တအာင်းကလေးငယ် ပညာသင်ကြားခွင့်ဆုံးရှုံးနေ

ရှမ်းပြည်နယ်မြောက်ပိုင်း မြန်မာအမျိုးသား ဒီမိုကရက်တစ် မဟာမိတ်တပ်မတော်) MNDAA ( က ထိန်းချုပ်ထားတဲ့ ကွတ်ခိုင်မြို့နယ်မှာ တအာင်း ပညာရေး ကောင်စီ (Ta’ang Land Education Council - TLEC) ဖွင့်လှစ်ထားတဲ့ ကျောင်းပေါင်း ၁၃၀ ကျော် ပိတ်ထားဆဲ ဖြစ်ပြီး ကလေး ၁၂,၀၀၀ ကျော် ပညာရေး ရပ်တန့်နေကြရပါတယ်။

---

ကွတ်ခိုင်မြို့ဟာ စိုက်ပျိုးရေးနဲ့ ကုန်သွယ်မှု လုပ်ငန်းတွေအတွက် အချက်အချာကျသလို ကချင်၊ ရှမ်း၊ တအာင်းလရှီ၊ လီဆူ၊ ပလောင်၊ တရုတ်နှင့် ဂေါ်ရခါး၊ စတဲ့ လူမျိုးစုံ၊ ဘာသာစုံ စုစည်း နေထိုင် ကြတဲ့ မြို့တမြို့လည်းဖြစ်ပါတယ်။

TNLA (တအာင်း အမျိုးသား လွတ်မြောက်ရေး တပ်မတော်) က ကွတ်ခိုင်မြို့နယ်ကို ထိန်းချုပ်ခဲ့ပြီး အဲဒီအချိန်က တအာင်းပြည် ပညာရေးကောင်စီ TLEC ရဲ့ ဦးဆောင်မှုနဲ့ ကျောင်းပေါင်း ၁၃၀ ကျော် ဖွင့်လှစ်ခဲ့ပြီး ကလေး ၁၂,၀၀၀ ကျော် ပညာသင်ကြားခွင့် ရရှိခဲ့ကြပါတယ်။