- TGA က နိုဝင်ဘာလ ၁ ရက်ကစပြီး လူတွေ မိမိဖာသာ ရောဂါရှိမရှိ စစ်ဆေးတာမျိုး လုပ်ပေးသင့်တယ်လို့ အကြံပြု
- Victoria မှာ တစ်ရက်အတွင်း ကူးစက်မှုအများဆုံးနေ့အဖြစ် စံချိန်တင်နေ
- ကွင်းစလန်းပြည်နယ်မှာ NRL ရာဘီဘောလုံးရဲ့ ဗိုလ်လုပွဲအပြီး ရောဂါကူးစက်မှု နှစ်ခုဖြစ်ပွားနေ
Victoria
Victoria မှာ ဒီကနေ့ ကူးစက်သူ ၈၆၇ ဦးတိုးလာပြီး ၄ ဦး သေဆုံးခဲ့ရပါတယ်။ အခုဆိုရင် ပြည်နယ်အတွင်းမှာ ရောဂါကူးစက်သူ ၉ ၂၆၁ ဦး ရှိသွားပြီ ဖြစ်ပါတယ်။
ပြည်ပနိုင်ငံနဲ့ တခြားပြည်နယ်ကနေ ပြန်ရောက်လာတဲ့ ပြည်နယ်သားတွေကို စောင့်ကြည့်လေ့လာနိုင်ဖို့အတွက် app တစ်ခုကို စမ်းသပ်အသုံးပြုနေပါတယ်။
Queensland
ကွင်းစလန်းပြည်နယ်မှာ NRL ရာဘီဘောလုံးရဲ့ ဗိုလ်လုပွဲအပြီး ကိုရိုနာဗိုင်းရပ်စ် ကူးစက်မှု အသစ် ၂ ခု ဖြစ်ပွားနေပြီး တစ်ခုကတော့ ထရပ်ကားသမားနဲ့ ဆက်စပ်နေတာဖြစ်ပြီး အဲဒီလူဟာ ရောဂါရှိနေတဲ့ ကာလအတွင်း လူမှုအသိုင်းအဝိုင်းထဲ ၈ ရက်ကြာ သွားလာခဲ့တယ်လို့ သိရပါတယ်။
ပြည်နယ်အတွင်းမှာ ကူးစက်သူ ၄ ဦးတိုးလာပြီး Brisbane နဲ့ Moreton Bay မှာ နေထိုင်သူတွေ နှာခေါင်းစည်း မဖြစ်မနေ တပ်ဆင်ရမယ်လို့ သတ်မှတ်ထားပါတယ်။
New South Wales
NSW မှာ ဒီကနေ့ ကူးစက်သူ ၈၆၃ ဦးရှိပြီး ၇ ဦး သေဆုံးခဲ့ရပါတယ်။ ကူးစက်မှုအများစုဟာ ဆစ်ဒနီမြို့ အနောက်တောင်ပိုင်းနဲ့ အနောက်ပိုင်း ကျန်းမာရေးဌာနလက်အောက်မှာ ရှိတဲ့ရပ်ကွက်တွေမှာ အဖြစ်များတာ ဖြစ်ပါတယ်။
ရောဂါကူးစက်မှုတွေ များလာတဲ့အတွက် Port Macquarie နဲ့ Muswellbrook မြို့နယ်မှာ လော့ခ်ဒေါင်း ချသင့်မသင့် အာဏာပိုင်တွေက စဉ်းစားနေသလို Kempsey လော့ခ်ဒေါင်းကိုလည်း ရက်တိုးသင့်မသင့် စဉ်းစားနေပါတယ်။
Australian Capital Territory
ACT ရဲ့ အကြီးအကဲ Andrew Barr က သူတို့ဒေသမှာ လော့ခ်ဒေါင်းဖယ်ရှားရေးကို တဖြေးဖြေးခြင်းသာ လုပ်ဆောင်မှာဖြစ်တယ်လို့ ပြောပါတယ်။ ဒီကနေ့ ကူးစက်သူ ၁၃ ဦးရှိပြီး လူ ၈ ဦး ဆေးရုံတင်ထားရပြီး ၃ ဦးကတော့ အထူးကြပ်မတ်ဆောင်မှာ ventilator ကို အသုံးပြုနေရတယ်လို့ ပြောပါတယ်။
လွန်ခဲ့တဲ့ ၂၄ နာရီအတွင်း သြစတြေးလျရဲ့ အခြေအနေ
Theraputic Goods Administration (TGA) ကနေ နိုဝင်ဘာလ ၁ ရက်နေ့ကစပြီး ကိုရိုနာဗိုင်းရပ်စ် ရောဂါရှိမရှိ နေအိမ်ကနေပဲ မိမိဖာသာ စစ်ဆေးမှုလုပ်ပေးသင့်တယ်လို့ အစိုးရကို အကြံပြုထားပါတယ်။
ကွာရန်တင်းကိစ္စ၊ ခရီးသွားလာရေး၊ ရောဂါစမ်းသပ်စစ်ဆေးရေးဆေးခန်းနဲ့ , pandemic disaster payment ထောက်ပံ့ကြေးတွေကို ပြည်နယ်နဲ့ ဒေသအစိုးရအသီးသီးက သီးသန့်စီ စီမံခန့်ခွဲနေပါတယ်။ သိလိုရင် အောက်ပါလင့်ခ်တွေမှာ ဖတ်ရှုလေ့လာနိုင်ပါတယ်။
ပြည်ပနိုင်ငံတွေကို သွားလာချင်ရင် သွားလာခွင့်ရဖို့ အွန်လိုင်းမှာ လျှောက်ထားရင် ခွင့်ပြုချက်ရကောင်း ရနိုင်ပါတယ်။ သြစတြေးလျနိုင်ငံကနေ ထွက်ခွာဖို့ ဘာတွေလိုအပ်သလဲ ဘယ်အနေအထားဖြစ်ဖို့ လိုသလဲ ဆိုတာကို သိရဖို့ ဒီနေရာမှာ အချက်အလက် ပိုရယူနိုင်ပါတယ်။ နိုင်ငံတကာ လေကြောင်းတွေမှာလည်း မသေခြာမှုတွေ မရေရာမှုတွေ ဖြစ်နေပြီး အစိုးရကနေ ပုံမှန်ပြန်လည် ဆန်းစစ်တာမျိုးလုပ်နေပြီး နောက်ဆုံးရ အချက်အလက်ကို Smart Traveller ဝဘ်ဆိုက်မှာ ရှာကြည့်နိုင်ပါတယ်။
- သတင်းနဲ့ အချက်အလက်တွေကို ဘာသာစကားပေါင်း ၆၀ ကျော်နဲ့ sbs.com.au/coronavirus မှာ ဖတ်ရှုု နိုင်ပါတယ်။
- သင်နေထိုင်ရာ ပြည်နယ်နဲ့ ဒေသအလိုက် လမ်းညွန်ချက်တွေကို NSW, Victoria, Queensland, Western Australia, South Australia, Northern Territory, ACT, Tasmaniaမှာ ကြည့်ရှုပါ။
- သင့်ဘာသာစကားနဲ့ ကာကွယ်ဆေး ထိုးပေးခြင်း အချက်အလက်တွေကို COVID-19 vaccine in your language မှာ လေ့လာပါ။
NSW Multicultural Health Communication Service ကနေ ဘာသာပြန်ထားတဲ့ အချက်အလက်တွေရှိနေပြီး အောက်ပါလင့်ခ်တွေမှာ လေ့လာနိုင်ပါတယ်။
ပြည်နယ်ဒေသအလိုက် ရောဂါစမ်းသပ်စစ်ဆေးရေး စင်တာတွေကို အောက်ပါလင့်ခ်မှာ ရှာကြည့်နိုင်ပါတယ်။
ပြည်နယ်နဲ့ ဒေသအလိုက်ဆိုင်ရာ ငွေကြေးထောက်ပံ့မှု Pandemic disaster payment တွေကို အောက်ပါလင့်ခ်မှာ ရှာကြည့်နိုင်ပါတယ်။
