NSW မှာ ဖြေလျှော့မှု လုပ်ပေးတိုင်း ပေါ့ပေါ့ မနေကြဖို့ အစိုးရတိုက်တွန်း

ဒါကတော့ ၂၀၂၁ ခုနှစ် စက်တင်ဘာလ ၁၃ ရက်နေ့အတွက် သြစတြေးလျနိုင်ငံဆိုင်ရာ ကိုရိုနာဗိုင်းရပ်စ်အခြေအနေ ဖြစ်ပါတယ်။

Police patrol Bondi beach, in Sydney, Saturday, September 11, 2021. Source: AAP Image/Dan Himbrechts

NSW မှာ အသက် ၁၂ ကျော်သူတွေ GP ဆေးခန်းတွေမျာ ကာကွယ်ဆေးထိုးနိုင်ပြီး
COVID-19 ကြောင့် ဗစ်တိုးရီးယားပြည်နယ်ရဲ့ ရထားပြေးဆွဲမှုတွေမှာ အခက်အခဲတွေ ဖြစ်နေရ
ACT မှာ အသက် ၁၂ နှစ်ကျော် လူတွေအတွက် ကာကွယ်ဆေးထိုးဖို့ ရက်ချိန်းယူနိုင်ပြီလို့ ကြေညာ
Queensland မှာ ဒီကနေ့ ကူးစက်သူ ၂ ဦးတိုးလာ

New South Wales

NSW မှာ ဒီကနေ့ ကူးစက်သူ ၁၂၅၇ ဦးများလာပြီး ၇ ဦးလည်း ထပ်မံသေဆုံးရပါတယ်။

ရောဂါကူးစက်မှု အများဆုံး ရပ်ကွက်တွေက Greenacre, Auburn, Yagoona, Liverpool, Punchbowl, Guildford, Redfern, Bankstown, Condell Park နဲ့ Busby တို့ ဖြစ်ကြပါတယ်။ Glebe နဲ့ Redfern မြို့လယ်တွေမှာလည်း ကူးစက်မှုတွေ တိုးလာနေပါတယ်။

ဒီကနေ့ကစပြီး အသက် ၁၂ နှစ်ကနေ ၁၅ နှစ်အကြား လူငယ်တွေ GP ဆေးခန်းတွေမှာ Pfizer ကာကွယ်ဆေး ထိုးနိုင်ပြီး Moderna ကာကွယ်ဆေးကတော့ လာမယ့် တစ်ပတ်ကစပြီး ဆေးအရောင်းဆိုင်တွေမှာ ထိုးနိုင်ပြီ ဖြစ်ပါတယ်။

ကာကွယ်ဆေး နှစ်ချောင်းလုံး ထိုးပြီးသူတွေအနေနဲ့ နေအိမ်ပြင်ပမှာ လူ ၅ ဦးအထိ စုဝေးခွင့်ရပြီ ဖြစ်ပါတယ်။

ဒီနေရာမှာ ကာကွယ်ဆေးထိုးဖို့ ရက်ချိန်းယူနိုင်ပါတယ်။

Victoria

Victoria ပြည်နယ်မှာ ဒီကနေ့ ကူးစက်သူ ၄၇၃ ဦး တိုးလာပြီး ဒါဟာ အခုတစ်ဖန် ဖြစ်နေတဲ့ ကူးစက်မှုလှိုင်းအတွင်း အများဆုံး ကူးစက်ခံရတဲ့နှုန်း ဖြစ်ပါတယ်။

ကလေးထိန်းစင်တာ ၄ ခုကို ရောဂါရှိသူတွေ သွားလာခဲ့တဲ့နေရာ tier 1 အဆင့် သတ်မှတ်လိုက်ပါတယ်။ V/Line ရထား ဒရိုက်ဘာအပါအဝင် အမှုထမ်း ၅ ဦးတိုး ကိုရိုနာဗိုင်းရပ်စ် ကူးစက်ခံရတဲ့အတွက် ရာနဲ့ချီတဲ့ အမှုထမ်းတွေ ရောဂါစစ်ဆေးပြီး အိမ်မှာ သီးသန့်နေထိုင်မှု လုပ်နေရတဲ့အတွက် ရထားပြေးဆွဲမှုမှာ အခက်အခဲတွေ နှောင့်နှေးမှုတွေ ဖြစ်နေရပါတယ်။

ကာကွယ်ဆေး ထိုးပေးတဲ့ စင်တာတွေကို ရှာကြည့်နိုင်ပါတယ်။

Australian Capital Territory

ACT မှာ ဒီကနေ့ ကူးစက်သူ ၁၃ ဦး တိုးလာပါတယ်။

စက်တင်ဘာလ ၂၀ ရက်ကစပြီး အသက် ၁၂ နှစ်ကနေ ၁၅ နှစ်အကြား လူငယ်တွေအနေနဲ့ အစိုးရပိုင် ဆေးခန်းမှာ Pfizer ကာကွယ်ဆေးထိုးဖို့ ရက်ချိန်းရယူနိုင်မှာ ဖြစ်ပါတယ်။

Covid-19 ကာကွယ်ဆေး ထိုးခွင့်ရှိမရှိ ဒီနေရာမှာ ရှာကြည့်နိုင်ပါတယ်။

လွန်ခဲ့တဲ့ ၂၄ နာရီအတွင်း သြစတြေးလျ တလွှားရဲ့ အခြေအနေ

Queensland ပြည်နယ်မှာ ကူးစက်သူ ၂ ဦး တိုးလာပြီး အရင်တစ်ပတ်တုန်းက ဘရစ္စဘိန်းမြို့က စာသင်ကျောင်းမှာ ကျောင်းသူတစ်ဦး ကူးစက်ခံရတာနဲ့ ဆက်စပ်နေတာ ဖြစ်ပါတယ်။
Australian Technical Advisory Group on Immunisation အဖွဲ့က Moderna ကာကွယ်ဆေးဟာ အသက် ၁၂ နှစ်နဲ့ အထက်ရှိသူတွေအတွက် လုံသင့်တော်တဲ့ဆေးဖြစ်တယ်လို့ အတည်ပြုပေးထားပါတယ်။

ကွာရန်တင်းကိစ္စ၊ ခရီးသွားလာရေး၊ ရောဂါစမ်းသပ်စစ်ဆေးရေးဆေးခန်းနဲ့ , pandemic disaster payment ထောက်ပံ့ကြေးတွေကို ပြည်နယ်နဲ့ ဒေသအစိုးရအသီးသီးက သီးသန့်စီ စီမံခန့်ခွဲနေပါတယ်။ သိလိုရင် အောက်ပါလင့်ခ်တွေမှာ ဖတ်ရှုလေ့လာနိုင်ပါတယ်။

NSW Travel & transport and Quarantine

VIC Travel permit, Overseas travellers and Quarantine

ACT Transport and Quarantine

NT Travel and Quarantine

QLD Travel and Quarantine

SA Travel and Quarantine

TAS Travel and Quarantine

WA Travel and Quarantine

ပြည်ပနိုင်ငံတွေကို သွားလာချင်ရင် သွားလာခွင့်ရဖို့ အွန်လိုင်းမှာ လျှောက်ထားရင် ခွင့်ပြုချက်ရကောင်း ရနိုင်ပါတယ်။ သြစတြေးလျနိုင်ငံကနေ ထွက်ခွာဖို့ ဘာတွေလိုအပ်သလဲ ဘယ်အနေအထားဖြစ်ဖို့ လိုသလဲ ဆိုတာကို သိရဖို့ ဒီနေရာမှာ အချက်အလက် ပိုရယူနိုင်ပါတယ်။ နိုင်ငံတကာ လေကြောင်းတွေမှာလည်း မသေခြာမှုတွေ မရေရာမှုတွေ ဖြစ်နေပြီး အစိုးရကနေ ပုံမှန်ပြန်လည် ဆန်းစစ်တာမျိုးလုပ်နေပြီး နောက်ဆုံးရ အချက်အလက်ကို Smart Traveller ဝဘ်ဆိုက်မှာ ရှာကြည့်နိုင်ပါတယ်။