ဩစတြေးလျမှာ တိရိစ္ဆာန်မွေးမြူချင်သူများအတွက် လမ်းညွှန်ချက်

ဩစတြေးလျနိုင်ငံမှာ နေထိုင်သူ အများအပြားအတွက် အိမ်မွေးတိရိစ္ဆာန်ဟာ သူတို့ရဲ့ ဘဝအစိတ်အပိုင်းဖြစ်ပြီး အိမ် ၃ လုံးထဲမှာ ၂ လုံးနှုန်းလောက်က နေအိမ်မှာ တိရိစ္ဆာန် မွေးထားကြသူတွေ ဖြစ်ပါတယ်။

A cute and energetic golden retriever runs toward the camera with a ball in his mouth. Credit: Fly View Productions/Getty Images

တိရိစ္ဆာန်မွေးဖူးသူတွေအနေနဲ့ အရေးကြီး သိရမယ့်အကြောင်းတွေကို သိထားနိုင်ပေမယ့် တခါမှ တိရိစ္ဆာန်မမွေးဖူးသေးတဲ့ လူတွေအနေနဲ့ အရေးကြီးတဲ့ တချို့အချက်အလက်ကို မသိတာမျိုး ဖြစ်နိုင်ပါတယ်။

တိရိစ္ဆာန်ကို မွေးမြူရတဲ့ တာဝန်ဝတ္တရားအကြောင်း ပြောရရင်တော့ သူက ကလေးတစ်ယောက်ကို ပြုစုပျိုးထောင်ရတာနဲ့ သိပ်မကွာဘူးလို့ ပြောဆိုတတ်ကြပါတယ်။