ရခိုင်ပြည်နယ်က ပြည်သူတွေ ရေကြီးရေလျှံမှုဒဏ်ကို ခံစားနေရ။

Residents wade through floodwaters in Myanmar's western Rakhine state on July 10, 2026. Source: AFP / STR/AFP

ဇူလိုင်လ မိုးသည်းထန်စွာ ရွာသွန်းမှုတွေကြောင့် ရခိုင်ပြည်နယ်အတွင်းမှာရှိတဲ့ မြို့နယ်အတော်များများမှာ ရေကြီးရေလျှံမှုတွေ ရင်ဆိုင်နေကြရပြီး လူသိန်းချီ ရေဘေးသင့်နေကြရကာ လူသေဆုံးမှုတွေကို ကြုံတွေ့နေကြရပါတယ်။

---

ပြီးခဲ့တဲ့ ဇူလိုင်လ ၄ ရက်မှ စတင်ကာ မိုးအဆက်မပြတ် ရွာသွန်းမှုကြောင့် ရခိုင်မြစ်တွေနဲ့ ချောင်းတွေ ရေလျှံလာပြီး ကျောက်တော်၊ မြောက်ဦး၊ ၊မင်းပြား၊ ဘူးသီးတောင်၊ပုဏ္ဏားကျွန်း စတဲ့ မြို့နယ် ငါးခုမှာ ရေအနက် ၆ ပေကျော်အထိ နစ်မြှပ်ခဲ့တာဖြစ်ပါတယ်။

ရေကြီးမှုကြောင့် ဘူးသီးတောင် မြို့နယ်၌ လူတစ်ဦးသေဆုံးကာ ကျောက်တော်မြို့နယ်မှာ လူသုံးဦး သေဆုံးခဲ့ရပြီး ၊ လူအများအပြား ဘေးလွတ်ရာသို့ ရွှေ့ပြောင်းနေထိုင်နေတယ်လို့ မြေပြင်ကူညီကယ်ဆယ်ရေး လုပ်ကိုင်နေသူတွေနဲ့ ဒေသခံတွေဆီက သိရပါတယ်။