Bureau of Infrastructure and Transport Research Economics ရဲ့ ကနေ တနင်္လာနေ့တုန်းက ထုတ်ပြန်တဲ့ အစီရင်ခံစာအရ နိုဝင်ဘာလ ၃၀ ရက်အထိ ၁၂ လတာအတွင်း လမ်းမတော်တဆမှုနဲ့ ဆက်စပ်ပြီး သေဆုံးမှုဟာ ၆.၃% ပိုများတယ်လို့ ဖော်ပြထားပါတယ်။
အဲဒီအထဲမှာ South Australia က အဆိုးဝါးဆုံးဖြစ်ခဲ့ပြီး မတော်တဆမှုကြောင့် သေဆုံးရမှုက ၆၁.၄% မြင့်တက်လာပြီး၊ နယူးဆောက်သ်ဝေးလ်မှာ ၂၃.၈% နဲ့ ဗစ်တိုးရီးယားမှာ ၁၄.၅% ပိုများလာတာ ဖြစ်ပါတယ်။
ခရစ္စမတ်နဲ့ နှစ်သစ်ကူးကာလအတွင်း လူတွေ လမ်းပေါ်မှာ ပိုမို သွားလာကြမှာဖြစ်လို့ အာဏာပိုင်တွေက မိမိကိုယ်ကိုနဲ့ တခြားလူတွေပါ ဘေးအန္တရာယ်ကင်းအောင် ဂရုစိုက်ကြပါလို့ ကားမောင်းသူတွေကို ပန်ကြားထားပါတယ်။
ဘယ်အရာတွေက မတော်တဆမှု အများဆုံး ဖြစ်စေသလဲ
လူအများအပြားက ယာဥ်မတော်တဆမှုတွေဟာ အသက်ငယ်တဲ့ ယာဥ်မောင်းသမားတွေကြောင့် အများဆုံး ဖြစ်ရတာလို့ ယူဆကြတယ်လို့ ဗစ်တိုးရီးယားပြည်နယ်က သွားလာရေးနဲ့ မတော်တဆမှုဆိုင်ရာ ကော်မရှင်ရဲ့ စီအီးအို
Tracey Slatter က ပြောပါတယ်။
တကယ်တမ်းမှာတော့ ယာဥ်မတော်တဆမှု အများစုဟာ အရှိန်မြင့်မားမှုကြောင့် ဖြစ်ရတာလို့ သူက ပြောပါတယ်။
အဲဒါကြောင့် ကားမောင်းရင် အရှိန်လျှော့မောင်းဖို့နဲ့ လမ်းရဲ့ အနေအထားအပေါ် မူတည်ပြီး ကြည့်မောင်းကြဖို့ တိုက်တွန်းထားပါတယ်။
လမ်းမှာ speed limit တွေ ထားရှိပေးတယ်ဆိုတာ အဲဒီအရှိန်ကို ပစ်မှတ်ထားရမယ်ဆိုတာမျိုး မဟုတ်ပဲ လမ်းရဲ့ အခြေအနေနဲ့ အနေအထားအပေါ်မူတည်ပြီး ကန့်သတ်ချက်ချထားတာဖြစ်ပြီး သတ်မှတ်ထားတဲ့ အရှိန်နှုန်းထက် လျှော့မောင်းသင့်တယ်လို့ အကြံပြုပါတယ်။
Amber Community အဖွဲ့ရဲ့ စီအီးအို Bernadette Nugent က တချို့လူတွေ ယူဆကြတာက လမ်းမတော်တဆမှုအများစုဟာ အရှိန်မြင့် မောင်းတဲ့လူတွေကြောင့် ဒါမှမဟုတ် အရက်၊ မူးယစ်ဆေးဝါးတွေ သောက်သုံးပြီး မောင်းကြလို့ ဖြစ်ရတာလို့ ထင်နေကြတယ်လို့ ပြောပါတယ်။
တကယ်တော့ နေ့စဥ် ကားမောင်းရာမှာ ဖြစ်တတ်တဲ့ အမှားတွေကလည်း ကားမတော်တဆမှုကနေ သေဆုံးတဲ့အထိ ဖြစ်စေတယ်လို့ ထောက်ပြထားပါတယ်။
အဲဒီအထဲမှာ အလည်အလတ် မူးနေတာတွေ၊ သတ်မှတ်ရှိန်ထက် ကျော်လွန်ပြီး မောင်းသူတွေပါသလို အနည်းငယ်သာ အရှိန်ပိုပြီး မောင်းရင်လည်း မတော်တဆမှု ဖြစ်နိုင်ခြေက များလာတာလို့ ပြောပါတယ်။
ဒီလ အစောပိုင်းတုန်းက Australian Road Safety Foundation (ARSF) ကနေ ခရစ္စမတ်နဲ့ နှစ်သစ်ကူးကာလအတွင်း လမ်းရဲ့ အခြေအနေကို ကြည့်ပြီး မောင်းကြဖို့၊ မကြာခဏ လမ်းမှာ အနားယူတာမျိုးတွေလုပ်ဖို့ တိုက်တွန်းထားပါတယ်။
မိုဘိုင်းဖုန်းကို အသုံးပြုပြီး ကားမောင်းတာမျိုး လုံးဝမလုပ်ဖို့လည်း တိုက်တွန်းထားပါတယ်။
ဘေးကနေ လိုက်ပါလာတဲ့ လူတွေကလည်း ကားမောင်းသူကို အာရုံနောက်စေတာ အာရုံလွဲစေတာမျိုး မလုပ်ဖို့အရေးကြီးသလို ဘေးကနေ လိုက်ပြီး ကြည့်ကူတဲ့ မျက်ဝန်းတစ်စုံ အဖြစ် လိုက်ပါသင့်တယ်လို့ ဆိုပါတယ်။
သင့်ရဲ့ကားက ဘယ်လောက် လုံခြုံပါသလဲ။
Slatter ရဲ့ အဆို မိမိအသုံးပြုတဲ့ ကားအမျိုးအစားကလည်း ကားမတော်တဆ ဖြစ်တဲ့အခါမှာ မိမိရဲ့ အသက် ချမ်းသာမှုအပေါ် သက်ရောက်မှု ဖြစ်စေနိုင်တယ်လို့ ပြောပါတယ်။
ကားဝယ်တဲ့အခါမှာ အရေးကြီးဆုံးက လုံခြုံမှုအရှိဆုံးကားနဲ့ ကားတွေရဲ့ လုံခြုံမှု အခြေအနေကို ကြည့်ပြီး အကဲဖြတ်ပေးတဲ့ ANCAP (Australasian New Car Assessment Program) ရဲ့ သတ်မှတ်ချက်ကို ကြည့်ပြီး ကြယ် ၅ လုံး five-star ANCAP အဆင့်ရှိတဲ့ ကားတွေကို ဝယ်စီးကြဖို့ အကြံပြုထားပါတယ်။
ကားအသစ်ဖြစ်တိုင်း ကြယ် ၅ လုံးအဆင့် လုံခြုံဘေးကင်းမှုရှိကြောင်း သတ်မှတ်ခံရတာမဟုတ်ဘူးလို့လည်း ရှင်းပြပါတယ်။.
မိမိရဲ့ကား လုံခြုံဘေးကင်းမှု သတ်မှတ်ချက်က ဘယ်အနေအထား ရှိသလဲ ဆိုတာကို သိချင်ရင် ဒီနေရာမှာ ရှာကြည့်နိုင်ပါတယ်။
.
ကားအသစ်စက်စက်ပဲ ဖြစ်ဖြစ် ကားအဟောင်းကို ဝယ်တာပဲ ဖြစ်ဖြစ်
five-star ANCAP သတ်မှတ်ခံထားရတဲ့ ကားတွေကို ဝယ်ရင် လုံခြုံဘေးကင်းမှု မရှိဆုံးဖြတ်မှာဖြစ်ပြီး SUV ကား အရွယ်အစား သို့မဟုတ် သေးငယ်မှုနဲ့ မဆိုင်ဘူးလို့ ပြောပါတယ်။
ကားမောင်သူရဲ့ အမူအကျင့်ဟာ ရေရှည် သက်ရောက်မှု ရှိနိုင်ပါတယ်။
NSW ပြည်နယ် ဝန်ကြီးချုပ် Chris Minns က ကားကို ဖြေးဖြေး မောင်းကြဖိုံ သတိပေးလိုက်ပြီး သတ်မှတ်ရှိန် ကျော်လွန်ပြီး မောင်းတာမျိုးဆိုရင် အမှတ် ၂ ဆ အလျှော့ခံရမယ်လို့ သတိပေးထားပါတယ်။
ကံကောင်းရင် ကားလိုင်စင် ပြုတ်သွားမှာဖြစ်ပြီး ကံဆိုးရင်တေတာ့ မိမိကိုယ်တိုင် ဒါမှမဟုတ် မိမိနဲ့ လိုက်ပါစီးနှင်လာသူတွေ ဒါမှမဟုတ် သင်မမြင်ဖူးသူ တစ်ဦးဦး သေဆုံးရတာမျိုး ဖြစ်နိုင်တယ်လို့ ပြောပါတယ်။
ကားမောင်းသူရဲ့ အပြုအမူက သက်ရောက်မှု ရှိနိုင်ပြီး မိသားစုတွေ ဝမ်းနည်းကြေကွဲရတာမျိုး ဖြစ်နိုင်ပြီး ဘယ်သူမှ မမြင်ချင် မလိုချင်တဲ့အရာ ဖြစ်တယ်လို့ ဆိုပါတယ်။
အသက်မသေပဲ ကျန်ခဲ့တဲ့ လူတချို့ဟာလည်း ဒဏ်ရာကြောင့် တသက်လုံး အလုပ်ပြန်ဝင်ခွင့်မရတာတွေဖြစ်နိုင်ပြီး မိသားစုနဲ့ ဆွေမျိုးတွေ အားလုံးအတွက်ပါ ကြီးမားတဲ့ ပြုပြင်ပြောင်းလဲမှု လုပ်ကိုင်ရမှာဖြစ်ပြီး တခါတလေ ဒဏ်ရာရသူကို စောင့်ရှောက်ဖို့အတွက် အလုပ်ထွက်လိုက်ရတာမျိုးလည်း ဖြစ်နိုင်တယ်လို့ ပြောပါတယ်။
- With the Australian Associated Press.
