Abraham Akec Awuolic ee raan töŋë kɔc cë akutë People’s Coalition for Civil Action kuɔ̈ɔ̈tic në ye nïïnkɛ̈. Në kë cïï lueel në athöörden yic, keka ye cööt bë Bɛ̈ny Kiir Mayärdït, Riɛ̈k Macär ku jɔl ya kɔc tɔ̈ në ŋɔ̈ɔ̈ric kenë kek bïk nyuc piny ku bïk baai päl kɔc kɔ̈k bë yen bɛɛr laar tueŋ.
Akei mane tɔ̈ ke ye bɛ̈ny akutë Sudd Institute atɔ̈ në katë në ye mɛn ku Gobëna thiɛɛrë panë Aweil ka ye North Bhar el gazal Kuël Aguër Kuël atɔ̈ ke cë mac në Blue House në Juba.
“Kë mac Kuël ku jɔ ya kë cop ɣa ku kɔc kɔ̈k, ɣokka cë nyuc piny wɛ̈ɛ̈r ku jokku baai tïŋ ë të leer baai thïn. Ke baai acuk tïŋ ke ye pane kɔc ye näk ë kɔc, kɔc ye thɔ̈ɔ̈r kuke pane kɔc ye kɔc peec. Kuke pane kɔc cën kenë miäk yekkɛ̈ bɛɛr tak, ee pane bë kɔc thɔ̈ɔ̈r ku bë kɔc miɔc në bääny….. kuka cën lɔ tueŋë baai loi rɔt.”