒီနေရာမှာ ကာကွယ်ဆေး ထိုးပေးတဲ့ စင်တာတွေကို ရှာကြည့်နိုင်ပါတယ်။

Australian Capital Territory

ACT မှာ ကူးစက်သူ ၁၆ ဦးတိုးလာပြီး အဲဒီအထဲက ၅ ဦးဟာ လက်ရှိဖြစ်ပေါ်နေတဲ့ ကူးစက်ပြန့်နှံ့မှုတွေနဲ့ ဆက်စပ်မှု မရှိဘူးလို့ သိရပါတယ်။ အခုဆိုရင် ကင်ဘာရာမှာ ရောဂါကူးစက်ခံရသူ ၈၃ ဦး ရှိသွားပြီ ဖြစ်ပါတယ်။

ကင်ဘာရာမြို့က ရထား၊ ဘတ်စ်ကားလိုင်းနဲ့ Turner က ကလေးထိန်းကျောင်းနဲ့ Belconnen အထွေထွေကု ဆေးခန်းတို့ဟာ ရောဂါ ရှိသူတွေ သွားလာခဲ့တဲ့ နေရာအသစ်ထဲ ပါဝင်လာပါတယ်။

သင့်အနေနဲ့ ကိုဗစ်-၁၉ ကာကွယ်ဆေး ထိုးခွင့်ရှိမရှိ ဆိုတာကို ဒီနေရာမှာ လေ့လာပါ။

လွန်ခဲ့တဲ့ ၂၄ နာရီအတွင်း သြစတြေးလျနိုင်ငံတဝှမ်းရဲ့ အခြေအနေ

Greater Darwin ဒါဝင်မှာ ချမှတ်ထားတဲ့ တင်းကြပ်မှုတွေကို ဖြေလျှော့ပေးလိုက်ပြီး စည်းမျဉ်းတချို့ကိုတော့ ချမှတ်ထားဆဲ ဖြစ်ပါတယ်။
Katherine မှာ လော့ခ်ဒေါင်းရက်ကို သြဂုတ်လ ၂၀ ရက် သောကြာနေ့ မွန်းလွဲ ၁၂ နာရီအထိ တိုးချဲ့ချမှတ်လိုက်ပါတယ်။
ပြည်နယ်ဝန်ကြီးချုပ် Annastacia Palaszczuk က နယူးဆောက်သ်ဝေးလ် ပြည်နယ်ရဲ့ နယ်စပ်တွေကနေ လူတွေ ခိုးဝင်လာတာမျိုး မရှိအောင် စောင့်ကြည့်ဖို့ စစ်သားတွေကို စေလွှတ်ပေးဖို့ တောင်းဆိုထားပါတယ်။

ကွာရန်တင်းကိစ္စ၊ ခရီးသွားလာရေး၊ ရောဂါစမ်းသပ်စစ်ဆေးရေးဆေးခန်းနဲ့ , pandemic disaster payment ထောက်ပံ့ကြေးတွေကို ပြည်နယ်နဲ့ ဒေသအစိုးရအသီးသီးက သီးသန့်စီ စီမံခန့်ခွဲနေပါတယ်။ သိလိုရင် အောက်ပါလင့်ခ်တွေမှာ ဖတ်ရှုလေ့လာနိုင်ပါတယ်။

NSW Travel & transport and Quarantine

VIC Travel permit, Overseas travellers and Quarantine

ACT Transport and Quarantine

NT Travel and Quarantine

QLD Travel and Quarantine

SA Travel and Quarantine

TAS Travel and Quarantine

WA Travel and Quarantine

ပြည်ပနိုင်ငံတွေကို သွားလာချင်ရင် သွားလာခွင့်ရဖို့ အွန်လိုင်းမှာ လျှောက်ထားရင် ခွင့်ပြုချက်ရကောင်း ရနိုင်ပါတယ်။ သြစတြေးလျနိုင်ငံကနေ ထွက်ခွာဖို့ ဘာတွေလိုအပ်သလဲ ဘယ်အနေအထားဖြစ်ဖို့ လိုသလဲ ဆိုတာကို သိရဖို့ ဒီနေရာမှာ အချက်အလက် ပိုရယူနိုင်ပါတယ်။ နိုင်ငံတကာ လေကြောင်းတွေမှာလည်း မသေခြာမှုတွေ မရေရာမှုတွေ ဖြစ်နေပြီး အစိုးရကနေ ပုံမှန်ပြန်လည် ဆန်းစစ်တာမျိုးလုပ်နေပြီး နောက်ဆုံးရ အချက်အလက်ကို Smart Traveller ဝဘ်ဆိုက်မှာ ရှာကြည့်နိုင်ပါတယ်။