၂၀၂၅ ဖေဖော်ဝါရီ ၆ ရက် သတင်းများ

၂၀၂၅ ခုနှစ် ဖေဖော်ဝါရီလ ၆ ရက်နေ့အတွက် ထိပ်တန်းရောက်နေတဲ့ သတင်းတွေကတော့ ထိုင်းနဲ့ ထိစပ်နေတဲ့ မြန်မာမြို့ ၃ ခုကို ထိုင်းက လျှပ်စစ်မီးနဲ့ လောင်စာဆီတွေ ဖြတ်တောက်လိုက်တဲ့အကြောင်း အမုန်းတရားပျံ့ပွားစေတဲ့ အပြောအဆိုတွေ အရေးအသားတွေပြုလုပ်သူကို အနည်းဆုံး ထောင်ဒဏ်ဘယ်လောက် ချမှတ်သင့်တယ်ဆိုတဲ့ အဆိုပြုချက်ကို အစိုးရက သဘောတူတယ်ဆိုတဲ့ သတင်းတွေ ထွက်ပေါ်နေတဲ့အကြောင်းနဲ့ ပါလစ္စတိုင်းသားတွေ ဂါဇာဒေသကနေ ထွက်ခွာပြီး အဲဒီဒေသကို အမေရိကန် တည်ငြိမ်အောင် လုပ်ဆောင်မယ်ဆိုတဲ့ သမ္မတ ဒေါ်နယ်ထရန့်ရဲ့ ပြောဆိုမှုကို အမျိုးမျိုး တုန့်ပြန်ကြတဲ့ သတင်းတွေအပြင် တခြား ထူးခြားတဲ့ သတင်းတွေကိုလည်း နားဆင်ရမှာ ဖြစ်ပါတယ်။

SBS Burmese News Flash

NSW နဲ့ ACT ဒေသက မြန်မာစစ်တပ်အာဏာ သိမ်းပိုက်မှုကို ဆန့်ကျင်တဲ့ လူတွေဟာ စစ်တပ် အာဏာသိမ်းမှု ၄ နှစ်ပြည့်တာကို ဆန့်ကျင်တဲ့အနေနဲ့ ကနေ့ ကင်ဘာရာမြို့မှာ ဆန္ဒပြခဲ့ကြပါတယ်။ နေရာ သုံးခုမှာ ဆန္ဒပြဖို့ ရှိတဲ့အကြောင်း ဩစတြေးလျဆိုင်ရာ အန်ယူဂျီရဲ့ ကိုယ်စားလှယ် ဒေါက်တာ ထွန်းအောင်ရွှေက အခုလို ပြောပါတယ်။

 နားဆင်နိုင်ပါပြီ။