Akutnhïïm kɔc dhuur Chol Ku Dau ake ci keek nhïïm mat bïk mermeer dɛ̈ɛ̈p thok bïk kek mithkäk taak. Mïth riëëcken, kɔc ye
keek thuëc, kɔc gɛɛtkek, kɔc dit akuma ku bääny baai ku kaacken ake ci keek mat thin eben. Akuën dit kɔc ke ci bɛn thin eben aa mïïth keek juëc thin ka wɛɛr kɔcdit ku keek eben aci puöl ŋɛ̈ɛ̈r ke ci rot looi tɛn Chol ku Dau ke kɔc laan ke ci lɔ thuëc kura den pɛth ku aci ke ŋic ke bi keek bɛn määt dhëlic ke dhuk baai.
Thuɔuden aci jal bɛn keek aa rɛɛm ku dhiëën puöu tɛn riëëcken, kɔc ye keek thuëc etok ku midhiët ken ku miëth akënë ku wuönden. Wathieei cï kɔc ke nhïïm mat wɛ̈nden aci kajuëëc cɔl aye kɔc rot thiëc erin wic yen bi deetic ci thuön den bɛn keda, ye yï ŋa nɛ̈k keek ku yeŋo nɛ̈k keek? Thiëc ke eben aŋuɔt ke cïn tɛ ci keek ke nhïïm dhuk ku awic baai bi ŋic yeŋo nɛ̈k mïth.
Kaam kɔc juëc ke ci guɛ̈ɛ̈r thin Ajak Deng Chiëngkou ee raan töŋ kɔc ke ci lɔ thin dëëp mermer erin Chol ku Dau ku aci lueel akuën kɔc ke bɛn thin aa mith keek wɛɛr kɔc dit thin ku ka mith keek looi aguiɛ̈ɛ̈r ke ci kɔc ke nhïïm mat thin bïk mɛ̈ɛ̈thken tak ku dhuurke keek.
Aci bɛn mat thin ku lueel kɔc adool apɛi erin ke ci rot looi tɛ puɔ̈c yen rot looi na leer wɛ̈n ka kɔc ago nhïïm löök maar yeen ku cïn looi thin. Dɛt, ci bɛn mat thin ee lɔ̈̈n wïc miith yeen bi kɔc nyuuc piny bi kɔc jaam ku aci lueel yeŋa bi yeen pïŋ ke ci miith lueel erin ye jam bɛn looi ku kɔc kuuc ke lueelke aa kek ye bɛn puöl bïk jam ku akuc ke bïk kek jam thin.
Aci wɛ̈tde dɛɛtic aya ku luel yeen apɛth bi kɔc nyuuc piny ku pïŋ kä ke ye mïïth lueel yiith karou erin aa mith kek ŋic ke looi ku pɛl kɔc ke yïïth pïŋ bi kɔc pïŋ tɛn keek ka lëŋ ke deet ye yiic tɛn keek. Wën ci yeen jal bɛ̈n thiëc aya yeŋo leu ku bi looi ku bi mïth koony? Ka ci lueel miɛ̈thkua aa leŋ yïïth ye keek pïŋ ku kuät kaam ye yeen keek yïk ke lëŋ tɛ reel kek thin ku thiëc bïk yen pïŋ ka ke yïïth päl piny bbïk tɛn yen na cɔk aa lɔn yiök yeen keek ke dööl ka pɛɛl rot piny bïk pïŋ tɛn yeen. Aci jam ku luel mïth awic bi keek ya nyuuc nyïïn tɛn tɛden bii keek thin ŋic ku ciɛ̈ɛ̈ŋden ku kënë ee keek kuɔ̈ny bïk rot ŋic ku wuönden aya.
Jamde yiic keek mith aci yiök lɔn mïth juëc aa kuc panden, wuönden aye riɛ̈nken apɛth ku këne awïc luɔ̈i dittet tɛn midhien ku baai bïk löön kënë looi ke ye piööc bi mïth piɔ̈ɔ̈c ciɛ̈ɛ̈ŋ, kuatden ku baai aläŋden. aci luel mïth aci yiök ke ŋic rot apɛi kuaci yiic ŋɛɛr ke ci looi ku aci keek pɛ̈ɛ̈k puoth wei erin ye keek kuöc det ku awic jaam dittet apɛi bi näŋ tɛn deet rot ka looi rot yiic tɛn mïïth.
