အခုလောလောဆယ် သူငယ်တန်း မတတ်ခင် ကေဂျီအတန်း ဒါမှမဟုတ် ၄ နှစ်အရွယ်ရောက်မှသာ အခမဲ့ ကျောင်းတက်ခွင့်ရတာဖြစ်ပေမယ့် အခုအခါမှာ တစ်နှစ် စောစီးတက်နိုင်မှာ ဖြစ်လို့ ကလေးငယ်တိုင်း တူညီတဲ့ ပညာရေးအခွင့်အရေးရရှိမှာဖြစ်သလို အလုပ်လုပ်တဲ့ မိခင်တွေ ကောင်းမွန်စွာ အလုပ်ပြန်သွားနိုင်မှာဖြစ်လို့ အလုပ်လုပ်ဖို့လိုတဲ့ မိသားစုတွေအတွက် အကျိုးရှိမယ် ပြောဆိုကြပါတယ်။
3-year-old kinder တက်ရင် မိဘတွေက တချို့တဝက် အိတ်စိုက်ရတာ ဖြစ်ပါတယ်။
မကြာခင်မှာ အဲဒါတွေက အခမဲ့ ဖြစ်လာမှာဖြစ်ပြီး ဗစ်တိုးရီးယားပြည်နယ်မှာ အဲဒီအစီအစဥ်ကို ၂၀၂၅ ခုနှစ်မှာ စတင်မှာဖြစ်ပါတယ်။
အခုလောလောဆယ် 4-year-old kinder ဆိုတာကို 'pre-prep လို့ ပြောင်းလဲခေါ်မှာ ဖြစ်ပါတယ်။
ကလေးငယ်တွေ တစ်ပတ်မှာ ၅ ရက် ကျောင်းတက်နိုင်မှာဖြစ်ပြီး အခမဲ့ စီစဥ်ပေးတာဖြစ်ပြီး အဲဒီလို ခပ်ဆင်ဆင်အစီအစဥ်မျိုးကို New South Wales က ၂၀၃၀ မှာ စတင်မှာ ဖြစ်ပါတယ်။
နယူးဆောက်သ်ဝေးလ်ပြည်နယ်မှာတော့ အဲဒီအစီအစဥ်ကို pre-kindergarten လို့ ခေါ်မှာ ဖြစ်ပြီး pilot program စမ်းသပ်ရေး အစီအစဥ်ကို ၂၀၂၃ မှာ စတင် စမ်းကြည့်မှာ ဖြစ်ပါတယ်။
အဲဒီလို အစီအစဥ်ကို ၁၀ နှစ်ကြာ လုပ်ဆောင်ဖို့ ရည်ရွယ်ထားပြီး အဲဒီအတွက် New South Wales က ၅.၈ ဘီလီယံဒေါ်လာ ရာထားပြီး လာမယ့်လကစပြီး စီစဥ်နိုင်ဖို့ ဒေါ်လာ သန်း ၅၀ ရာထားထားပါတယ်။
ကလေးငယ်တွေအတွက် ကျောင်းအသစ် တည်ဆောက်မှုတွေ၊ နဂိုရှိပြီးသား မူလတန်းကျောင်းကို တိုးချဲ့ပြီး အဲဒီကလေးတွေကို ထားရှိနိုင်ဖို့အတွက်လည်း လုပ်ဆောင်ကြမှာ ဖြစ်ပါတယ်။
ဒီအစီအစဥ်အသစ်ကို မဖြစ်မနေ တက်ရမယ်လို့ သတ်မှတ်ထားတာမဟုတ်ပါဘူး။ ကနေဒါနိုင်ငံမှာ အလားတူ စနစ်မျိုး ကျင့်သုံးတဲ့အခါမှာ ဒီအစီအစဥ်သစ်မှာ ပါဝင်တဲ့ ကလေးငယ်ဦးရေက ၉၅% တောင် ရှိလို့ အောင်မြင်နေကြောင်း သိရပါတယ်။
