နယူးဆော့သ်ဝေးပြည်နယ်အတွင်း ဆက်လက်ရေကြီးနေပြီး ဆိုးဝါးတဲ့ရာသီဥတုနဲ့ မိုးသည်းထန်စွာရွာသွန်းမှုကြောင့် ဆစ်ဒနီမြို့ နောက်ဘက်၊ အနောက်မြောက်ဘက်နဲ့ အနောက်တောင်ဘက်ခြမ်းတွေမှာနေထိုင်သူထောင်သောင်းများစွာ မိမိတို့နေအိမ်ကနေ ဘေးလွှတ်ရာကို ရှောင်ရှားသွားကြဖို့ ညွန်ကြားချက်ပေးတာပါတယ်။
ဒီကနေ့ ကြာဿပတေးနေ့မှာ Hawkesbury ၊ Nepean နဲ့ Georges မြစ်ရေတွကြောင့် Menangle, North Richmond, Penrith နဲ့ Windsor နေရာတွေမှာ အကြီးအကျယ်ရေလွှမ်းမိုးမှုဖြစ်မယ်လို့ ယူဆထားကြတာပါ။
ပြည်နယ်အရေးပေါ်ကယ်ဆယ်ရေးဌာနက ၂၄နာရီအတွင်း အကူညီရရှိဖို့အတွက် ဖုန်းခေါ်ဆိုမှုပေါင်း ၃၁၆၆ ကြိမ် လက်ခံရရှိခဲ့ပြီး ညတွင်းချင်းမှာပဲ Windsor, North Richmond, Camden နဲ့ Milperra တို့အပါအဝင် ဆစ်ဒနီမြို့ အနောက်ဘက်၊ အမြောက်ဘက်နဲ့ အနောက်တောင်ဘက်ခြမ်းမှာရှိသူ သောင်းနဲ့ချီပြီး ဘေးလွှတ်ရာရွှေ့ပြောင်းကြဖို့ ညွှန်ကြားချက်အမိန့်ပေါင်း ၂၀ကျော် ထုတ်ပြန်ခဲ့ရပါတယ်။
မိုးလေဝသတိုင်းထွာတဲ့ဌာနကအသက်အန္တရာယ်စိုးရိမ်ရတဲ့ လျှပ်တပြက်ရေကြီးမှုတွေနဲ့ တနာရီကို ကီလိုမီတာ ၉၀အထိပြင်းထန်တဲ့ ထိခိုက်ပျက်စီးမှုရှိနိုင်တဲ့ လေတိုက်နှုန်းတွေရှိမယ်လို့ သတိပေးထားပါတယ်။
ရေကြီးမှုကြောင့် အခုဆိုရင် သေဆုံးသူ ၅ဦးရှိသွားပြီးဖြစ်ပါတယ်။
